Kolosebi 3:11 - BAIBLO ALOO NGMAMI KLƆUKLƆU Ɔ

¹¹ Ngɛ enɛ ɔ mi ɔ, slɔɔto ko be Hela no kɛ Yuda no a kpɛti; slɔɔto be nɔ nɛ a po lɛ, kɛ mɔmlɔtɔtsɛ a kpɛti. Kɔpe no be ɔ, futufutu no be; nyɔguɛ be ɔ, odehe ko hu be. Nɔ nɛ he hia ji Kristo; nɛ nɔ́ tsuaa nɔ́ nɛ hɛ ngɛ ɔ, Kristo ngɛ e mi.

Somi He Ɔ

¹¹ he nɛ Hela no kɛ Yuda no, nɔ nɛ a po lɛ kɛ mɔmlɔtɔtsɛ, jekɔno kɛ Skite no, nyɔguɛ kɛ odehe ko be hu, se mohu Kristo ji nihi kulaa ngɛ nihi kulaa mi ɔ.

Kolosebi 3:11 ပူးပေါင်းရင်းမြစ်များ

La 117:2

Ejakaa suɔmi nɛ Yawɛ kɛ suɔ wɔ ɔ, suɔmi ɔ kle, nɛ e yeɔ anɔkuale daa. A je Yawɛ yi!

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Yesaya 52:10

Yawɛ ma je e he wami klɔuklɔu ɔ kpo; e ma he e ma a yi wami, nɛ je ɔ tsuo maa na.

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Ezekiel 47:22

Á po zugba ha nyɛ wɛtso ɔmɛ, Israel fɔfɔɛ ɔmɛ, nyɛ nibwɔhi nɛ ba to nyɛ ɔ, kɛ a bimɛ tsuo nɛ ba pee Israel bi ɔ. A hyɛ, konɛ nɔ tsuaa nɔ nɛ na e blɔ nya pɛpɛɛpɛ kaa Israel fɔfɔɛ.

Hosea 2:23

Ma to ye ma a sisi, nɛ a ma plɔke ngɛ zugba a nɔ. Nihi nɛ a tsɛɔ mɛ ke, “Asumemo” ɔ, ma je suɔmi kpo ha mɛ; nɛ ni nɛmɛ nɛ a tsɛɔ mɛ ke “Piyema” a, ma de mɛ ke, “Ye ma ji nyɛ.” Kɛkɛ ɔ, mɛ hu a ma he nɔ ke, “Mo ji wa Mawu.”

Amos 9:12

Nɛ nyɛ Israel bi, nyɛ maa ngɔ Edom zugba nɛ piɛ ɔ, kɛ je mahi tsuo nɛ nyɛ ye a nɔ sa be ko kɛ ha mi ɔ.” Bɔ nɛ Yawɛ de ji nɛ ɔ nɛ, nɛ nɔ́ nɛ e to nɛ e maa pee ɔ hu ji nɛ ɔ nɛ.

Mika 4:2

nɛ a ma de a sibi ke, “Nyɛ ha waa kuɔ Yawɛ ɔ kɛ ya Israel Mawu ɔ we ɔ. E maa tsɔɔ wɔ nɔ́ nɛ e suɔ kaa waa pee, nɛ wa maa nyɛɛ e blɔ ɔmɛ a nɔ. Ejakaa Yawɛ mlaa a maa je Zion; e kɛ e ma a maa tu munyu kɛ je Yerusalem.”

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

Yohane 15:5

“Imi ji wai tso ɔ, nɛ nyɛ ji kɔni ɔmɛ. Nɔ tsuaa nɔ nɛ hii ye mi, nɛ imi hu i hii e mi ɔ, e maa wo yiblii babauu, ejakaa ke ye he be mi ɔ, nyɛ be nɔ́ ko nɔ́ ko nyɛe ma tsu.

Yohane 17:23

I ngɛ a mi, nɛ mo hu o ngɛ ye mi, konɛ a pee kake kɛ pi si; kɛkɛ ɔ, je ɔ maa na kaa mo nɛ o tsɔ mi; nɛ bɔ nɛ o suɔ mi ɔ, o suɔ mɛ hu ja nɔuu.

Ni Tsumi 15:17

Kɛkɛ ɔ, adesahi nɛ piɛ ɔ tsuo maa ba ye ngɔ; nɛ ma je li ɔmɛ tsuo nɛ i tsɛ ɔ maa ba ma ba pee ye ma.

Ni Tsumi 28:2

Ma mi lejɛ ɔ bi ɔmɛ pee wɔ kpakpa saminya. Jamɛ a be ɔ mi ɔ, hiɔmi bɔni nɛmi, nɛ fĩɛ ɔ nya wa; lɔ ɔ he ɔ, ni ɔmɛ slɛ la, nɛ a ha wɔ tsuo wa ya hlue la a.

