Kolosebi 3:4 - BAIBLO ALOO NGMAMI KLƆUKLƆU Ɔ

⁴ Kristo ji nyɛ wami. Nɛ ke e ba ekohu ɔ, nyɛɛ kɛ lɛ tsuo maa hi lejɛ ɔ; nɛ a maa wo nyɛɛ kɛ lɛ tsuo nyɛ hɛ mi nyami.

Somi He Ɔ

⁴ Benɛ Kristo, nɔ nɛ ji wa wami ɔ ma pue ɔ, lɔ ɔ lɛɛ nyɛ hu nyɛɛ kɛ lɛ ma pue ngɛ anuminyami mi.

Kolosebi 3:4 ပူးပေါင်းရင်းမြစ်များ

Yohane 11:25

Yesu de lɛ ke, “Imi ji si temi ɔ, kɛ wami ɔ nɛ. Nɔ tsuaa nɔ nɛ heɔ mi yeɔ ɔ, ke e gbo tete po, e maa hi hɛ ngmengmle;

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

1 Petro 1:13

Lɔ ɔ he ɔ, nyɛɛ pee nyɛ juɛmi klaalo kɛ ha ní tsumi. Nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ Mawu ma ha nyɛ ligbi ɔ nɛ Yesu Kristo maa ba ekohu ɔ nɔ.

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.

1 Petro 5:4

Nɛ ke to hyɛlɔ nɔkɔtɔma a ba a, nyɛ nine maa su hɛ mi nyami jlasi nɛ maa hi kpɛe nylamnylam daa a nɔ.

1 Yohane 2:28

Ye bimɛ tsɔwi, nyɛɛ ya nɔ nɛ nyɛɛ hi Kristo mi, bɔ nɛ pee nɛ ke e je e he kpo ɔ, wa nɔ gbagba nɛ te. Kɛkɛ ɔ, ligbi ɔ nɛ e maa ba a, zo be wɔ gbee ngɛ e hɛ mi.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Kpojemi 22:14

A gbaa nihi nɛ fɔ a tade ɔmɛ a he ɔ. Ee, a maa ye tso nɛ haa nɔ wami ɔ yiblii ɔ eko, nɛ a maa gu agbo ɔmɛ a mi kɛ ya ma a mi.

1 Korintobi 15:43

Ke a pu nɔmlɔ tso ɔ, e ngɛ tãi, nɛ e gbɔjɔ; se ke Mawu ma tle lɛ si kɛ ba wami mi ekohu ɔ, e maa hi fɛu, nɛ e he maa wa.

Kpojemi 22:1

Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he

Yuda 1:24

Lɛ nɔ nɛ e ngɛ he wami nɛ e kɛ maa hyɛ nyɛ nɛ nyɛ be si nɔe, nɛ e maa hɛɛ nyɛ kɛ bua jɔmi kɛ ba e hɛ mi nyami klɔuklɔu ɔ mi nɛ piami ko be nyɛ he hie ɔ,

1 Yohane 5:12

Nɔ tsuaa nɔ nɛ ngɛ Bi ɔ, e ngɛ wami; nɔ nɛ be Mawu Bi ɔ, e be wami hulɔ.

Tito 2:13

be mi nɛ wa ngɛ gbaami nɛ wa ngɔ wa hɛ fɔ nɔ ɔ blɔ hyɛe ɔ. Jamɛ a be ɔ, wa Mawu kpetekpleenyɛ, kɛ wa kpɔlɔ Yesu Kristo hɛ mi nyami ɔ maa je kpo.

Mateo 13:43

Se Mawu ma a lɛɛ, a ma kpɛ kaa pu ngɛ a Tsɛ ɔ hiɔwe matsɛ yemi ɔ mi. Nɔ nɛ ngɛ tue ɔ, e nu!

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

2 Korintobi 4:17

Amanehlu nɛ nya wa, nɛ se be kɛe kulaa nɛ ɔ ma ha wa hɛ mi maa ba nyami babauu kɛ be nɔ kɛ maa ya neneene.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 14:3

Ke i ya nɛ i ya dla he ko kɛ to nyɛ se ɔ, ma kpale kɛ ba, nɛ ma ba ngɔ nyɛ kɛ ya hi imi nitsɛ ye ngɔ. Kɛkɛ ɔ, he nɛ i ngɛ ɔ, nyɛ hu nyɛɛ maa hi lejɛ ɔ.

La 17:15

Se imi lɛɛ ma na o hɛ mi, ejakaa i pee we yayami ko. Nɛ ke ye hɛ tsɛ ɔ, ma ná bua jɔmi babauu kaa i na mo hɛ mi kɛ hɛ mi.

2 Timoteo 1:1

Imi Paulo nɛ Mawu suɔmi nya nɛ i ba pee Kristo Yesu bɔfo ngɛ wami nɛ ngɛ Kristo Yesu mi nɛ a wo he si ɔ he ɔ,

1 Tesalonikabi 4:17

Lɔ ɔ se ɔ, wɔ ni nɛmɛ nɛ wa hɛ ngɛ nɛ maa hi wami mi jamɛ a be ɔ, a ma sa waa kɛ mɛ tsuo kɛ ya kɔɔhiɔ mi ngɛ bɔku ɔmɛ a mi kɛ ya kpee Nyɔmtsɛ ɔ. Nɛ waa kɛ Nyɔmtsɛ ɔ maa hi si daa.

1 Korintobi 1:7

Lɔ ɔ he ɔ, be mi nɛ nyɛ ngɛ Nyɔmtsɛ Yesu Kristo bami ɔ blɔ hyɛe nɛ ɔ, mumi mi nike ní ko kulaa be nyɛ hiae.

Yohane 20:31

Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

La 73:24

O maa wo mi ga, nɛ o maa tsɔɔ mi blɔ. Nyagbe ɔ, o ma he mi atuu, nɛ o maa wo ye hɛ mi nyami.

Kpojemi 2:7

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ blɔ nɛ a maa ye tso nɛ haa nɔ wami nɛ ngɛ Mawu abɔɔ ɔ mi ɔ yiblii.”

Ni Tsumi 3:15

Wami matsɛ ɔ, nyɛ gbe lɛ. Se Mawu tle lɛ si kɛ je gbeje; lɔ ɔ nɔuu he odase yeli ji wɔ.

Luka 17:30

Ligbi ɔ nɛ Nɔmlɔ Bi ɔ hu maa ba kɛ e hɛ mi nyami ɔ, níhi maa ba mi kikɛ nɛ ɔ nɔuu.

Romabi 8:18

I le anɔkuale mi kaa nɔ́ nɛ wa ngɛ nae amlɔ nɛ ɔ pi nɔ́ ko kulaa nɛ a kɛ maa to wa hɛ mi nyami nɛ Mawu maa wo hwɔɔ se ɔ he.

Romabi 8:19

Adebɔ níhi tsuo to a tsui si kɛ ngɛ blɔ hyɛe wawɛɛ kaa Mawu ma ha nɛ a na e bimɛ nitsɛnitsɛmɛ ɔmɛ.