Kolosebi 3:20 - BAIBLO ALOO NGMAMI KLƆUKLƆU Ɔ

²⁰ Bimɛ, nyɛɛ bu nyɛ fɔli ngɛ nɔ́ tsuaa nɔ́ mi, ejakaa enɛ ɔ saa Mawu hɛ mi saminya.

Somi He Ɔ

²⁰ Bimɛ, nyɛɛ bu nyɛ fɔli a tue ngɛ nɔ tsuaa nɔ blɔfami, ejakaa kɔlɔ ɔ lɛ sa Nyɔmtsɛ ɔ hɛ mi saminya.

Kolosebi 3:20 ပူးပေါင်းရင်းမြစ်များ

Mose I, 28:7

Jehanɛ, e na kaa Yakob bu e nyɛ kɛ e tsɛ tue, nɛ e ho Mesopotamia ya.

Mose II, 20:12

“Moo bu o tsɛ kɛ o nyɛ, konɛ o se nɛ kɛ ngɛ zugba nɛ Yawɛ, o Mawu ɔ ngɔ ha mo ɔ nɔ.

Abɛ Womi 20:20

Nɔ tsuaa nɔ nɛ gbiɛɛ e tsɛ, loo e nyɛ ɔ, e nyagbe baa tlukaa kaa kane nɛ a gbe ngɛ diblii kpii mi.

Abɛ Womi 30:11

Ni komɛ gbiɛɔ a tsɛmɛ, nɛ a gbaa we a nyɛmɛ.

Abɛ Womi 30:17

Nɔ nɛ gbeɔ e tsɛ he guɛ, nɛ e bui e nyɛ ɔ, kuakualabitehi nɛ ngɛ kɔ̃ ɔ mi ma ta e hɛngmɛ, nɛ okpokuhi maa ye lɛ.

Abɛ Womi 6:20

Ye bi, mlaa nɛ o tsɛ wo mo ɔ, ye nɔ; nɔ́ nɛ o nyɛ tsɔɔ mo ɔ, o hɛ ko je nɔ gblegbleegble.

Yeremia 35:8

Mlaa nɛ wa nɛ̃, Yonadab, Rekab bi ɔ wo wɔ ke wa ko nu dã wa wami be ɔ tsuo ɔ, wa ngɛ nɔ yee, nɛ wa ti nɔ ko nɔ ko nui dã wɔ nitsɛmɛ jio, wa yi ɔmɛ jio, wa binyumu ɔmɛ jio, wa biyi ɔmɛ jio.

Ezekiel 22:7

Nɔ ko nɔ ko be ma a mi nɛ buɔ e fɔli. O yeɔ nibwɔhi amimi, nɛ o waa awusahi, kɛ yalɔyihi hu yi mi.

Mose III, 19:3

Nyɛ ti nɔ tsuaa nɔ nɛ bu e nyɛ kɛ e tsɛ; nɛ e ye Hejɔɔmi ligbi ɔ kaa bɔ nɛ i fa nyɛ ɔ. Imi ji Yawɛ, nyɛ Mawu ɔ nɛ.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Mateo 19:19

bu o tsɛ kɛ o nyɛ; suɔ o nyɛmi nɔmlɔ kaa bɔ nɛ o suɔ mo nitsɛ o he.”

Efesobi 5:24

Lɔ ɔ he ɔ, e hia kaa yigbayi nɛ a ba a he si ha a hunomɛ ngɛ nɔ́ tsuaa nɔ́ mi kaa bɔ nɛ asafo ɔ hu baa e he si ha Kristo ɔ.

Mose V, 27:16

“ ‘Mawu maa gbiɛ nɔ tsuaa nɔ nɛ pueɔ e tsɛ, loo e nyɛ hɛ mi si.’ “Ma a tsuo ma he nɔ ke, ‘Amen!’

Mose V, 5:16

“ ‘Moo bu o tsɛ kɛ o nyɛ, kaa bɔ nɛ imi Yawɛ, o Mawu ɔ fa mo ɔ, konɛ e hi ha mo, nɛ o se nɛ kɛ ngɛ zugba nɛ Yawɛ, o Mawu ɔ ngɛ mo hae ɔ nɔ.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

Kolosebi 3:22

Nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ ngɛ nɔ́ tsuaa nɔ́ mi, pi kɛ hɛ mi sɔmɔmi nɛ ma ha nyɛ nyɔmtsɛmɛ ɔmɛ maa suɔ nyɛ sane. Mohu ɔ, nyɛɛ bu mɛ kɛ je nyɛ tsui mi kaa nihi nɛ yeɔ Mawu gbeye.

Tito 2:9

Tu munyu kɛ tsɔɔ nyɔguɛ ɔmɛ nɛ a ba a he si ha a nyɔmtsɛmɛ ɔmɛ, nɛ a sa a hɛ mi ngɛ nɔ́ tsuaa nɔ́ mi. A ko je munyu nya,

Hebribi 13:21

e dla nyɛ kɛ pi si kɛ ní tsumi kpakpa sɔuu, konɛ nyɛɛ pee e sɔumi nya ní; nɛ kɛ gu Yesu Kristo nɔ ɔ, e ha nyɛ tsu níhi nɛ maa sa e hɛ mi, konɛ a wo e hɛ mi nyami kɛ je neneene kɛ ya neneene. Amen.

Rut Womi 3:5

Rut he nɔ nɛ e de ke, “Yoo, nɔ́ tsuaa nɔ́ nɛ o de mi ɔ, ma pee.”