Kolosebi 2:8 - BAIBLO ALOO NGMAMI KLƆUKLƆU Ɔ

⁸ Nyɛɛ hyɛ nɛ hi nɛ nɔ ko kó ngɔ je mi nile, loo yaka sisimi kɛ ye nyɛ nyɔguɛ. Blema tsɔɔmihi, kɛ mumihi nɛ yeɔ je ɔ nɔ ɔ, a ngɔ ní nɛ ɔmɛ je, se pi Kristo ngɔ.

Somi He Ɔ

⁸ Nyɛɛ hyɛ nɛ hi, konɛ nɔ ko kɛ je mi ni lemi kɛ yaka sisimi ko ngɔ nyɛ nyɔgue, ngɛ nimli a blema sanehi kɛ je nɛ ɔ mi mumihi nɛ ji Kristo mi ɔ nya.

Kolosebi 2:8 ပူးပေါင်းရင်းမြစ်များ

Lahi 2:15

Nyɛɛ nuu kɔkɔbo ɔmɛ ha wɔ. Nyɛɛ nuu kɔkɔbo tsɔwi ɔmɛ nɛ puɛɔ wai ngmɔ ɔmɛ ɔ; ejakaa wai ngmɔ ɔmɛ gba mɔmɔ.

Yeremia 29:8

Imi Yawɛ Tabohiatsɛ, Israel Mawu ɔ, i ngɛ nyɛ dee ke, gbali, kɛ klaali nɛ ngɛ nyɛ kpɛti ɔ, nyɛ ko ha nɛ a sisi nyɛ. Nyɛ ko ha nɛ a de nyɛ níhi nɛ nyɛ nitsɛmɛ nyɛ suɔ nɛ ba mi.

Mateo 10:17

Nyɛ hɛ nɛ hi nyɛ he nɔ; ejakaa nihi maa nuu nyɛ, nɛ a maa kojo nyɛ, nɛ a maa fia nyɛ kpa ngɛ kpe he ɔmɛ.

Mateo 16:6

Yesu de mɛ ke, “Nyɛɛ hyɛ saminya! Nyɛ hɛ nɛ hi nyɛ he nɔ ngɛ Farisi bi ɔmɛ, kɛ Saduki bi ɔmɛ a masa a he!”

Mateo 7:15

“Nyɛɛ hyɛ saminya ngɛ lakpa gbali a he. Ke a ba nyɛ ngɔ ɔ, a naa mɛ kaa jijɔ, se anɔkuale mi ɔ, a ngɛ kaa ogbeteehi;

Ni Tsumi 17:18

E kɛ ní leli a kuu nɛ ɔmɛ: Epikuro kɛ Stoike hu sãã nya. Ni komɛ bi ke, “Mɛni nyapuutsɛ nɛ ɔ ngɛ tsuae ɔ?” Ni komɛ hu de ke “E ngɛ kaa nɔ ko nɛ tuɔ ma se jemɛ a wɔhi a he munyu kɛ tsɔɔ nihi.” A de jã, ejakaa Paulo ngɛ Yesu he sane fiɛe, nɛ e ngɛ dee ke Yesu te si kɛ je gbeje nɛ e kɛ tsɔɔ kaa ni gbogboehi maa te si kɛ je gbeje.

Ni Tsumi 17:32

Benɛ a nu nɛ Paulo tu gbogboehi a si temi he munyu ɔ, ni komɛ ye e he fɛu, se ni komɛ hu de lɛ ke, “Nɔ́ nɛ o de nɛ ɔ, wa suɔ nɛ waa bu mo tue ekohu.”

Romabi 16:17

Ye nyɛmimɛ, i kpa nyɛ pɛɛ, nihi nɛ teɔ si kɛ siɔ níhi nɛ wa tsɔɔ nyɛ, nɛ a ngɛ nyɛ tue puɛe, nɛ a kɛ mi gbami ngɛ asafo ɔ mi bae ɔ, nyɛ hɛ nɛ hi nyɛ he ngɛ a he, nɛ nyɛɛ kɛ mɛ ko bɔ.

1 Korintobi 10:12

Lɔ ɔ he ɔ, nɔ nɛ susuɔ kaa e daa si ɔ, e hyɛ e he nɛ hi, konɛ e ko nɔ si.

