Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kolosebi 3:16 - BAIBLO ALOO NGMAMI KLƆUKLƆU Ɔ

16 Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

အခန်းကိုကြည့်ပါ။ ကော်ပီ

Somi He Ɔ

16 Nyɛ ha Kristo munyu ɔ nɛ hi nyɛ mi babauu ngɛ ni lemi tsuaa ni lemi mi; nɛ nyɛɛ tsɔɔ nyɛ he ni nɛ nyɛɛ tu munyu ngɔ tsɔɔ nyɛ he ngɛ saku fiamihi kɛ yi jemi lahi kɛ mumi mi lahi a mi, nɛ nyɛɛ kɛ sina nɛ la ngɛ nyɛ tsui mi ha Mawu.

အခန်းကိုကြည့်ပါ။ ကော်ပီ




Kolosebi 3:16
62 ပူးပေါင်းရင်းမြစ်များ  

Benɛ Israel ma a tsuo nu bɔ nɛ Matsɛ Salomo buá sane ɔ he ha a, a bu lɛ wawɛɛ nitsɛ; ejakaa a yɔse kaa Mawu ha lɛ nile nɛ e kɛ kojo ngɛ dami sane yemi nya.


Nyumu nɛ ɔmɛ tsuo ji ni nɛmɛ nɛ le ní tsumi saminya; a nyɛmimɛ Levi bi ɔmɛ hu lali kpanakpanaa ji mɛ. Mɛ tsuo a hiɛmi ji 288.


Lali a kuu nɛ laa yi jemi, kɛ sina lahi kɛ haa Mawu ɔ, Matsɛ David, kɛ la polɔ Asaf be ɔ mi tɔɔ nɛ a to nikɔtɔmahi ngɛ a nya.


Nɔ́ nɛ Mawu fa mi ke ma pee ɔ, lɔ ɔ i peeɔ. I pee we imi nitsɛ ye suɔmi nya ní; Mawu suɔmi nya ní lɛ i peeɔ.


I ngɔ o munyu ɔ kɛ to ye tsui mi tɔɔ, konɛ ma ko pee yayami kɛ si mo.


O mlaa amɛ plɛ pee lahi nɛ i laa ngɛ ye wami be kpiti nɛ ɔ mi ngɛ je ɔ mi.


Yawɛ, i ngɛ mo si nae kɛ ye tsui tsuo. I ngɛ lae kɛ ngɛ o yi jee ngɛ Mawu kpa amɛ a hɛ mi po.


Yawɛ ji ye he bulɔ, kɛ ye yi baalɔ; e nɔ lɛ i ngɔ ye hɛ kɛ fɔ. E piɛɔ ye he, nɛ e haa mi bua jɔmi. Ma la kɛ je e yi.


Mo ji ye laami he; o jeɔ mi kɛ jeɔ haomi mi. Mo lɛ o po piɛ kɛ bɔle mi kɛ kpe, nɛ o ha nɛ i ye ye he.


Ma hwɔ lele, nɛ ma la kɛ je o yi; ma je o yi, ejakaa o he ye yi wami.


Ní lelɔ juɛmi tsɔɔ lɛ blɔ nɛ hi. Kuasiahi lɛɛ a juɛmi sisiɔ mɛ.


Nihi nɛ suɔ mɛ nitsɛmɛ a he ɔ, a kɛ nɔ kpa pee we nɔ́ ko. Nɔ́ ko nɛ nihi tsuo le kaa e hi ɔ, mɛɛ lɛɛ a deɔ ke e hí.


Salomo la amɛ a mi nɔ́ nɛ ngɔɔ pe kulaa ji nɛ ɔmɛ nɛ.


Jã nyɛ peeɔ kɛ kpɔɔ ohiatsɛmɛ a blɔ nya níhi ngɛ a dɛ, nɛ nyɛ yi dami sane ha we mɛ. Jã nyɛ peeɔ kɛ kpɔɔ yalɔyihi kɛ awusahi a weto ní ngɛ a dɛ.


Be ma nɛ ma a ma la la nɛ ɔ ngɛ Yuda zugba a nɔ: Wa ngɛ ma nɛ he wa! Mawu nitsɛ lɛ buu ma a gbogbo ɔmɛ a he!


Se nyɛ, Mawu ma a lɛɛ nyɛ bua maa jɔ, nɛ nyɛ ma la kaa bɔ nɛ nyɛ laa kɛ ngɔɔmi ke nyɛ ngɛ nyami be klɔuklɔu yee ɔ. Nyɛ bua maa jɔ kaa nihi nɛ a ngɛ nyɛɛe kɛ yaa Yawɛ yo ɔ nɛ ji Israel tɛ sa a nɔ kɛ a dɛ mi bɛhi nɛ a ngɛ kpae kɛ ngɛ he toe.