Ni Tsumi 28:4

Benɛ lejɛ ɔ bi ɔmɛ na lohwe ɔ nɛ kplaa si ngɛ Paulo nine he ɔ, a de a he ke, “Nyumu nɛ ɔ, nɔmlɔ gbelɔ ji lɛ. E ná je osla mi ngɛ wo ɔ mi lɛɛ, se loloolo ɔ, e sɛsɛɛ ngmɛ́ lɛ blɔ kaa e hi je mi.”

Romabi 1:14

I ngɛ kaa nɔ ko nɛ hɛɛ nihi tsuo hiɔ, Hela bi, kɛ nihi nɛ pi Hela bi ji mɛ; ní leli kɛ, kuasiahi tsuo i hɛɛ mɛ hiɔ.

Romabi 10:12

Slɔɔto ko be Yuda no kɛ ma je no a kpɛti, ejakaa a ngɛ Nyɔmtsɛ kake, nɛ e mi hi saminya ha nihi tsuo nɛ kpaa ngmlaa kɛ tsɛɔ lɛ ɔ.

Romabi 3:22

Ke nɔ ko he Yesu Kristo ye kɛkɛ Mawu bu lɛ nɔ nɛ da. Nihi tsuo nɛ heɔ Kristo yeɔ ɔ, bɔ nɛ a peeɔ haa mɛ ji nɛ ɔ nɛ; slɔɔto ko kulaa be mi.

Romabi 3:29

Anɛ Mawu ɔ, Yuda bi kɛkɛ a Mawu lo? Anɛ pi ma je li ɔmɛ hu a Mawu ji lɛ lo? Ee, ma je li ɔmɛ hu a Mawu ji lɛ.

1 Korintobi 12:13

Mawu ngɔ mumi kake ɔ nɔuu ngɔ wo wa tsui mi, nɛ wa ti nɔ tsuaa nɔ ba plɛ pee Kristo he nɔ́ ko, Yuda no jio, ma je no jio, nyɔguɛ jio, nɔ nɛ ye e he jio.

1 Korintobi 14:11

Se ke nɔ ko ngɛ gbi tue nɛ i nui sisi ɔ, ma plɛ nubwɔ ngɛ e hɛ mi, nɛ lɛ hu e ma plɛ nubwɔ ngɛ ye hɛ mi.

1 Korintobi 7:19

Ejakaa a po mo jio, a pui mo jio, pi nɔ́ ko; nɔ́ nɛ he hia ji kaa o ye Mawu mlaa amɛ a nɔ.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Efesobi 1:23

Asafo ɔ ji Kristo nɔmlɔ tso nɛ haa níhi tsuo a he suu. Kristo haa níhi tsuo a he suu ngɛ he tsuaa he.

Efesobi 2:14

Ejakaa Kristo nitsɛ ba pee Yuda bi, kɛ ma je li kake, nɛ enɛ ɔ ha nɛ he jɔmi ba. Ninyɛ nɛ pee kaa gbogbo ngɛ Yuda bi kɛ ma je li a kpɛti ɔ, Kristo ha nɛ jamɛ a ninyɛ ɔ se po gbidigbidi.

Efesobi 2:15

Kristo gbo nɛ e kɛ po Yuda bi a mlaa a, kɛ a kɔ ɔmɛ a mi, nɛ e pee Yuda bi ɔmɛ, kɛ ma je li ɔmɛ kake ngɛ lɛ nitsɛ e mi; nɛ enɛ ɔ kɛ he jɔmi ba.

Efesobi 3:17

I kpaa pɛɛ nɛ nyɛ he ye, nɛ Kristo nɛ hi nyɛ tsui mi, konɛ nɔ́ tsuaa nɔ́ nɛ nyɛ ngɛ pee ɔ, nyɛɛ pee kɛ suɔmi nɛ mi wa.

Efesobi 3:6

Laami sane ɔ ji kaa sane kpakpa a he ɔ, gbaami nɛ Mawu gbaa Yuda bi ɔmɛ ɔ, ma je li ɔmɛ hu ba na eko. Mɛ tsuo a ba pee kaa nɔmlɔ tso kake ɔ he níhi; nɛ si nɛ Mawu wo kɛ gu Kristo Yesu nɔ ɔ, a ná mɛ hu a blɔ nya nɔ.

Efesobi 6:8

Nyɛ kai kaa ke mo nɔ ko o pee kpakpa a, nyɔguɛ ji mo jio, odehe ji mo jio Nyɔmtsɛ ɔ maa to mo nane mi ja nɔuu ekohu.

Kolosebi 2:10

Nyɛɛ kɛ Kristo pee kake, lɔ ɔ he ɔ, Kristo nɛ ji yi ha nɔ yeli tsuo ɔ su ngɛ nyɛ mi.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

2 Yohane 1:9

Nɔ tsuaa nɔ nɛ maa je Kristo sane kpakpa a se ya tsɔɔ nɔ́ kpa a, e li Mawu. Nɔ nɛ tsɔɔ sane kpakpa a pɛpɛɛpɛ kaa bɔ nɛ e ngɛ kɛ je sisije ɔ, jamɛ a nɔ ɔ le Tsɛ ɔ, kɛ Bi ɔ tsuo.