Kpojemi 1:5 - BAIBLO ALOO NGMAMI KLƆUKLƆU Ɔ

⁵ kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ

Somi He Ɔ

⁵ nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

Kpojemi 1:5 ပူးပေါင်းရင်းမြစ်များ

La 51:2

Du ha mi konɛ ye mu ní ɔmɛ, kɛ yayami ɔmɛ tsuo nɛ a je ye he kulaa.

La 72:11

Matsɛmɛ ɔmɛ tsuo nɛ a ba kpla si ngɛ e hɛ mi, nɛ je ma amɛ tsuo nɛ a sɔmɔ lɛ!

La 89:27

Imi hu ma ngɔ lɛ kɛ pee ye bitɛte; ma pee lɛ matsɛ nɛ kle pe je nɛ ɔ mi matsɛmɛ ɔmɛ tsuo.

Abɛ Womi 14:5

Anɔkuale odase yelɔ ngɔɛ nya. Lakpa odase yelɔ lɛɛ lakpa pɛ e yeɔ.

Yesaya 55:4

I wo lɛ je ma amɛ a nyatsɛ, kɛ asafoatsɛngua, nɛ e nɔ i gu kɛ je ye he wami kpo.

Daniel 2:2

Enɛ ɔ he je ɔ, e tsɔ ya kpee womi mi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ kɛ ba, konɛ a ba tsɔɔ lɛ e nlami ɔ sisi. Kɛkɛ nɛ a ba nɛ a ba da si ngɛ matsɛ ɔ hɛ mi,

Daniel 7:14

A ngɔ he wami, hɛ mi nyami, kɛ matsɛ yemi ngɔ wo e dɛ, konɛ je ma amɛ, kɛ nihi nɛ tuɔ gbi slɔɔtoslɔɔto ɔmɛ nɛ a sɔmɔ lɛ. E he wami ɔ maa hi si kɛ maa ya neneene, nɛ e matsɛ yemi ɔ se be poe gblegbleegble.

Mose III, 13:58

Ke e fɔ nɔ́ ɔ he, nɛ e na kaa nɔ́ yaya a je mi pɛsɛɛ ɔ, e fɔ he ekohu si enyɔne, kɛkɛ ɔ, nɔ́ ɔ he ma tsɔ kulaa.

Zakaria 13:1

Yawɛ Tabohiatsɛ ɔ ya nɔ nɛ e de ke, “Ke jamɛ a be ɔ su ɔ, a ma bli nyu vu ko nya, nɛ a maa ngɔ e mi nyu ɔ kɛ tsu David nina, kɛ Yerusalem bi ɔmɛ a he kɛ jé a he yayami ɔ, kɛ a he mu ɔ.

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

Yohane 13:1

Benɛ e piɛ ligbi kake loko a maa ye Hetsɔmi nyami ɔ, Yesu na kaa jehanɛ lɛɛ be ɔ su nɛ e ma si je ɔ mi kɛ ho Tsɛ ɔ ngɔ ya. Yesu suɔ nihi tsuo nɛ he lɛ ye ngɛ je ɔ mi ɔ saminya kɛ ya si e gbenɔ mi po.

Yohane 13:34

Jehanɛ ɔ, mlaa he i ngɛ nyɛ woe; nyɛɛ suɔ nyɛ sibi kaa bɔ nɛ i suɔ nyɛ ɔ.

Yohane 15:9

I suɔ nyɛ kaa bɔ nɛ Tsɛ ɔ suɔ mi ɔ, lɔ ɔ he ɔ, nyɛ ha suɔmi nɛ i ngɛ kɛ ha nyɛ ɔ nɛ hi si daa.

Yohane 18:37

Lɔ ɔ he ɔ, Pilato bi lɛ ke, “Se matsɛ ji mo kɛ̃?” Yesu he nɔ ke, “O ngɛ dee ke matsɛ ji mi. Imi lɛɛ enɛ ɔ he nɛ a fɔ mi kɛ ba je ɔ mi, konɛ ma tsɔɔ anɔkuale ɔ. Nɔ tsuaa nɔ nɛ le anɔkuale ɔ buɔ mi tue.”