Bu la nɛ i ngɛ lae ha mo nɛ ɔ tue; la a kɔɔ ye huɛ ko kɛ e wai ngmɔ he. Ye huɛ ɔ ngɛ wai ngmɔ ko ngɛ yo zugba ko nɛ baa ní saminya nɔ.


O kɛ mi tu munyu, nɛ i nu nɔ́ tsuaa nɔ́ nɛ o de mi ɔ fitsofitso. Yawɛ Tabohiatsɛ Mawu, o nɔ́ ji mi, nɛ enɛ ɔ he je ɔ, o munyu ɔ ha nɛ i na bua jɔmi kɛ be nɔ.


Kɛkɛ nɛ a la yi jemi la, nɛ a je kpo, nɛ a pue nɔ kɛ ho Oliv yo ɔ nɔ ya.


Yesu kɛ mɛ kpale a se kɛ ho Nazaret ya, nɛ e ba e he si ha mɛ. E nyɛ kɛ ní nɛ ɔmɛ tsuo to e yi mi, nɛ e susuɔ he be tsuaa be.


Ke nyɛ mɛtɛ ye he, nɛ nyɛ he ye munyu ɔmɛ ye ɔ, nɔ́ tsuaa nɔ́ nɛ nyɛ suɔ ɔ, ke nyɛ bi ɔ, a ma ha nyɛ.


Lɔ ɔ ji kaa ja a fiɛ Kristo he sane ɔ loko nɔ ko maa nu. Nɛ ja nɔ ko nu sane ɔ loko e ma he ye.


Ye nyɛmimɛ, imi nitsɛ i le tsɔ kaa nyɛ nitsɛmɛ tete nyɛ mi mi hi; nyɛ le ní bɔ nɛ sa, nɛ nyɛ nyɛɔ woɔ nyɛ sibi ga.


Ke kikɛ nɛ ɔ ji sane ɔ, lɛɛ kɛ ma pee kɛɛ? I kɛ mumi maa sɔle, se i kɛ juɛmi hu maa sɔle; i kɛ mumi ma la, se i kɛ juɛmi hu ma la.


Ye nyɛmimɛ, nɔ́ nɛ i ngɛ tsɔɔe ɔ ji, ke nyɛ nya ba bua kɛ ha Mawu jami ɔ, nyɛ ti nɔ kake nɛ je la, nɔ ko nɛ tsɔɔ ní, nɛ nɔ ko hu nɛ ha sɛ gbi nɛ je Mawu ngɔ. Nɔ kpa nɛ tu gbi slɔɔtohi, konɛ nɔ kpa ko hu nɛ tsɔɔ sisi. Nyɛɛ pee níhi tsuo ngɛ a blɔ nɔ kɛ ha asafo ɔ nɔ yami.


nɛ i kpaa pɛɛ kaa wa Nyɔmtsɛ Yesu Kristo Mawu ɔ, kɛ wa Tsɛ nɛ hɛ mi ngɛ nyami ɔ nɛ ha nyɛ Mumi Klɔuklɔu ɔ. Mumi ɔ ma ha nɛ nyɛ maa le bɔ nɛ Mawu ngɛ anɔkuale mi, nɛ e ma je Mawu kpo kɛ tsɔɔ nyɛ, nɛ nyɛ maa le lɛ saminya.


Lɔ ɔ he ɔ, nyɛ ko je kuasia; se mohu nyɛɛ bɔ mɔde nɛ nyɛ yo níhi nɛ ji Nyɔmtsɛ ɔ suɔmi nya ní.


Nyɛɛ kɛ nyɛ sibi nɛ sɛɛ munyuhi nɛ ngɛ saku fiami, yi jemi, kɛ mumi mi la amɛ a mi ɔ a he ní. Nyɛɛ fia saku, nɛ nyɛ la kɛ je nyɛ tsui mi tɔɔ nɛ nyɛ kɛ je Nyɔmtsɛ ɔ yi.


Kristo ngɔ sane kpakpa a, nɛ e kɛ tsu asafo ɔ he kaa bɔ nɛ a kɛ nyu fɔɔ nɔ he ha lɛ ɔ, nɛ e kɛ pee lɛ klɔuklɔu.


Lɔ ɔ he ɔ, wa ngɛ Kristo he sane ɔ fiɛe kɛ ngɛ nɔ tsuaa nɔ tsɔɔe. Wa ngɛ nihi tsuo kɔkɔ bɔe, nɛ wa ngɛ mɛ ní tsɔɔe kɛ nile nɛ mi kuɔ. Wa ngɛ mɔde bɔe nɛ waa gbla nɔ tsuaa nɔ kɛ ba Mawu ngɔ kaa nihi nɛ le Kristo kɛ pi si.


