Kolosebi 3:10 - BAIBLO ALOO NGMAMI KLƆUKLƆU Ɔ

¹⁰ Nyɛɛ wo nɔmlɔ su he. Nɔmlɔ su he nɛ ɔ ji nɔ́ nɛ Mawu, e bɔlɔ ɔ ngɛ mɔde bɔe daa nɛ kaa e maa hi kaa bɔ nɛ lɛ Mawu ɔ ngɛ ɔ, kɛkɛ nyɛ maa le lɛ fitsofitso.

Somi He Ɔ

¹⁰ nyɛɛ wo nɔmlɔ he nɛ plɛɔ ehe ekohu kɛ yaa ni lemi mi ngɛ nɔ nɛ bɔ lɛ ɔ subai ɔ nya;

Kolosebi 3:10 ပူးပေါင်းရင်းမြစ်များ

Mose I, 5:1

Adam nina he sane ji nɛ ɔ nɛ. Benɛ Mawu bɔ nɔmlɔ ɔ, e pee nɔmlɔ ɔ kaa bɔ nɛ lɛ Mawu ɔ e ngɛ ɔ.

Hiob 29:14

Be tsuaa be ɔ, i yeɔ dami sane, nɛ i peeɔ nɔ́ nɛ da.

La 51:10

Mawu, bɔɔ tsui nɛ he tsɔ ha mi; ngɔɔ mumi nɛ yeɔ mo anɔkuale kɛ wo ye mi.

Yesaya 52:1

Yerusalem, tee si nɛ o pee ma nguaa ekohu! Mawu ma klɔuklɔu, o hɛ mi nɛ ba nyami, nɛ́ a bu mo saminya! Ma je li be hiɛ ɔ bae hu gblegbleegble.

Yesaya 59:17

E maa ye dami sane be tsuaa be; dami sane yemi maa pee kaa tsɛ̃i nɛ ha e he. Yi wami hemi hu maa pee e hiami nɔ́; e maa pee kaa dade pɛɛ nɛ e bu. E kɛ abofu, kɛ hɛdɔ maa gbla he nyɛli ɔmɛ a tue kɛ fa ni nɛmɛ nɛ a ngɛ mɛ amimi yee ɔ a he.

Ezekiel 11:19

Ma ha mɛ tsui he, kɛ juɛmi he. Ma je tsui nɛ wa kaa tɛ ɔ kɛ je a mi, nɛ ma ha mɛ tsui nɛ he jɔ, tsui nɛ buɔ tue;

Ezekiel 18:31

Yayamihi tsuo nɛ nyɛ pee kɛ si mi ɔ, nyɛ sake mɛ ngɔ pue he. Nyɛ tsake, nɛ́ nyɛ na juɛmi he, kɛ tsui he. Israel ma, mɛni he je nyɛ ngɛ hlae nɛ nyɛ hɛ mi nɛ kpata a?

Ezekiel 36:26

Ma ha nyɛ tsui he, kɛ juɛmi he. Nyɛ tsui nɛ wlua kaa tɛ ɔ, ma je kɛ je nyɛ mi, nɛ ma ha nyɛ tsui nɛ he jɔ.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Romabi 12:2

Nyɛ ko ba nyɛ je mi kaa je mi bi ɔmɛ hu; se mohu nyɛ ha Mawu nɛ tsake nyɛ juɛmi, konɛ nyɛ yɔse níhi nɛ ji Mawu suɔmi nya ní kpakpahi nɛ sa e hɛ mi saminya, nɛ hi kɛ pi si ɔ.

Romabi 13:12

Nyɔ ɔ be ta kulaa, nɛ je mi miɔ nɛ e ma tsɔ. Lɔ ɔ he ɔ, nyɛ ha wa kpa níhi nɛ wa peeɔ ngɛ laami mi ɔ; wa ní peemi ɔmɛ nɛ a kpɛ́ kaa níhi nɛ ta bulɔ kɛ mia.

Romabi 13:14

Nyɛ ha Nyɔmtsɛ Yesu nɛ pee kaa tade nɛ nyɛ wo; nyɛ ko susu he lo nya níhi a he, ke pi ja a, e ma jlo nyɛ kaa nyɛ pee.

Romabi 6:4

Lɔ ɔ he ɔ, nɛ a sɔle wɔ ɔ, wa gbo kaa bɔ nɛ Kristo gbo ɔ, nɛ a pu waa kɛ lɛ tsuo, konɛ bɔ nɛ Tsɛ ɔ tle Kristo si ngɛ nyami mi ɔ, wɔ hu wa na wami he.

