Kolosebi 3:13 - BAIBLO ALOO NGMAMI KLƆUKLƆU Ɔ

¹³ Ke nɔ ko kɛ e nyɛmi ngɛ sane ko ɔ, nyɛɛ na ha nyɛ sibi, nɛ nyɛ kɛ pa nyɛ he kaa bɔ nɛ Nyɔmtsɛ ɔ hu ngɔ nyɛ he yayami ngɔ pa nyɛ ɔ.

Somi He Ɔ

¹³ nɛ ke nɔ ko kɛ nɔ ko na sane ko ɔ, nyɛɛ na ha nyɛ sibi nɛ nyɛ kɛ pa nyɛ he, kaa bɔ nɛ Kristo hu kɛ pa nyɛ ɔ, ja nyɛ hu nyɛɛ pee.

Kolosebi 3:13 ပူးပေါင်းရင်းမြစ်များ

Efesobi 4:32

Niinɛ, nyɛɛ na nyɛ sibi mɔbɔ; nyɛ tsui mi nɛ sã nyɛ ngɛ nyɛ sibi a he, nɛ nyɛɛ ngɔ a he yayami kɛ pa mɛ kaa bɔ nɛ Mawu hu ngɔ nyɛ he yayami ɔmɛ ngɔ pa nyɛ kɛ gu Kristo nɔ ɔ.

Marko 11:25

Nɛ ke nyɛ ngɛ kue fae nɛ nyɛ susu kaa nɔ ko tɔ nyɛ nɔ ɔ, nyɛ kɛ pa lɛ, kɛkɛ nyɛ tsɛ nɛ ngɛ hiɔwe ɔ hu kɛ nyɛ tɔmi ɔmɛ maa pa nyɛ. [

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Efesobi 4:2

Nyɛɛ ba nyɛ he si; nyɛɛ pee nyɛ he humi, nɛ nyɛɛ to nyɛ tsui si. Nyɛɛ na ha nyɛ sibi nɛ nyɛ kɛ tsɔɔ kaa nyɛ suɔ nyɛ he niinɛ.

Mateo 6:12

Ngɔɔ wa tɔmi ɔmɛ kɛ pa wɔ kaa bɔ nɛ wɔ hu waa kɛ paa nihi nɛ tɔɔ wa nɔ ɔ.

2 Korintobi 6:6

Waa kɛ subai kpakpa, nile nɛ mi kuɔ, tsui si tomi, mi mi himi, klɔuklɔu peemi ngɛ mumi mi, anɔkuale suɔmi,

Galatabi 6:2

Nyɛɛ kpee nyɛ sibi kɛ tloo nyɛ tlomi ɔmɛ kaa bɔ nɛ Kristo mlaa a tsɔɔ kaa nyɛɛ pee ɔ.

2 Korintobi 2:10

Ke nyɛɛ kɛ nɔ ko he yayami pa lɛ ɔ, kɛkɛ imi hu i kɛ pa lɛ. Ke e hia kaa ma ngɔ nɔ ko he yayami kɛ pa lɛ ɔ, nyɛ he ɔ, i ngɔɔ kɛ paa lɛ; ejakaa i le kaa nɔ́ nɛ i ngɛ pee ɔ, Kristo ngɛ hyɛe.

Luka 23:34

Nɛ Yesu de ke, “Tsaatsɛ, kɛ pa mɛ! A li nɔ́ nɛ a ngɛ pee ɔ.” Kɛkɛ nɛ a fɔ sɔ kɛ dla e tade ɔmɛ.]

Luka 11:4

Kɛ wa he yayami ɔmɛ nɛ pa wɔ; ejakaa wɔ hu waa kɛ paa nɔ tsuaa nɔ nɛ tɔɔ wa nɔ. Nɛ ko ha nɛ a ka wɔ.’ ”

Mateo 5:44

Se imi lɛɛ i ngɛ nyɛ dee ke nyɛɛ suɔ nyɛ he nyɛli, nɛ nyɛɛ sɔle ha nihi nɛ waa nyɛ yi mi,

1 Petro 2:21

Enɛ ɔ he Mawu tsɛ nyɛ ɔ nɛ. Ejakaa Kristo nitsɛ na amanehlu, nɛ e kɛ lɔ ɔ pee nɔ hyɛmi nɔ́ ha nyɛ, konɛ nyɛɛ nyɛɛ e se.

Romabi 15:7

Lɔ ɔ he ɔ, nyɛ he nyɛ sibi atuu kaa bɔ nɛ Kristo hu he nyɛ atuu ɔ. Nyɛɛ pee enɛ ɔ, nɛ nyɛ kɛ wo Mawu hɛ mi nyami.

Kolosebi 3:12

Mawu nihi nɛ e hla, nɛ e suɔ ji nyɛ, nɛ nyɛ ngɛ klɔuklɔu. Lɔ ɔ he ɔ, nyɛ ha nɛ a na subai nɛ ɔmɛ ngɛ nyɛ he kaa tade nɛ nyɛ wo: mi mi jɔmi, mɔbɔ nami, he si bami, kpoo peemi, kɛ tsui si tomi.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Abɛ Womi 19:11

Nɔ nɛ ngɛ juɛmi ɔ, e mi mi fu we mla. Ke nɔ ko tɔ̃ e nɔ nɛ e pui mi ɔ, lɔ ɔ woɔ e hɛ mi nyami.