1 Korintobi 8:9

Nɔ́ nɛ hia kɛkɛ ji kaa nyɛɛ hyɛ nɛ hi nɛ nyɛ ko ngɔ he blɔ nɛ nyɛ ngɛ nɛ ɔ kɛ ye ní ɔ. Ke nyɛ pee jã a, nyɛ ma ha nɛ nyɛ nyɛmimɛ Kristo se nyɛɛli nɛ mɛɛ a hemi kɛ yemi mi wɛ ɔ maa pee yayami.

2 Korintobi 10:5

nɛ wa teɔ si woɔ ní yayamihi nɛ he nɔ woli deɔ kɛ siɔ bɔ nɛ Mawu ngɛ anɔkuale mi ɔ. Wa tsakeɔ adesa juɛmi, konɛ e susumi nɛ pee kaa bɔ nɛ Kristo ngɛ hlae ɔ.

Galatabi 1:14

I tsu Yuda bi a jami ɔ he ní wawɛɛ pe wa juami bi Yuda fɔfɔɛhi babauu. I kɛ hɛdɔ tsu wa nɛmɛ ɔmɛ a kusumi ɔmɛ a he ní saminya.

Galatabi 4:3

Jã kɛ̃ wɔ hu benɛ wa wɛ lolo ɔ, wa ngɛ kaa nyɔguɛhi; nɛ je nɛ ɔ mi kusumihi, kɛ mlaahi nɛ hɛɛ wɔ.

Galatabi 4:9

Se jehanɛ nɛ nyɛ ba le Mawu, aloo ke ma de ɔ, Mawu mohu le nyɛ ɔ, mɛni he je nɛ nyɛɛ kɛ mumihi nɛ be he wami ko, nɛ a ní ngɛ mɔbɔ kikɛ nɛ ɔ, ekohu ɔ? Kɛ pee kɛɛ nɛ nyɛ ma ha nɛ a kpale ye nyɛ nyɔguɛ ɔ?

Galatabi 5:15

Se ke nyɛ pee nyɛ he lohwe dikali nɛ nyɛ ngɛ nyɛ he nɔ́ yeyee pee ɔ, lɔ ɔ lɛɛ nyɛ ma kpata nyɛ nitsɛmɛ nyɛ hɛ mi pɛsɛpɛsɛ.

Efesobi 2:2

Jamɛ a be ɔ, nɔ́ nɛ je nɛ ɔ peeɔ ɔ, lɔ ɔ nyɛ hu nyɛ peeɔ. Nyɛ ya nyɛɛ nɔ nɛ yeɔ mumi yayami ɔmɛ a nɔ ngɛ kɔɔhiɔ mi ɔ se. Nihi nɛ gboɔ Mawu tue ɔ, mumi nɛ ɔ lɛ ngɛ ní tsue ngɛ a mi amlɔ nɛ ɔ.

Efesobi 4:20

Nyɛɛ lɛɛ nɔ́ nɛ nyɛ kase ngɛ Kristo he ɔ, pi jã kulaa!

Efesobi 5:6

Nyɛ ko ha nɛ nɔ ko nɛ pee nyɛ kuasia; ejakaa nihi nɛ gboɔ tue, nɛ a peeɔ yayamihi kaa kikɛ nɛ ɔ, Mawu kɛ mi mi la gblaa a tue wawɛɛ.

Mose V, 6:12

nyɛɛ hyɛ nɛ hi, nɛ nyɛ hɛ ko je Yawɛ nɔ. Ejakaa lɛ nɛ je nyɛ kɛ je Egipt zugba a nɔ, he nɛ a ye nyɛ nyɔguɛ ngɛ ɔ.

Filipibi 3:2

Nyɛɛ hyɛ saminya ngɛ gbee ɔmɛ a he, nyɛɛ hyɛ saminya ngɛ ní tsuli yaya amɛ a he, nyɛɛ hyɛ saminya ngɛ nihi nɛ woɔ nɔmlɔ tso ɔ he pa ke a po nɔ ɔ a he.

