Kpojemi 10:1 - BAIBLO ALOO NGMAMI KLƆUKLƆU Ɔ

¹ Jehanɛ ɔ, i na Mawu bɔfo kpetekpleenyɛ kpa nɛ je hiɔwe kɛ ma. Bɔku bɔle lɛ kɛ kpe, nɛ alale ngɛ e yi je; e hɛ mi ngɛ kaa pu, nɛ e nanehi ngɛ kaa la titimahi.

Somi He Ɔ

¹ Kɛkɛ nɛ i na hiɔwe bɔfo kpa ko nɛ he wa nɛ e je hiɔwe kɛ ngɛ si kplee, nɛ e ha bɔku, nɛ alale ngɛ e yi kpɛti, nɛ e hɛ mi ngɛ kaa pu, nɛ e nanehi ngɛ kaa la titimahi.

Kpojemi 10:1 ပူးပေါင်းရင်းမြစ်များ

Mateo 17:2

Benɛ a ngɛ lɛ hyɛe ɔ, e nɔmlɔ tso su tsake; e hɛ mi ngɛ kpɛe kaa pu, nɛ e tade ɔmɛ hiɛ futaa.

Ezekiel 1:28

Alale su slɔɔtohi nɛ je kpo ngɛ mi ɔ ngɛ fɛu kaa nɔ́ ko. Bɔ nɛ Yawɛ hɛ mi nyami ɔ kpɛmi nɛ a be nyɛe maa kale ɔ je e he kpo ji nɛ ɔ nɛ. Benɛ i na nɔ́ nɛ ɔ, i tsɔ fia si, nɛ i ngɔ ye hɛ mi ngɔ bu zugba. Kɛkɛ nɛ i nu gbi ko nɛ ngɛ mi dee ke,

Kpojemi 5:2

Nɛ i na bɔfo kpetekpleenyɛ ko nɛ ngɛ fiɛe kɛ ngmlaa ke, “Mɛnɔ lɛ sa kaa e tsɔ womi nya sɔumi ní ɔmɛ, nɛ e bli womi kpo ɔ nya?”

Daniel 10:6

E nɔmlɔ tso ɔ ngɛ kpɛe kaa tɛ nɛ he jua wa. E hɛ mi ngɛ kpɛe kaa oslabai nɛ gba, nɛ e hɛngmɛhi ngɛ kaa jatɛ nɛ a su. E kɔnihi kɛ e nanehi ngɛ kpɛe kaa akɔblee nɛ a sa he, nɛ e gbi ngɛ kaa nimli babauu a gbi.

Kpojemi 4:3

Nɔ ɔ hɛ mi ngɛ kpɛe kaa yaspi kɛ sardi tɛhi nɛ a he jua wa. Alale nɛ e su ngɛ kaa emerald tɛ nɛ he jua wa po kɛ bɔle matsɛ sɛ ɔ.

Kpojemi 8:13

Kɛkɛ nɛ i hyɛ, nɛ i nu kɔle ko he nɛ te kɛ bee ngɛ hiɔwe lokoo. Kɔle ɔ ngɛ munyu tue kɛ gbi wawɛɛ ke, “Musu oo musu! Musu oo musu! Nihi tsuo nɛ maa hi je ɔ mi be mi nɛ bɔfo etɛ ɔmɛ ma kpa titimati ɔmɛ nɛ piɛ ɔ, musu tloo mɛ!”

La 104:3

O ma o we ɔ ngɔ fɔ nyu nɛ ngɛ hiɔwe ɔ nɔ. O ngɔ bɔku kɛ pee o lɛ, nɛ kɔɔhiɔ mi o nyɛɛɔ.

La 97:2

Bɔku kɛ diblii kpii bɔle lɛ kɛ kpe. Matsɛ ji lɛ; anɔkuale, kɛ dami sane e yeɔ.

Kpojemi 1:7

Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.

Ni Tsumi 26:13

Nɛnɛ, piani katakata, benɛ i nyɛɛ blɔ kɛ yaa a, i na la ko nɛ kpɛ nylamnylam pe pu po kɛ je hiɔwe ba bɔle mi, kɛ nihi nɛ kɛ mi nyɛɛ ɔ.

Luka 21:27

Kɛkɛ ɔ, a maa na Nɔmlɔ Bi ɔ nɛ ma ngɛ bɔku mi, kɛ he wami, kɛ hɛ mi nyami babauu.

Daniel 7:13

Enɛ ɔ se, nyɔ mi benɛ i ngɛ ní nɛ ɔmɛ hyɛe kɛ mwɔɔ ɔ, i na nɔ́ ko kaa nɔmlɔ adesa nɛ nyɛɛ bɔku mi kɛ ma ye ngɔ. E be kɛ ho nɔ nɛ ngɛ daa a ngɔ ya, nɛ a kɛ lɛ tsɔɔ nɔ nɛ ngɛ daa a.

Kɔmɔ Yemi 3:44

O we abofu nɛ nya wa nɛ ɔ ngɛ kaa bɔku nɛ mi ti nɛ o kɛ ha o he. Enɛ ɔ he ɔ, ke wa fa kue ha mo ɔ, e sui o ngɔ.

Yesaya 54:9

“Noa be ɔ mi ɔ, i wo si ko; i de ke i be hae nɛ nyu babauu ma ba ha zugba a nɔ hu. Amlɔ nɛ ɔ, i ngɛ mo si woe kaa ye mi mi be mo fue hu gblegbleegble.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Lahi 5:15

E fiɔhi ngɛ kaa tɛ hiɔ titimahi nɛ a kɛ ma sika tsu níhi a mi. Ye suɔlɔ ɔ hɛ mi nyami ngɛ kaa Lebanon yo ɔmɛ kɛ a nɔ seda tso saminyawiiwi nɛ ka gagaaga.

Mose III, 16:2

E de lɛ ke, “De o nyɛminyumu Aaron ke e ko ya he klɔuklɔu pe kulaa a ngɛ tsu mi pomi bo ɔ se be saisaa, konɛ e ko gbo. Ejakaa lejɛ ɔ ji he nɛ i jeɔ ye he kpo ngɛ ngɛ bɔku mi, ngɛ somi daka a nya nɔ́ ɔ nɔ.

Mose II, 16:10

Benɛ Aaron kɛ Israel ma a ngɛ munyu ɔ tue nɛ a plɛ nɛ a maa hyɛ nga a nɔ blɔ ɔ, né Yawɛ hɛ mi nyami nɛ je kpo ngɛ bɔku ɔ mi.

Kpojemi 18:1

Enɛ ɔ se ɔ, i na bɔfo kpa nɛ je hiɔwe kɛ ma. E hɛɛ blɔ nya nguaa, nɛ la nɛ bɔle lɛ ɔ ha nɛ je ɔ mi tsuo tsɔ heii.

Kpojemi 18:21

Jehanɛ ɔ, bɔfo kpetekpleenyɛ ko wo tɛ nɛ ngɛ kaa wɛ nguaa ko, nɛ e hɛ ngɔ fɔ wo mi, nɛ e de ke, “Kikɛ nɛ ɔ a maa hɛ Babilon ma kpetekpleenyɛ ɔ ngɔ fɔ he, nɛ a be lɛ nae hu gblegbleegble.

Kpojemi 20:1

Jehanɛ ɔ, i na bɔfo ko nɛ je hiɔwe kɛ ma; e hɛɛ muɔ voo ɔ nya safe, kɛ kɔsɔkɔsɔ nɛ jiɔ ngɛ e dɛ mi.