Kolosebi 3:23 - BAIBLO ALOO NGMAMI KLƆUKLƆU Ɔ

²³ Nɔ́ tsuaa nɔ́ nɛ nyɛ ngɛ pee ɔ, nyɛɛ je nyɛ tsui mi kɛ pee kaa nɔ́ nɛ Nyɔmtsɛ ɔ nyɛ ngɛ pee ha, se pi adesa.

Somi He Ɔ

²³ Nɛ nɔ́ tsuaa nɔ́ nɛ nyɛ ngɛ pee ɔ, nyɛɛ je nyɛ tsui mi kɛ pee, kaa Nyɔmtsɛ ɔ nyɛ ngɛ pee kɛ ngɛ hae se pi nimli,

Kolosebi 3:23 ပူးပေါင်းရင်းမြစ်များ

Kronika II, 31:21

Hezekia ya nɔ saminya, ejakaa nɔ́ tsuaa nɔ́ nɛ e ngɛ pee ɔ, e peeɔ kɛ e tsui tsuo, kɛ Mawu gbeye yemi, Yawɛ we ɔ he ní tsumi jio, mlaa a nɔ yemi jio.

La 103:1

Ma je Yawɛ yi! Ma je e biɛ klɔuklɔu ɔ yi kɛ ye tsui tsuo.

La 119:10

I suɔ kaa ma nyɛɛ o se kɛ ye tsui tsuo, ko ha nɛ ma je o mlaa amɛ a he.

La 119:145

I ngɛ ngmlaa kpae kɛ ngɛ mo tsɛe kɛ ye tsui tsuo. Yawɛ, mo ha nɛ ma ye o mlaa amɛ a nɔ.

La 119:34

Ha nɛ ma nu mlaa a sisi, konɛ ma ye nɔ kɛ ye tsui tsuo.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Yeremia 3:10

Ní nɛ ɔmɛ tsuo a se ɔ, Yuda, Israel nyɛmiyo yaholɔ ɔ kpale we kɛ bɛ ye ngɔ kɛ e tsui tsuo; e ní peemi níhi tsɔɔ we kaa e tsake. Imi, Yawɛ lɛ i de.”

Mateo 6:16

“Jehanɛ ɔ, ke nyɛ ngɛ hwɔ hae ɔ, nyɛ ko pee nyɛ hɛ mi mɔbɔmɔbɔ kaa bɔ nɛ osatotsɛmɛ ɔmɛ peeɔ ɔ. A peeɔ a hɛ mi nyanyaanya, konɛ nihi nɛ a na kaa a ngɛ hwɔ hae. Niinɛ, i ngɛ nyɛ dee ke a nine su a hiɔwo nɔ momo.

Romabi 14:6

Nɔ nɛ susuɔ kaa ligbi komɛ a he hia pe ekomɛ ɔ, Nyɔmtsɛ ɔ hɛ mi nyami e ngɛ woe; nɛ nɔ nɛ yeɔ nɔ saisaa a, lɛ hu e ngɛ Nyɔmtsɛ ɔ hɛ mi nyami woe, ejakaa e naa Mawu si ngɛ he. Nɔ nɛ yi nɔ́ saisaa a, lɛ hu e kɛ woɔ Nyɔmtsɛ ɔ hɛ mi nyami, nɛ lɛ hu e naa Mawu si.

Romabi 14:8

Ke wa hɛ ngɛ ɔ, Nyɔmtsɛ wa hɛ ngɛ kɛ ha, nɛ ke wa gbo hu Nyɔmtsɛ ɔ wa gbo kɛ ha. Lɔ ɔ he ɔ, wa hɛ ngɛ jio, wa gbo jio, Nyɔmtsɛ ɔ nihi ji wɔ.

Efesobi 5:22

Nyɛ yigbayi, nyɛɛ ba nyɛ he si ha nyɛ hunomɛ kaa bɔ nɛ nyɛ maa pee ha Nyɔmtsɛ ɔ.

Kolosebi 3:17

Lɔ ɔ he ɔ, nɔ́ tsuaa nɔ́ kɛ mumi lahi kɛ je nyɛ tsui mi, nɛ nyɛ ngɛ pee; munyu lɛ nyɛ ngɛ tue jio, ní nyɛ ngɛ tsue jio, nyɛɛ pee ngɛ Nyɔmtsɛ Yesu biɛ mi. Nɛ nyɛɛ gu e nɔ kɛ na Tsɛ Mawu ɔ si.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

1 Petro 2:13

Nyɔmtsɛ ɔ he ɔ, nyɛɛ ba nyɛ he si ha nɔ yemi tsuaa nɔ yemi ngɛ je nɛ ɔ mi, matsɛ nɛ ngɛ blɔ nya pe nihi tsuo,

1 Petro 2:15

Ejakaa Mawu suɔ kaa nyɛɛ pee kpakpa, konɛ kuasia amɛ nɛ hii ní tsuae putɛputɛɛ ɔ, a kpa munyu tumi kɛ si nyɛ.