Kpojemi 1:13 - BAIBLO ALOO NGMAMI KLƆUKLƆU Ɔ

¹³ nɛ nɔ ko kaa Nɔmlɔ Bi ɔ ngɛ a kpɛti. E wo tade klɔii, nɛ e ngɔ kpa nɛ a kɛ sika tsu pee kɛ fi e gugue.

Somi He Ɔ

¹³ kɛ nɔ ko ngɛ kane tso kpaago ɔmɛ sa kpɛti nɛ ngɛ kaa Nɔmlɔ Bi, nɛ e wo tade klɔii nɛ e kɛ sika kpa fi e gugue;

Kpojemi 1:13 ပူးပေါင်းရင်းမြစ်များ

Daniel 7:13

Enɛ ɔ se, nyɔ mi benɛ i ngɛ ní nɛ ɔmɛ hyɛe kɛ mwɔɔ ɔ, i na nɔ́ ko kaa nɔmlɔ adesa nɛ nyɛɛ bɔku mi kɛ ma ye ngɔ. E be kɛ ho nɔ nɛ ngɛ daa a ngɔ ya, nɛ a kɛ lɛ tsɔɔ nɔ nɛ ngɛ daa a.

Daniel 10:16

Tlukaa a, nɔ ko nɛ ngɛ kaa nɔmlɔ ta ye nya he. Kɛkɛ nɛ i pa ye nya mi nɛ i tu munyu. I de nɔ nɛ daa si ngɛ ye kasa nya a ke, “Ye nyɔmtsɛ, nina nɛ ɔ ha nɛ ye he mi po, nɛ i gbɔjɔ.

Kpojemi 15:6

Bɔfo kpaago ɔmɛ nɛ hɛɛ haomi kpaago ɔmɛ ɔ je kpo kɛ je sɔlemi we ɔ. A wo tade nɛ a kɛ kploba ngmingmiingmi nɛ ngɛ kpɛe klaiklai pee; nɛ a ngɔ kpa nɛ a kɛ sika tsu pee kɛ fi a gugue.

Kpojemi 14:14

Enɛ ɔ se ɔ, i hyɛ nɛ i na bɔku hiɔ, nɛ nɔ ko hii si ngɛ nɔ kaa Nɔmlɔ Bi ɔ. Sika tsu jlasi fi e yi, nɛ e hɛɛ ngma kpami ha nɛ nya ba ngɛ e dɛ mi.

Mose III, 8:7

E ngɔ yi nɔ tade ɔ ngɔ wo Aaron, nɛ e kɛ mlɛ mi fimi nɔ́ fi e mlɛ mi, nɛ e wo lɛ tade klɔii ɔ. Jehanɛ e ngɔ tade nɛ a tsɛɛ efɔd ɔ ngɔ wo lɛ, nɛ e kɛ efɔd ɔ he kpa nɛ a lo lɛ saminyayoo ɔ fi efɔd ɔ nɔ.

Daniel 7:9

Benɛ i ngɛ nɔ́ nɛ ɔ hyɛe kɛ mwɔɔ ɔ, a kɛ matsɛ sɛhi ba ma si, nɛ nɔ nɛ ngɛ daa a ba hi si ngɛ kake nɔ. E tade hiɛ futaa kaa snoo, nɛ e yi bwɔmi ngɛ kaa to he bwɔmi ngmingmiingmi. E matsɛ sɛ ɔ, kɛ tlɔɔke nane ɔ nɛ sɛ ɔ maa si ngɛ nɔ ɔ tsuo ngɛ tsoe gegeege.

Yesaya 11:5

Dami sane yemi, kɛ anɔkuale yemi ji níhi nɛ e kɛ maa ye ma a nɔ.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

Mose II, 39:5

Mi mi fimi nɔ́ ɔ nɛ a je blɔ lo kɛ wo efɔd ɔ he nɛ a kɛ fi lɛ ɔ, lɛ hu jamɛ a ga a, kɛ jamɛ a ní ɔmɛ nɔuu a ngɔ kɛ pee mɛ kaa bɔ nɛ Yawɛ fa Mose ɔ. Mɛ ji sika tsu kpa, kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ.

Kpojemi 2:1

Nɛ e de ke, “Bɔfo ɔ nɛ ngɛ Efeso asafo ɔ nya a, ngmaa womi nɛ ɔ ya ha lɛ ke, “Nɔ nɛ hɛɛ dodoe kpaago ɔmɛ ngɛ e hiɔ nine mi, nɛ e ngɛ nyɛɛe ngɛ sika tsu kane tso kpaago ɔmɛ a kpɛti ɔ, sɛ gbi nɛ je e ngɔ ji nɛ ɔ nɛ.