Romabi 8:29

Nihi nɛ Mawu hla ngɔ to momo ɔ, e pee mɛ klɔuklɔu, konɛ a subai nɛ hi kaa Bi ɔ nɔ. Kɛkɛ ɔ, Bi ɔ maa pee nɔkɔtɔma ngɛ e nyɛmimɛ babauu a kpɛti.

2 Korintobi 3:18

Wɔ Kristo we bi lɛɛ hɛ mi hami nɔ́ ko be wa hɛ mi; wa ngɛ kaa a huhuɛ nɛ Nyɔmtsɛ ɔ hɛ mi nyami ɔ kpɛɔ kɛ guu mi. Kikɛmɛ a hɛ mi nyami ɔ ji Nyɔmtsɛ ɔ mumi ɔ nɛ. Nɛ akɛnɛ mumi ɔ ngɛ ní tsue ngɛ wa mi daa he je ɔ, wa ngɛ tsakee ngɛ pee kaa lɛ.

2 Korintobi 4:16

Enɛ ɔ he ɔ, wa kɔni mi jɔ̃ we gblegbleegble. E ngɛ mi kaa wa nɔmlɔ tso ɔ ngɛ puɛe bɔɔbɔɔbɔɔ mohu, se mumi mi ɔ, wa ngɛ wae daa ligbi.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

Galatabi 3:27

Nyɛ nihi tsuo nɛ a sɔle nyɛ ngɔ wo Kristo mi ɔ, amlɔ nɛ ɔ, Kristo pee kaa tade nɛ nyɛ wo.

Galatabi 6:15

A po nɔ ko jio, a pui nɔ ko jio, e he hia we kulaa. Nɔ́ nɛ he hia kɛkɛ ji kaa nɔ ko ma tsake kɛ pee bɔ nɔ he.

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Efesobi 2:15

Kristo gbo nɛ e kɛ po Yuda bi a mlaa a, kɛ a kɔ ɔmɛ a mi, nɛ e pee Yuda bi ɔmɛ, kɛ ma je li ɔmɛ kake ngɛ lɛ nitsɛ e mi; nɛ enɛ ɔ kɛ he jɔmi ba.

Kolosebi 3:12

Mawu nihi nɛ e hla, nɛ e suɔ ji nyɛ, nɛ nyɛ ngɛ klɔuklɔu. Lɔ ɔ he ɔ, nyɛ ha nɛ a na subai nɛ ɔmɛ ngɛ nyɛ he kaa tade nɛ nyɛ wo: mi mi jɔmi, mɔbɔ nami, he si bami, kpoo peemi, kɛ tsui si tomi.

Kolosebi 3:14

Enɛ ɔmɛ tsuo a se ɔ, nyɛ ha suɔmi nɛ pee kaa tade nɛ nyɛ wo, ejakaa suɔmi ngɛ kaa kpa nɛ fiɔ níhi tsuo ngɔ peeɔ kake, nɛ lɛ tsuo peeɔ pɛ.

Filemon 1:6

Ye sɔlemi ji kaa hemi kɛ yemi ɔ nɛ waa kɛ mo wa hɛɛ mi ɔ ma ha waa nu ní kpakpahi tsuo nɛ wa naa ngɛ Kristo Yesu mi ɔ a sisi saminya.

Hebribi 6:6

Kɛkɛ nɛ a gbee si. Jehanɛ ɔ nɛ a je blɔ ngɛ Mawu Bi ɔ sɛue ekohu, nɛ a ngɛ lɛ ahlua bɔe kikɛ nɛ ɔ, kɛ nɔ ko maa pee kɛɛ nɛ e ha a tsake a tsui?

1 Yohane 2:3

Ke wa yeɔ Mawu mlaa amɛ a nɔ ɔ, lɔ ɔ waa kɛ naa anɔkuale mi kaa wa le lɛ.

1 Yohane 2:5

Se nɔ tsuaa nɔ nɛ yeɔ Mawu mlaa a nɔ ɔ, lɛ ji nɔ nɛ suɔ Mawu anɔkuale mi. Enɛ ɔ waa kɛ maa le kaa niinɛ, waa kɛ Mawu ngɛ huɛ bɔe.

Kpojemi 21:5

Kɛkɛ nɛ nɔ nɛ hii si ngɛ matsɛ sɛ ɔ nɔ ɔ de ke, “Hyɛ, i ngɛ níhi tsuo pee ehe!” E de imi hulɔ ke, “Ngmaa enɛ ɔ, ejakaa anɔkuale munyu nɛ sa kaa a he ye ji nɛ ɔ nɛ.”