Kpojemi 1:9 - BAIBLO ALOO NGMAMI KLƆUKLƆU Ɔ

⁹ Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

Somi He Ɔ

⁹ Imi Yohane nɛ ji nyɛ nyɛmi kɛ nyɛ huɛ ngɛ Yesu Kristo amanehlu ɔ kɛ e matsɛ yemi ɔ kɛ e tsui si tomi ɔ mi ɔ, i ngɛ zugba kpɔ nɛ wo bɔle lɛ nɛ a tsɛɛ lɛ Patmo ɔ nɔ ngɛ Mawu munyu ɔ kɛ Yesu Kristo he odase yemi he.

Kpojemi 1:9 ပူးပေါင်းရင်းမြစ်များ

Mateo 20:23

Yesu de mɛ ke, “Ee, nyɛ maa nu. Se kaa nɔ ko maa hi ye hiɔ nɔ, loo ye muɔ nɔ ɔ, jamɛ a blɔ nya a lɛɛ pi imi nɛ i haa nɔ. Blɔ he nɛ ɔmɛ fɔɔ si kɛ ha nihi nɛ Tsaatsɛ nitsɛ dla kɛ to ɔ.”

Marko 10:39

A he nɔ ke, “Wa ma nyɛ.” Kɛkɛ nɛ Yesu de mɛ ke, “Kplu nɛ ma nu ɔ, nyɛ ma nyɛ maa nu, nɛ nɔ sɔlemi nɛ a kɛ maa sɔle mi ɔ, a kɛ maa sɔle nyɛ hulɔ lɛɛ,

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Ni Tsumi 1:15

Be bɔɔ se ɔ, nihi maa pee lafa kɛ nyingmi enyɔ nɛ he Yesu ye ɔ ba bua a he nya. Kɛkɛ nɛ Petro te da si, nɛ e kɛ mɛ tu munyu ke,

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

Romabi 8:17

Akɛnɛ Mawu bimɛ ji wɔ ɔ, wa peeɔ Mawu we ní yeli hulɔ, nihi nɛ a kɛ Kristo maa dla ní. Ee, ke waa kɛ Kristo na nɔ́ ɔ, a maa wo waa kɛ lɛ tsuo wa hɛ mi nyami.

Romabi 8:25

Se ke wa ngɛ nɔ́ ko blɔ hyɛe, nɛ wa ngɔ wa hɛ kɛ fɔ nɔ kaa wa nine maa su nɔ ɔ, wa toɔ wa tsui si.

2 Korintobi 1:7

Wa ngɔ wa hɛ ngɔ fɔ nyɛ nɔ wawɛɛ, ejakaa wa le kaa nɛ nyɛ ngɛ nɔ́ nae kaa wɔ nɛ ɔ, jã kɛ̃ lɛ a maa wo nyɛ bua kaa wɔ.

Filipibi 1:7

I suɔ nyɛ saminya, nɛ e sa kaa ma susu nyɛ he wawɛɛ kikɛ nɛ ɔ. Ejakaa Mawu dloomi ɔ nɛ i kɛ ngɛ sane kpakpa a fiɛe kɛ hɛdɔ, kɛ je sisije nɛ i ngɛ ye nane nɔ kɛ bee, kɛ ba si amlɔ nɛ ɔ nɛ a wo mi tsu ɔ, i kɛ nyɛ tsuo nɛ wa ná kikɛmɛ a dloomi ɔ, nɛ wa ngɛ he ní tsue.

Filipibi 4:14

Se kɛ̃ ɔ, nyɛ pee saminya kaa nyɛ ba ye bua mi ngɛ ye nɔ́ nami be ɔ mi.

2 Tesalonikabi 3:5

Nyɔmtsɛ ɔ nɛ ha nɛ nyɛɛ nu Mawu suɔmi ɔ, kɛ Kristo tsui si tomi ɔ sisi saminya.

2 Timoteo 1:8

Lɔ ɔ he ɔ, ko ha nɛ odase nɛ o maa ye ngɛ wa Nyɔmtsɛ ɔ he ɔ nɛ pee mo zo. Imi hu nɛ a wo mi tsu ngɛ Kristo he ɔ, ye he ko pee mo zo. Mohu ɔ, bɔɔ mɔde nɛ o na nɔ́ ngɛ sane kpakpa a he kaa bɔ nɛ imi hu i ngɛ nae ɔ, nɛ Mawu ma ha mo he wami nɛ o kɛ tsu nɔ́ nɛ ɔ.

Hebribi 10:36

E hia kaa nyɛɛ to nyɛ tsui si, nɛ nyɛɛ pee Mawu suɔmi nya ní, konɛ nɔ́ nɛ e wo he si ɔ, nyɛ nine nɛ su nɔ.

