Kolosebi 4:10 - BAIBLO ALOO NGMAMI KLƆUKLƆU Ɔ

¹⁰ Aristarko nɛ a wo i kɛ lɛ tsuo tsu ɔ ke e biɔ nyɛ. Barnaba nyɛmi Marko hu ke e biɔ nyɛ. Nyɛ nine su womi nɔ momo kaa ke Marko ba nyɛ ngɔ ɔ, nyɛ he lɛ atuu.

Somi He Ɔ

¹⁰ Aristarko, ye huɛ pa mi no ɔ, kɛ Marko nɛ ji Barnaba nyɛmi bi ɔ, (nɔ nɛ he nɛ nyɛ na womi ɔmɛ ɔ, ke e ba nyɛ ngɔ ɔ, nyɛ he lɛ hɛmuɔ),

Kolosebi 4:10 ပူးပေါင်းရင်းမြစ်များ

Ni Tsumi 12:12

Benɛ e na bɔ nɛ níhi ya nɔ ha a, e pue nɔ kɛ ho Yohane nɛ a tsɛɛ lɛ Marko hulɔ ɔ nyɛ Maria we ɔ mi ya. Nihi fuu ba bua a he nya ngɛ lejɛ ɔ momo nɛ a ngɛ sɔlee.

Ni Tsumi 12:25

Benɛ Barnaba kɛ Saul ya gbe ní tsumi nɛ a tu ngɔ wo a dɛ ɔ nya a, a kpale kɛ je Yerusalem, a ngɔ Yohane, nɔ nɛ a tsɛɛ lɛ Marko hulɔ ɔ ngɔ piɛ a he kɛ ba.

Ni Tsumi 13:13

Jehanɛ Paulo kɛ nihi nɛ piɛ e he ɔ wó lɛ kɛ je Pafo kɛ ba Perga ngɛ Pamfilia. Benɛ a su hiɛ ɔ, Yohane nɛ a tsɛɛ lɛ Marko hulɔ ɔ kpale ngɛ a se kɛ ho Yerusalem ya.

Ni Tsumi 13:5

Benɛ a su Salami ɔ, a fiɛ Mawu munyu ɔ ngɛ Yuda bi ɔmɛ a kpe he ɔmɛ. Yohane nɛ a tsɛɛ lɛ Marko hulɔ ɔ kɛ mɛ ho, nɛ e ya ye bua mɛ.

Ni Tsumi 19:29

Ma a mi tsuo pee hoo kɛ ngmlaa. Kɛkɛ nɛ basabasa peeli ɔmɛ ya nu Gayo kɛ Aristarko, Makedonia bi nɛ piɛ Paulo he kɛ hia blɔ ɔ, nɛ a tsɛ̃ a yi se kɛ fo kɛ ho he nɛ ma a kpee ngɛ ɔ ya.

Ni Tsumi 20:4

E kɛ Piro nɛ je Beroya a e bi Sopater ho. Nihi hu nɛ piɛ e he ji Aristarko, kɛ Sekundo nɛ a je Tesalonika a, Gayo nɛ je Derbe ɔ, Tihiko kɛ Trofimo nɛ a je Asia a, kɛ Timoteo.

Ni Tsumi 27:2

Wa wó Adramitio lɛ ko kɛ ho. Lɛ nɛ ɔ yaa gu Asia wo nya ma amɛ a lɛsimuɔ he ɔmɛ. Aristarko, Makedonia no ɔ nɛ je Tesalonika a piɛ wa he.

Ni Tsumi 4:36

Bɔ nɛ ba loko Yosef ya jua e zugba nɛ e ngɔ sika a ba ha bɔfo ɔmɛ ji nɛ ɔ nɛ. Yosef nɛ ɔ, Levi no ji lɛ; a fɔ lɛ ngɛ Kipro. Biɛ nɛ bɔfo ɔmɛ kɛ tsɛɔ lɛ ji Barnaba. E sisi ji nɔmlɔ nɛ woɔ nɔ he wami.

Romabi 16:2

Nyɛ he lɛ hɛmuɔ ngɛ Nyɔmtsɛ ɔ biɛ mi bɔ nɛ sa ni klɔuklɔu ɔmɛ. Nɔ́ tsuaa nɔ́ nɛ he maa hia lɛ ɔ, nyɛ ha lɛ, ejakaa e pee kpakpa ha nihi babauu, kɛ imi nitsɛ hulɔ.

Romabi 16:7

I biɔ Androniko kɛ Yunia, ye nyɛmimɛ Yuda bi nɛ a wo i kɛ mɛ tsuo tsu ɔ. A he biɛ saminya ngɛ bɔfo ɔmɛ a kpɛti; nɛ a sɛ ye hlami ngɛ Kristo mi.

2 Timoteo 4:11

Luka pɛ lɛ ngɛ ye ngɔ amlɔ nɛ ɔ. Hla Marko nɛ o kɛ lɛ nɛ ba, ejakaa e he hia saminya ngɛ sɔmɔmi ní tsumi ɔ he.

Filemon 1:23

Epafra, nɛ lɛ hu Kristo Yesu he ɔ, a wo i kɛ lɛ tsu ɔ ke e biɔ mo.

Filemon 1:24

Marko, Aristarko, Dɛma, kɛ Luka, ye huɛmɛ nɛ i kɛ mɛ tsuɔ ní ɔ, mɛ hu a ke a biɔ mo.

1 Petro 5:13

Asafo ɔ nɛ ngɛ Babilon, nɛ lɛ hu Mawu hla mɛ ɔ ke a biɔ nyɛ. Ye bi Marko hu ke e biɔ nyɛ.