Kolosebi 4:6 - BAIBLO ALOO NGMAMI KLƆUKLƆU Ɔ

⁶ Ke nyɛɛ kɛ nihi ngɛ ní sɛɛe ɔ, nyɛ ha nɛ munyu nɛ maa je nyɛ nya a nɛ ngɔ kaa nɔ́ ko nɛ a wo lɛ ngo, nɛ nyɛɛ le bɔ nɛ nyɛ ma ha nɔ tsuaa nɔ munyu heto bɔ nɛ sa.

Somi He Ɔ

⁶ Nyɛ ha nyɛ munyu he nɛ tsɔ daa, nɛ ngo nɛ hi mi, nɛ nyɛɛ le bɔ nɛ sa kaa nyɛ ha nɔ tsuaa nɔ heto.

Kolosebi 4:6 ပူးပေါင်းရင်းမြစ်များ

Kronika I, 16:24

Nyɛɛ sɛɛ e hɛ mi nyami ɔ he ní ha je ma amɛ. E nyakpɛ ní tsumi ɔmɛ hu, nyɛ de nɛ ma amɛ tsuo nɛ a nu.

La 105:2

Nyɛ la kɛ je Yawɛ yi, nyɛɛ sɛɛ nyakpɛ níhi nɛ e pee ɔ.

La 119:13

Mlaahi tsuo nɛ je o nya a, imi hu ma fiɛ.

La 119:46

Matsɛmɛ a hɛ mi tete po ma fiɛ o mlaa a, nɛ e be mi zo pee.

La 45:2

O he ngɛ fɛu pe nɔ tsuaa nɔ. O nya mi tsɔ kɛ munyu tumi. Mawu gbaa mo kɛ yaa neneene.

La 66:16

Nyɛ nihi tsuo nɛ yee Mawu gbeye, nyɛɛ ba nɛ nyɛ ba bu tue, nɛ ma gba nyɛ nɔ́ nɛ e pee ha mi.

Abɛ Womi 10:21

Nimli kpakpahi a nya mi munyu he baa se nami ha nihi babauu. Kuasiahi lɛɛ a hɛ mi kpataa, ejakaa a be juɛmi.

Abɛ Womi 15:4

Munyu blɛuu kɛ he jɔmi baa; se ke sisimi ba je mi pɛ e gbeɔ nɔ mumi.

Abɛ Womi 15:7

Ní leli a nya lɛ gbɛɔ nile kɛ fĩaa; pi kuasiahi a juɛmi.

Fiɛlɔ 10:12

Ní lelɔ nya mi munyu haa nɛ e hɛ mi baa nyami. Se kuasia kɛ e munyu kpataa lɛ nitsɛ e hɛ mi.

Ezekiel 43:24

Ngɔɔ mɛ kɛ ba ha Yawɛ. Osɔfo ɔmɛ maa ngɔ ngo kɛ fĩa a nɔ, nɛ a kɛ mɛ maa sã sami bɔ kɛ ha imi Yawɛ.

Mose III, 2:13

Nyɛɛ wo nyɛ niye ní bɔ ɔmɛ tsuo a mi ngo; ejakaa ngo ji somi nɛ ngɛ nyɛɛ kɛ Mawu nyɛ kpɛti; lɔ ɔ he ɔ, ngo nɛ piɛ niye ní bɔ ɔmɛ tsuo a he.

Mateo 5:13

“Nyɛ ngɛ kaa ngo kɛ ha je ɔ. Se ke ngo nya nyu gbo ɔ, mɛni a kɛ ma futu lɛ, nɛ e maa dooɔ ekohu? E he be se nami hu kaa ja a tsɛ̃ pue he, nɛ nimli naa nɔ.

Marko 9:50

“Ngo hi, se ke ngo nya nyu gbo ɔ, kɛ a maa pee lɛ kɛɛ nɛ e maa doo ekohu? Nyɛ ha nɛ ngo su kpakpa nɛ ɔ nɛ hi nyɛ mi, konɛ nyɛɛ kɛ nyɛmimɛ nɛ hi si ngɛ he jɔmi mi.”

Luka 4:22

Ni ɔmɛ tsuo tu e he munyu kpakpa, nɛ munyuhi nɛ a he jua wa nɛ je e nya a ha a nya kpɛ a he, nɛ a bi ke, “Anɛ pi Yosef bi ɔ ji nɛ ɔ lo?”

Efesobi 4:29

Munyu nɛ maa je nyɛ ti nɔ ko nya a, e ko pee nɔ́ nɛ ma puɛ nɔ, se mohu nɔ́ nɛ hi, nɛ e he hia, nɛ nɔ́ kpakpa ko maa je mi kɛ wo nɔ he wami. Kɛkɛ ɔ, e maa pee dloomi kɛ ha nihi nɛ ngɛ nyɛ tue bue ɔ.

Mose V, 11:19

Nyɛɛ tsɔɔ nyɛ bimɛ. Nyɛɛ sɛɛ he ní be nɛ nyɛ ngɛ we mi, be nɛ nyɛ hia blɔ, be nɛ nyɛ hwɔɔ si, kɛ be nɛ nyɛ te si.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

1 Petro 3:15

Se nyɛ ja Kristo ngɛ nyɛ tsui mi, nɛ bu nɛ sa lɛ kaa Nyɔmtsɛ ɔ, nyɛ ha lɛ. Be tsuaa be ɔ, nyɛ dla nyɛ he ngɔ to, konɛ ke nɔ ko bi nyɛ ke nyɛɛ tsɔɔ nɔ́ pɔtɛɛ nɛ nyɛ heɔ yeɔ kaa nyɛ nine maa su nɔ hwɔɔ se ɔ, nyɛ nyɛ nɛ nyɛ ha lɛ heto.