Kolosebi 2:18

Nyɛ ko ha nɛ nihi nɛ buu a he kaa mɛɛ lɛɛ a hi pe nihi tsuo ɔ nɛ a bu nyɛ kaa nyɛɛ lɛɛ nyɛ be nɔ́ ko mi. A deɔ ke mɛɛ a naa nina pɔtɛɛ komɛ, nɛ a nyɛɔ nyɛ nɔ ke nyɛɛ kɛ he si bami nɛ ja bɔfohi. Kikɛmɛ a nimli nɛ ɔmɛ woɔ a he nɔ yaka gu.

Kolosebi 2:20

Nɛ Kristo gbo ɔ, nyɛ hu nyɛ gbo, nɛ a kpɔ nyɛ kɛ je mumihi nɛ yeɔ je ɔ nɔ ɔ a dɛ mi. Mɛni he je mɔ nɛ nyɛ peeɔ nyɛ ní kaa nɔ́ nɛ nyɛɛ kɛ je ɔ ngɛ bɔe kɛ mwɔɔ ɔ? Mɛni he je nyɛ haa a pa woɔ nyɛ mlaa ke,

Kolosebi 2:22

Mlaa nɛ ɔmɛ tsuo kɔɔ níhi nɛ ke a tsu a he ní pɛ a hɛ mi kpata a a he. Adesa mlaahi, kɛ tsɔɔmihi kɛkɛ ji enɛ ɔmɛ.

Kolosebi 2:23

Niinɛ, ni komɛ susuɔ kaa kikɛmɛ a mlaa nɛ ɔmɛ tsɔɔ nile nɛ haa nɔ nitsɛ fiiɔ si ngɛ jami mi. A buá peeɔ a he humi, nɛ a waa nɔmlɔ tso ɔ yi mi kɛ tsɔɔ kaa Mawu lɛ a ngɛ jae. Anɔkuale mi ɔ, mlaa nɛ ɔmɛ nyɛ we nɛ a tsiɔ nɔmlɔ tso ɔ we akɔnɔ nya.

1 Timoteo 6:20

Timoteo, níhi nɛ a tu ngɔ wo o dɛ mi ɔ, baa yi saminya. Yakayaka ní sɛɛmi nɛ tsɔɔ we Mawu gbeye yemi, kɛ nya sami tslalaa nɛ juɛmi be mi ɔ, yu o he ngɛ he. Kikɛmɛ a ní nɛ ɔmɛ lɛ ni komɛ buu ke nile.

2 Timoteo 3:13

Nimli yayamihi, kɛ nɔ sisili maa ya nɔ maa pee yayami kɛ be nɔ; a maa sisi nihi hluu kɛ yaa si a maa sisi mɛ nitsɛmɛ a he.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

Hebribi 3:12

Ye nyɛmimɛ, nyɛɛ hyɛ saminya, konɛ nyɛ ti nɔ ko kó hɛɛ juɛmi yaya nɛ be hae nɛ e he ye, nɛ e ko ba tsɔ Mawu hɛ kalɔ ɔ hɛ mi atuã.

1 Petro 1:18

Ejakaa yakayaka si himi nɛ nyɛ nɛmɛ ɔmɛ si ha nyɛ ɔ, nyɛ le hĩɔ nɛ Mawu wo loko e kɛ kpɔ nyɛ kɛ je mi nɛ nyɛ ye nyɛ he. Pi nɔ́ ko nɛ puɛɔ kaa sika hiɔ, loo sika tsu nɛ Mawu ngɔ kɛ tsu kikɛmɛ a ní nɛ ɔ,

2 Petro 3:17

Se ye nyɛmimɛ nɛ i suɔ, nyɛɛ lɛɛ nyɛ le enɛ ɔ momo. Lɔ ɔ he ɔ, nyɛɛ hyɛ nɛ hi saminya, nɛ nihi nɛ bui mlaa a, a ní peemi ní yayami ɔmɛ kó gbla nyɛ se, nɛ nyɛ si nɛ nyɛ da a ko bɔ nyɛ.

2 Yohane 1:8

Lɔ ɔ he ɔ, nyɛɛ hyɛ nyɛ he saminya, konɛ ní nɛ wa tsu ɔ, nyɛ ko je mi dɛ gu; se mohu nyɛ ná hiɔwo nɛ sa.