Yohane 3:11

I ngɛ mo dee anɔkuale mi ke wɔɔ lɛɛ nɔ́ nɛ wa le ɔ, lɔ ɔ wa deɔ, nɛ wa yeɔ nɔ́ nɛ wa na a he odase. Se nyɛ sume nɛ nyɛɛ ngɔ munyu nɛ wa fiɛ ha nyɛ ɔ.

Yohane 3:16

Ejakaa Mawu suɔ je ɔ saminya, nɛ e ngɔ e Bi kake ɔ ngɔ ha, konɛ nɔ tsuaa nɔ nɛ heɔ lɛ yeɔ ɔ, e hɛ mi ko kpata, se mohu e na neneene wami.

Yohane 3:32

Nɔ́ nɛ e na, kɛ nɔ́ nɛ e nu ɔ, lɔ ɔmɛ a he odase e yeɔ, pohu nɔ ko nɔ ko ngɔɛ e munyu ɔ.

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Ni Tsumi 26:23

Lɔ ɔ ji kaa Kristo ɔ maa na amanehlu, nɛ e ba pee kekleekle nɔ nɛ maa te si kɛ je gbeje. E ma ba fiɛ ha Yuda bi, kɛ ma je li tsuo ke a ma nyɛ ma he a yi wami, nɛ enɛ ɔ maa pee kaa la kɛ ha mɛ.”

Romabi 3:25

Mawu ngɔ Kristo ngɔ ha, konɛ kɛ gu Yesu Kristo gbenɔ ɔ nɔ ɔ, Mawu nɛ ngɔ nihi nɛ he ye ɔ a he yayami kɛ pa mɛ. Mawu pee enɛ ɔ kɛ tsɔɔ kaa dalɔ ji lɛ. Sa a, e to e tsui si ha nimli tsuo, nɛ e ku e hɛ fɔ a he yayami ɔmɛ a nɔ; konɛ jehanɛ ɔ a na kaa nɔ́ nɛ da pɛ e peeɔ; nɛ nɔ tsuaa nɔ nɛ heɔ Yesu yeɔ ɔ, Mawu woɔ lɛ nguɔ.

Romabi 8:37

Dɛbi! Ngɛ enɛ ɔmɛ tsuo a mi ɔ, nɔ nɛ suɔ wɔ ɔ haa wa yeɔ kunimi babauu.

1 Korintobi 6:11

Be ko ɔ, kikɛ nɛ ɔ nyɛ ti ni komɛ ba a je mi. Se jehanɛ ɔ, a du nyɛ he, nɛ a kpale tsukɔ nyɛ he, nɛ a wo nyɛ nguɔ ngɛ Nyɔmtsɛ Yesu Kristo biɛ ɔ, kɛ wa Mawu ɔ mumi ɔ mi.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Efesobi 2:4

Se Mawu lɛɛ e mɔbɔ nami ɔ hiɛ babauu; jã kɛ̃ nɛ suɔmi nɛ e ngɛ kɛ ha wɔ ɔ hu kle.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Mose V, 18:2

A be zugba nae kaa a weto ní kaa bɔ nɛ wɛtso kpa amɛ na a; a blɔ nya ji kaa a pee Yawɛ we osɔfohi kaa bɔ nɛ Yawɛ wo si ɔ.

Mose V, 23:5

Se akɛnɛ Yawɛ, o Mawu ɔ suɔ mo he je ɔ, e bui Balaam tue; mohu e plɛ gbiɛmi ɔ kɛ pee gbaami ha mo.

Mose V, 7:8

Suɔmi mohu Yawɛ suɔ nyɛ; nɛ kita nɛ e ka nyɛ nɛmɛ ɔmɛ ɔ, e suɔ kaa e maa ye nɔ. Enɛ ɔ he je nɛ Yawɛ kɛ kɔni si wami je nyɛ, nɛ e kpɔ̃ nyɛ kɛ je nyɔguɛ yemi mi kɛ je Egipt matsɛ ɔ dɛ mi ɔ nɛ.

