Kolosebi 4:17 - BAIBLO ALOO NGMAMI KLƆUKLƆU Ɔ

¹⁷ Jehanɛ ɔ, nyɛ de Arkipo ke, “Ní tsumi ɔ nɛ a tu ngɔ wo o dɛ ke o tsu ha Nyɔmtsɛ ɔ, hyɛ nɛ o tsu kɛ gbe nya.”

Somi He Ɔ

¹⁷ Nɛ nyɛ de Arkipo ke: “Hyɛ nɛ o tsu sɔmɔmi ni tsumi nɛ a tu ngɔ wo o dɛ ngɛ Nyɔmtsɛ ɔ mi ɔ, nɛ o gbe nya kɛ pi si!”

Kolosebi 4:17 ပူးပေါင်းရင်းမြစ်များ

Kronika II, 29:11

Ye bimɛ! Nyɛ ko puɛ be ko hu. Nyɛ ji nihi nɛ Yawɛ hla nɛ nyɛɛ sã tsopa kɛ e he via kɛ ha lɛ. Yawɛ hla nyɛ nɛ nyɛɛ nyɛɛ ma a hɛ mi kɛ sɔmɔ lɛ.”

Mose III, 10:3

Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

Mose IV, 18:5

He klɔuklɔu ɔ, kɛ bɔ sami la tɛ ɔ, o kɛ o bimɛ ɔmɛ pɛ nyɛ tsu ní ngɛ lejɛ ɔ, konɛ ye mi mi nɛ ko fu Israel bi ɔmɛ ekohu.

Mateo 25:17

Nɔ nɛ na sika tsu yi akpe enyɔ ɔ hu ya na enyɔ kɛ bɔ he ja nɔuu.

Ni Tsumi 1:17

Yuda a, jinɛ e piɛ wa he; a hla lɛ, nɛ a ha lɛ blɔ nya, konɛ waa kɛ lɛ tsuo nɛ tsu sɔmɔmi ní tsumi nɛ ɔ.”

Ni Tsumi 14:23

A ha hwɔ, nɛ a sɔle kɛ hla nikɔtɔmahi, nɛ a tu mɛ ngɔ wo Nyɔmtsɛ ɔ nɛ a he ye ɔ dɛ mi.

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Efesobi 4:11

Lɛ nɔuu nɛ a de ngɛ e he ke, “E ha nimli adesahi nike ní” ɔ nɛ. E pee ni komɛ bɔfohi, ni komɛ gbali, ni komɛ sane kpakpa fiɛli, ni komɛ osɔfohi, kɛ ni komɛ hu tsɔɔli.

1 Timoteo 4:14

Mumi mi níhi nɛ Mawu kɛ dloo mo kɛ gu gbali ɔmɛ a nɔ benɛ asafo nikɔtɔma amɛ ngɔ a nine kɛ pue o yi mi ɔ, yaa nɔ nɛ o tsu a he ní daa.

1 Timoteo 4:16

Timoteo, hyɛ mo nitsɛ o he nɔ saminya; nɔ́ nɛ o ngɛ tsɔɔe ɔ hu hyɛ nɔ bɔ nɛ sa. Ejakaa ke o pee ja a, o ma he mo nitsɛ o yi wami, kɛ nihi nɛ buɔ mo tue ɔ hulɔ.

1 Timoteo 4:6

Mawu munyu ɔ kasemi, kɛ Kristo hemi kɛ yemi nɛ mo nitsɛ o hɛɛ mi kpɛii ɔ ma ha mo mumi mi he wami. Ke o tsɔɔ nyɛmimɛ ɔmɛ ní nɛ ɔmɛ nɛ mɛ hu a le ɔ, lɛɛ Kristo Yesu tsɔlɔ kpakpa ji mo.

1 Timoteo 6:20

Timoteo, níhi nɛ a tu ngɔ wo o dɛ mi ɔ, baa yi saminya. Yakayaka ní sɛɛmi nɛ tsɔɔ we Mawu gbeye yemi, kɛ nya sami tslalaa nɛ juɛmi be mi ɔ, yu o he ngɛ he. Kikɛmɛ a ní nɛ ɔmɛ lɛ ni komɛ buu ke nile.

2 Timoteo 1:6

Enɛ ɔ he je ɔ, i ngɛ mo kaie kaa Mawu nike ní nɛ e kɛ dloo mo benɛ i ngɔ ye nine kɛ pue o nɔ ɔ, o tsu he ní saminya.

2 Timoteo 2:2

Níhi nɛ o nu nɛ i ngɛ fiɛe ngɛ nihi babauu a hɛ mi ɔ, tsɔɔ nihi nɛ yeɔ anɔkuale ɔ lɔ ɔmɛ nɔuu, konɛ mɛ hu a tsɔɔ ni kpahi.

Filemon 1:2

kɛ asafo ɔ nɛ kpee ngɛ e we ɔ mi ɔ, kɛ wa nyɛmiyo Apia, kɛ wa huɛ ta bulɔ Arkipo.