Kpojemi 1:18 - BAIBLO ALOO NGMAMI KLƆUKLƆU Ɔ

¹⁸ Imi ji hɛ kalɔ ɔ! I gbo, se hyɛ, ye hɛ ngɛ kɛ yaa neneene. I ngɛ gbenɔ kɛ gbeje a nya safe.

Somi He Ɔ

¹⁸ kɛ hɛkalɔ. I gbo, nɛ oʼɛ, ye hɛ ngɛ kɛ yaa neneene kɛ neneene, nɛ i hɛɛ gbeje kɛ gbenɔ nya safe ɔmɛ.

Kpojemi 1:18 ပူးပေါင်းရင်းမြစ်များ

Hiob 19:25

Ejakaa i le kaa nɔ ko ngɛ hiɔwe nɛ nyagbenyagbe ɔ, e ma ba kpɔ mi.

Hiob 38:17

Agbohi nɛ ngɛ ni gbogboehi a je, he nɛ wo diblii kpii ɔ, anɛ nɔ ko bli nya kɛ tsɔɔ mo hyɛ lo?

La 18:46

Yawɛ hɛ ngɛ! A je ye he bulɔ ɔ yi! Mawu ɔ nɛ heɔ ye yi wami ɔ, a wo e hɛ mi nyami.

La 68:20

Wa Mawu ɔ, Mawu nɛ heɔ nɔ yi wami ji lɛ; Nyɔmtsɛ Yawɛ ɔ, lɛ nɛ e jeɔ nɔ kɛ jeɔ gbenɔ mi.

Yesaya 22:22

He wami blɔ nya nɛ Matsɛ David sɛ ɔ hɛɛ ɔ, ma ngɔ kɛ ha lɛ. He wami blɔ nya nɛ ɔ ngɛ kaa safe ko. Ke e bli ɔ, nɔ ko nɔ ko be nɛ ma nga, nɛ ke e nga a, nɔ ko nɔ ko be nɛ ma bli.

Mateo 11:23

Nɛ mo, Kapernaum, tse o ngɛ blɔ hyɛe kaa a ma wo o nɔ kɛ ya hiɔwe lokoo? Siu! Dla o he! Abosiami la a mi mohu a ma sake mo kɛ fɔ! Nyakpɛ ní babauu nɛ a pee ngɛ o mi ɔ, a ya pee ngɛ Sodom jinɛ e ko hi si kɛ ba si mwɔnɛ ɔ.

Mateo 16:19

Ma ngɔ hiɔwe matsɛ yemi ɔ nya safe ɔmɛ ngɔ ha mo. Nɔ́ tsuaa nɔ́ nɛ o maa tsi nya ngɛ zugba a nɔ ɔ, a maa tsi nya ngɛ hiɔwe; nɛ nɔ́ tsuaa nɔ́ nɛ o maa ngmɛ blɔ ke a pee ngɛ zugba a nɔ ɔ, a maa ngmɛ blɔ ngɛ hiɔwe.”

Luka 24:5

Yi ɔmɛ ye gbeye wawɛɛ nitsɛ, nɛ a ngɔ a hɛ mi kɛ bu si. Kɛkɛ nɛ nyumu ɔmɛ bi mɛ ke, “Mɛni he je nyɛ ngɛ hɛ kalɔ ɔ hlae ngɛ ni gbogboehi a kpɛti? [

Yohane 11:25

Yesu de lɛ ke, “Imi ji si temi ɔ, kɛ wami ɔ nɛ. Nɔ tsuaa nɔ nɛ heɔ mi yeɔ ɔ, ke e gbo tete po, e maa hi hɛ ngmengmle;

Yohane 14:19

E piɛ bɔɔ pɛ nɛ je ɔ be mi nae hu; se nyɛɛ lɛɛ nyɛ maa na mi. Nɛ akɛnɛ i ngɛ wami mi ɔ, nyɛ hu nyɛ maa hi wami mi.

Romabi 6:9

Ejakaa wa le kaa a tle Kristo si kɛ je gbeje, nɛ e be gboe hu; niinɛ, gbenɔ be e nɔ he wami ko kulaa hu.