Kolosebi 1:18

Lɛ ji yi kɛ ha asafo ɔ nɛ ji lɛ nitsɛ e nɔmlɔ tso ɔ. E mi asafo ɔ puɛ kɛ je. Lɛ ji kekleekle nɔ nɛ a tle si kɛ je gbeje, konɛ e ye kekleekle blɔ he ngɛ níhi tsuo a mi.

1 Timoteo 6:13

I ngɛ mo fae ngɛ Mawu, kɛ Kristo Yesu hɛ mi kaa o ye mlaa nɛ ɔmɛ a nɔ veveeve kɛ yaa si ligbi ɔ nɛ wa Nyɔmtsɛ Yesu Kristo maa ba. Mawu lɛ haa nɔ tsuaa nɔ wami, nɛ Kristo Yesu ye Mawu he odase wawɛɛ ngɛ Pontio Pilato hɛ mi. Ke be ɔ su ɔ, Mawu ma ha Kristo Yesu maa ba.

1 Timoteo 6:15

Mawu pɛ ji je ɔ tsuo nɔ yelɔ nɛ pe kulaa. Lɛ ji matsɛmɛ a matsɛ, kɛ nyɔmtsɛmɛ tsuo a nyɔmtsɛ. E ma je Kristo kpo kɛ tsɔɔ ngɛ lɛ nitsɛ e be nɛ e to nɛ sa a mi.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

Hebribi 9:14

Ke enɛ ɔmɛ ngɛ mi niinɛ ɔ, lɛɛ Kristo muɔ nɛ e gu Mumi Klɔuklɔu nɛ ngɛ daa a nɔ nɛ e kɛ pue si ɔ tsu ní kulaa pe jã. Bɔ ɔ nɛ Kristo nɛ sé ko be e he ɔ ngɔ e he kɛ sã, nɛ e gbo ngɛ wa he ɔ ma ha nɛ wa ma je wa hɛ kɛ je kusumihi nɛ a he be se nami ɔ a he, nɛ wa ma sɔmɔ Mawu hɛ kalɔ ɔ.

1 Petro 1:19

se mohu, gbenɔ nɛ Kristo gbo, nɛ e ngɔ e he kɛ sã bɔ nɛ he jua wa a. Ee, Kristo ngɛ kaa to bi nɛ kpa, aloo mu ko be e he.

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.

1 Yohane 4:10

Bɔ nɛ suɔmi ngɛ ji nɛ ɔ nɛ: pi wɔ nɛ wa sɛ hlami kɛ suɔ Mawu; Mawu mohu lɛ suɔ wɔ. Enɛ ɔ he ɔ, e tsɔ e Bi ɔ kɛ ba, konɛ e ba dla waa kɛ Mawu wa kpɛti, nɛ a ngɔ wa he yayami ɔmɛ ngɔ pa wɔ.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Kpojemi 19:11

Jehanɛ ɔ, i na nɛ a bli hiɔwe nya, kɛkɛ nɛ ma hyɛ ɔ, okpɔngɔ hiɔ ko ji nɛ. Nɔ nɛ hii si ngɛ nɔ ɔ biɛ ji Anɔkualetsɛ kɛ Dalɔ; dami nya e kojoɔ, nɛ e hwuɔ ta.

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.

Kpojemi 3:14

Bɔfo ɔ nɛ ngɛ asafo ɔ nya ngɛ Laodikea a, ngmaa womi nɛ ɔ ya ha lɛ ke, “Sɛ gbi nɛ je Amen, odase ɔ nɛ yeɔ anɔkuale ɔ ngɔ ji nɛ ɔ nɛ. Lɛ ji níhi tsuo nɛ Mawu bɔ ɔ sisije.

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.