1 Petro 5:1

I ngɛ munyu tue kɛ ngɛ asafo mi nikɔtɔmahi nɛ ngɛ nyɛ kpɛti ɔ tsɔɔe kɛ je ye tsui mi tɔɔ kaa nyɛ nyɛmi asafo mi nɔkɔtɔma. Amanehlu nɛ Kristo na a, i yeɔ he odase, nɛ Kristo hɛ mi nyami nɛ Mawu ma je tsɔɔ nihi ɔ, imi hu ma na. I ngɛ pɛɛ kpae kaa

Kpojemi 1:1

Ní komɛ nɛ Yesu Kristo je tsɔɔ ɔ, a he sane lɛ ngɛ womi nɛ ɔ mi. Mawu je nina a ngɔ tsɔɔ Kristo, konɛ lɛ hu e tsɔɔ e tsɔli ɔmɛ nɔ́ nɛ maa ba mi ngɛ be kpiti mi. Kristo tsɔ e bɔfo ɔ kɛ ya e tsɔlɔ Yohane ngɔ, nɛ e ya ha nɛ e le ní nɛ ɔmɛ tsuo.

Kpojemi 1:2

Níhi nɛ Yohane na a, e ye lɛ tsuo he odase ngɛ womi nɛ ɔ mi. Enɛ ɔ ji sɛ gbi nɛ je Mawu ngɔ ɔ, kɛ anɔkuale ɔ nɛ Yesu Kristo je tsɔɔ lɛ ɔ.

Kpojemi 1:4

Imi Yohane nɛ i ngma womi nɛ ɔ ya ha asafo kpaago ɔmɛ ngɛ Asia. Dloomi kɛ he jɔmi nɛ je Mawu, nɔ nɛ ngɛ kɛ je blema, nɔ nɛ ngɛ amlɔ nɛ ɔ, nɛ e maa ba a dɛ mi ɔ ha nyɛ. Jehanɛ ɔ, mumi kpaago ɔmɛ nɛ ngɛ Mawu matsɛ sɛ ɔ hɛ mi ɔ,

Kpojemi 1:6

e to matsɛ yemi sisi ha wɔ, nɛ e pee wɔ osɔfohi, konɛ wa sɔmɔ e Tsɛ Mawu ɔ, nyɛ ha waa wo e hɛ mi nyami, nɛ e ye matsɛ kɛ ya neneene kɛ neneene. Amen.

Kpojemi 11:7

Ke a gbe odase yemi ɔ nya a, lohwe awi yelɔ ɔ nɛ jeɔ muɔ voo ɔ mi ɔ kɛ mɛ ma ba hwu ta. E maa ye a nɔ, nɛ e maa gbe mɛ,

Kpojemi 12:11

Wa nyɛmimɛ ɔmɛ ye e nɔ kunimi kɛ gu To bi ɔ muɔ ɔ, kɛ odase ɔ nɛ a ye ɔ nɔ. A de we ke a maa baa mɛ nitsɛmɛ a wami yi, se mohu a suɔ kaa a maa ngɔ a wami tete ngɔ ha, nɛ a gbe mɛ.

Kpojemi 12:17

Sinɔ nguaa a mi mi fu yo ɔ, nɛ e pue nɔ kɛ ho, konɛ e kɛ yo ɔ nina nɛ piɛ ɔ, nihi tsuo nɛ yeɔ Mawu mlaa amɛ a nɔ, kɛ ni nɛmɛ hu nɛ fiɛɔ sɛ gbi ɔ nɛ kɔɔ Yesu he ɔ ya hwu ta.

Kpojemi 13:10

Ke a to ke a nu nɔ ko nyɔguɛ ɔ, ja a nu lɛ nyɔguɛ. Ke nɔ ko kɛ klaate gbe nɔ ɔ, ja a kɛ klaate gbe lɛ. Enɛ ɔ tsɔɔ kaa e hia kaa Mawu we bi nɛ to a tsui si, nɛ a pɛtɛ a hemi kɛ yemi ɔ he wawɛɛ.”

Kpojemi 14:12

Enɛ ɔ tsɔɔ kaa e hia kaa ni klɔuklɔu ɔmɛ nɛ yeɔ Mawu mlaa amɛ a nɔ, nɛ a heɔ Yesu yeɔ anɔkuale mi ɔ nɛ a to a tsui si daa.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Kpojemi 20:4

Enɛ ɔ se ɔ, i na matsɛ sɛ komɛ nɛ nihi nɛ hii si ngɛ a nɔ ɔ, a ha mɛ he blɔ kaa a kojo. Jehanɛ ɔ, nihi nɛ ye Yesu he odase, kɛ ni nɛmɛ nɛ fiɛ Mawu munyu ɔ, nɛ lɔ ɔmɛ a he nɛ a gbe mɛ ɔ, i na mɛ hu a klaahi. Mɛɛ a ja we lohwe awi yelɔ ɔ, loo e we amaga a; a kɛ lohwe ɔ kadi we a hɛ nya, loo a nine he. A kpale ba wami mi ekohu, nɛ a kɛ Yesu ye matsɛ jeha akpe.

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.

Kpojemi 6:9

Jehanɛ ɔ, To bi ɔ tsɔ nya sɔumi nɔ́ enuɔne ɔ. Nɛ i na nihi nɛ ye Mawu munyu ɔ he odase nɛ a gbe mɛ ngɛ he ɔ a klaahi ngɛ bɔ sami la tɛ ɔ sisi.

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.