Enɛ ɔ he ɔ, kɛ je ligbi ɔ nɛ wa nu nyɛ he ɔ kɛ ba si amlɔ nɛ ɔ, wa jɔɔ we Mawu pɛɛ kpami ha nyɛ. Wa biɔ ke Mawu nɛ ha nɛ nyɛɛ le e suɔmi nya ní, nɛ nyɛ ná nile, kɛ nɔ́ sisi numi nɛ mumi ɔ haa nɔ ɔ.


Ke nyɛɛ kɛ nihi ngɛ ní sɛɛe ɔ, nyɛ ha nɛ munyu nɛ maa je nyɛ nya a nɛ ngɔ kaa nɔ́ ko nɛ a wo lɛ ngo, nɛ nyɛɛ le bɔ nɛ nyɛ ma ha nɔ tsuaa nɔ munyu heto bɔ nɛ sa.


Pi Makedonia kɛ Akaya kɛkɛ nɛ Nyɔmtsɛ ɔ sɛ gbi ɔ nɛ nyɛ fiɛ ɔ gbɛ fĩa a, se he tsuaa he ɔ, a nu nyɛ hemi kɛ yemi nɛ nyɛ ngɛ ngɛ Mawu mi ɔ hu he. Enɛ ɔ he je ɔ, e hia we kaa wɔɔ wa deɔ nɔ́ ko hu.


Lɔ ɔ he ɔ, nyɛɛ kɛ kikɛmɛ a munyu nɛ ɔmɛ nɛ wo nyɛ sibi a bua.


Nyɛ ko bu lɛ he nyɛlɔ, se mohu nyɛɛ tu munyu ngɔ tsɔɔ lɛ kaa nyɛmi.


Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.


O kai kaa kɛ je o jokuɛ mi tɔɔ o le ngmami klɔuklɔu ɔ. Ngmami klɔuklɔu ɔ ma ha nɛ o maa le ní, nɛ Kristo Yesu nɛ o heɔ yeɔ ɔ ma he o yi wami.


Kɛ gu wa kpɔlɔ Yesu Kristo nɔ ɔ, Mawu plɛ Mumi Klɔuklɔu ɔ ngɔ pue wa nɔ babauu.


Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.


Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.


Ke amanehlu ba nyɛ ti nɔ ko nɔ ɔ, e sɔle. Ke nyɛ ti nɔ ko bua jɔ ɔ, e la yi jemi la.


Bimɛ tsɔwi, i ngɛ nyɛ womi nɛ ɔ ngmae, ejakaa nyɛ le Tsɛ ɔ. Tsaatsɛmɛ! I ngɛ nyɛ womi nɛ ɔ ngmae, ejakaa nyɛ le nɔ nɛ ngɛ kɛ je sisije ɔ. Nihewi! I ngɛ nyɛ womi nɛ ɔ ngmae, ejakaa nyɛ he wa; Mawu we anɔkuale ɔ ngɛ nyɛ mi, nɛ nyɛ ye nɔ yayami ɔ nɔ kunimi.


Lɔ ɔ he ɔ, sɛ gbi ɔ nɛ nyɛ na kɛ je sisije ɔ, nyɛɛ pɛtɛ he wawɛɛ. Ke nyɛ pɛtɛ jamɛ a sɛ gbi ɔ he wawɛɛ ɔ, lɔ ɔ lɛɛ nyɛɛ maa hi Bi ɔ, kɛ Tsɛ ɔ mi daa.


Se nyɛɛ lɛɛ Kristo ha e mumi ɔ ba nyɛ nɔ. Be abɔ nɛ e mumi ɔ ngɛ nyɛ nɔ ɔ, e hia we nɛ nɔ ko nɛ ba tsɔɔ nyɛ ní. Ejakaa mumi ɔ ngɛ nyɛ nɔ́ tsuaa nɔ́ tsɔɔe; nɛ anɔkuale ɔ mumi ɔ ngɛ nyɛ tsɔɔe ɔ nɛ, pi lakpa. Lɔ ɔ he ɔ, nyɛɛ bu nɔ́ nɛ mumi ɔ ngɛ tsɔɔe ɔ tue, konɛ nyɛɛ ya nɔ nɛ nyɛɛ hi Kristo mi.


Ejakaa anɔkuale ɔ ngɛ wa mi, nɛ anɔkuale ɔ kɛ wɔ maa hi si kɛ maa ya neneene.


Nimli 144,000 ɔ daa si ngɛ matsɛ sɛ ɔ, kɛ hɛ kali eywiɛ ɔmɛ, kɛ nikɔtɔma amɛ a hɛ mi, nɛ a ngɛ la he ko lae. Nɔ ko nɔ ko nyɛ we nɛ e kase la nɛ ɔ ngɛ je ɔ mi tsuo, ja mɛ nimli 144,000 ɔ nɛ Mawu he a yi wami ɔ.


Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!


Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.


Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