Kpojemi 10:4 - BAIBLO ALOO NGMAMI KLƆUKLƆU Ɔ

⁴ Benɛ hiɔwe si si kpaago ɔ, jinɛ i miɔ nɛ ma ngma nɔ́ nɛ a de ɔ. Se i nu nɛ gbi ko je hiɔwe de ke, “Nɔ́ nɛ hiɔwe simi kpaago ɔ de ɔ, kɛ to o yi mi; koo ngma!”

Somi He Ɔ

⁴ Benɛ hiɔwe simi kpaago ɔ wo a gbi mi ɔ, jinɛ i miɔ nɛ ma ngma; nɛ i nu gbi ko nɛ je hiɔwe de mi ke: “Sɔuu nihi nɛ hiɔwe simi kpaago ɔ de ɔ nya, nɛ o ko ngma.”

Kpojemi 10:4 ပူးပေါင်းရင်းမြစ်များ

Yesaya 29:11

Gbali ɔmɛ nui a nina amɛ a sisi, konɛ a tsɔɔ nyɛ; nina amɛ pee kaa womi kpo ko nɛ a sɔu nya. Ke a ngɔ kɛ ya ha nɔ nɛ le womi kanemi ke e kane ha nyɛ ɔ, e ma de ke e be nyɛe, ejakaa a sɔu nya.

Yesaya 8:1

Jehanɛ, Yawɛ de mi ke, “Yaa hla nɔ́ nɛ a ngmaa ní ngɛ nɔ agbo ko, nɛ o ngma ní agbohi ngɛ nɔ. Ngmaa ke, ‘Puɛ ní esɔ; haa ní kɛ fo.’

Yesaya 8:16

Sɛ gbihi nɛ Mawu ngɔ ha mi ɔ, nyɛ, ye kaseli ɔmɛ, nyɛɛ hyɛ a nɔ saminya, konɛ a hi si daa.

Daniel 12:4

Bɔfo ɔ de mi ke, “Daniel, jehanɛ nga womi ɔ nya, nɛ o sɔu nya kɛ yaa si je mi nyagbe. Kɛ je be nɛ ɔ mi kɛ yaa si jamɛ a be ɔ, nihi babauu ma gbo yaka dengme. A maa nyɛɛ kɛ ya kɛ ba, nɛ a ma hla kaa a le nɔ́ nɛ ngɛ nɔ yae.”

Daniel 12:9

E he nɔ ke, “Daniel, amlɔ nɛ ɔ, yaa. Ejakaa munyu nɛ ɔmɛ ɔ, a kɛ maa to, nɛ a maa laa nɔ kɛ yaa si nyagbe be ɔ.

Daniel 8:26

Nina a nɛ kɔɔ gbɔkuɛ kɛ mɔtu bɔ sami ɔmɛ a he nɛ a tsɔɔ mo sisi ɔ maa ba mi. Se amlɔ nɛ ɔ, ngɔɔ kɛ to o yi mi; ejakaa e maa ye be saii loko e maa ba mi.”

Mose V, 29:29

“Laami ní komɛ ngɛ nɛ Yawɛ, wa Mawu ɔ je we kpo ngɔ tsɔɔ wɔ, se e je e mlaa a kpo ngɔ ha wɔ kɛ wa nina, bɔ nɛ pee nɛ waa ye nɔ kɛ ya neneene.

Kpojemi 1:11

Gbi ɔ de ke, “Ngmaa nɔ́ nɛ o na a ngɔ wo womi mi, nɛ o kɛ mane asafohi nɛ ngɛ ma kpaago nɛ ɔmɛ a mi: Efeso, Smirna, Pergamo, Tiatira, Sarde, Filadelfia, kɛ Laodikea.”

Kpojemi 1:19

Lɔ ɔ he ɔ, ngmaa nɔ́ nɛ o na nɛ ngɛ nɔ yae amlɔ nɛ ɔ, kɛ nɔ́ nɛ maa ba hwɔɔ se ɔ.

Kpojemi 10:8

Kɛkɛ nɛ gbi nɛ i nu nɛ ngɛ munyu tue kɛ je hiɔwe ɔ kɛ mi tu munyu ekohu. E ke, “Bɔfo ɔ nɛ daa si, nɛ e nane kake ngɛ wo nɔ, nɛ kake hu ngɛ zugba nɔ ɔ, yaa nɛ o ya he womi kpo nɛ a bli mi ɔ ngɛ e dɛ.”

Kpojemi 22:10

Bɔfo ɔ ya nɔ nɛ e de mi ke, “Koo sɔu munyuhi nɛ a gba ngɔ to, nɛ ngɛ womi nɛ ɔ mi ɔ nya, ejakaa be ɔ su.