2 Korintobi 13:4

E ngɛ mi kaa benɛ a sɛu Kristo ɔ, e gbɔjɔ lɛɛ, se Mawu he wami ɔ nya a, e ba wami mi ekohu. Wɔ hu akɛnɛ waa kɛ Kristo pee kake ɔ, waa gbɔjɔɔ, se Mawu he wami nya a, wa ma nyɛ ma tsu nɔ́ nɛ sa nɛ waa kɛ nyɛ nɛ tsu ɔ.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Kolosebi 3:3

Ejakaa nyɛ ngɛ kaa nihi nɛ gbo, nɛ a ngɔ nyɛ wami ɔ kɛ Kristo tsuo ngɔ laa ngɛ Mawu mi.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 7:16

Mawu lɛ wo lɛ osɔfo; pi ngɛ adesa mlaa nɛ tsɔɔ weku mi nɛ e je ɔ nya. Se mohu wami nɛ ngɛ daa, nɛ nɔ ko be nyɛe ma kpata hɛ mi ɔ he wami nɔ nɛ a gu kɛ wo lɛ osɔfo.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Kpojemi 10:6

nɛ e ka kita ngɛ Mawu nɛ ngɛ kɛ yaa neneene ɔ biɛ mi. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi. Bɔfo ɔ de ke, “Mawu be tsle toe hu!

Kpojemi 15:7

Kɛkɛ nɛ hɛ kali eywiɛ ɔmɛ a ti nɔ kake ha bɔfo kpaago ɔmɛ a ti nɔ tsuaa nɔ sika tsu kplu kake nɛ wai hyi lɛ tɔ. Wai kɛ kplu nɛ ɔ daa si ha Mawu nɛ ngɛ kɛ yaa neneene ɔ mi mi fumi ɔ.

Kpojemi 2:8

Nɛ e de ke, “Bɔfo ɔ nɛ ngɛ asafo ɔ nya ngɛ Smirna a, ngmaa womi nɛ ɔ ya ha lɛ ke, “Sɛ gbi nɛ je nɔ nɛ ji kekleekle no kɛ nyagbe no ɔ ngɔ ji nɛ ɔ nɛ; e gbo, nɛ e kpale ba wami mi ekohu.

Kpojemi 20:13

Kɛkɛ nɛ wo jé ni gbogboehi tsuo nɛ ngɛ e mi ɔ ngɔ ha. Gbenɔ, kɛ gbeje hu jé ni gbogboehi tsuo nɛ a kɛ to ɔ ngɔ ha. Nɛ a kojo mɛ ngɛ nɔ́ nɛ nɔ tsuaa nɔ pee ɔ he.

Kpojemi 20:14

A hɛ gbenɔ, kɛ gbeje ngɔ fɔ taku kɛ e mi la nɛ ngɛ tsoe gegeege ɔ mi. Lɔ ɔ ji gbenɔ enyɔne ɔ nɛ.

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.

Kpojemi 4:9

Hɛ kali eywiɛ ɔmɛ laa yi jemi la, kɛ sina la, nɛ a kɛ woɔ nɔ nɛ hii si ngɛ matsɛ sɛ ɔ nɔ, nɛ ngɛ daa a hɛ mi nyami. Ke a wo la a nɔ kikɛ nɛ ɔ,

Kpojemi 5:14

Kɛkɛ nɛ hɛ kali eywiɛ ɔmɛ de ke “Amen!” Nɛ nikɔtɔma amɛ ngɔ a hɛ mi ngɔ bu si, nɛ a ja Mawu kɛ To bi ɔ.

Kpojemi 9:1

Jehanɛ ɔ, bɔfo enuɔne ɔ kpa e titimati ɔ, nɛ i na dodoe ko nɛ je hiɔwe ba nɔ zugba, nɛ a ha lɛ muɔ voo ɔ nya safe ɔ.

Samuel I, 2:6

Yawɛ gbeɔ nɔ, nɛ e haa nɔ wami ekohu; e kɛ nɔ yaa gbeje, nɛ e kpaleɔ lɛ kɛ baa wami mi ekohu.