Kolosebi 4:1 - BAIBLO ALOO NGMAMI KLƆUKLƆU Ɔ

¹ Nyɔmtsɛmɛ, nyɛɛ hɛɛ nyɛ nyɔguɛ ɔmɛ saminya ngɛ blɔ nɛ da nɔ. Nyɛ na nyɛɛ le kaa nyɛ hu nyɛ ngɛ Nyɔmtsɛ ngɛ hiɔwe.

Somi He Ɔ

¹ Nyɔmtsɛmɛ, nyɛɛ ngɔ nɔ́ nɛ da kɛ nɔ́ nɛ sa pɛ ngɔ ha nyɛ sɔmɔli ɔmɛ, nɛ nyɛɛ le kaa nyɛ hu nyɛ ngɛ nyɔmtsɛ ngɛ hiɔwe.

Kolosebi 4:1 ပူးပေါင်းရင်းမြစ်များ

Fiɛlɔ 5:8

Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

Yesaya 58:3

Ye ma mi bi ɔmɛ ngɛ bie ke, “Mɛni he je ke wa ha hwɔ nɛ Yawɛ nɛ ɔ? Mɛni he je ke wa wa wa he yi mi nɛ e li ɔ?” Yawɛ ngɛ mɛ dee ke, “Anɔkuale ɔ ji kaa be mi nɛ nyɛ ngɛ hwɔ hae ɔ, jamɛ a be ɔ mi nɔuu nyɛ tsuɔ ní kɛ hlaa nyɛ nitsɛmɛ nyɛ se nami, nɛ nyɛ waa nyɛ ní tsuli tsuo yi mi.

Mose III, 19:13

“Koo fia o nyɛmi ojo, nɛ koo ju e nɔ́ ko hulɔ. Ke o ya bɔ nɔ ko apaa ke e ba tsu ní ha mo ɔ, wo lɛ hiɔ loko je nɛ na nɔ.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Mateo 20:4

E de mɛ ke, ‘Nyɛ hu nyɛɛ ya nɛ nyɛ ya tsu ní ngɛ wai ngmɔ ɔ mi, nɛ ma wo nyɛ hiɔ bɔ nɛ sa.’

Luka 19:15

“A na ya wo nyumu ɔ matsɛ, nɛ e kpale e se kɛ ba. Amlɔ ɔ nɔuu ɔ, e fa ke a tsɛ e tsɔli ɔmɛ nɛ e ha mɛ sika a kɛ ba, konɛ e hyɛ nɔ́ nɛ a na ngɛ se.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”