Kolosebi 2:5 - BAIBLO ALOO NGMAMI KLƆUKLƆU Ɔ

⁵ E ngɛ mi kaa he lo mi ɔ, i be nyɛ ngɔ lɛɛ, se mumi mi ɔ, i kɛ nyɛ ngɛ. Ke i hyɛ bɔ nɛ nyɛ toɔ níhi blɔ nya saminya, kɛ bɔ nɛ nyɛ fi si kpɛii ngɛ hemi kɛ yemi nɛ nyɛ ngɛ ngɛ Kristo mi ɔ mi ɔ, e peeɔ mi bua jɔmi.

Somi He Ɔ

⁵ Ejakaa ke i kɛ nyɛ be ngɛ he lo blɔfami hu, mumi blɔfami ɔ, i kɛ nyɛ ngɛ, nɛ ye bua jɔɔ, nɛ i naa nyɛ blɔ nya tomi kɛ si fimi nɛ nyɛɛ kɛ daa si ngɛ Kristo nɔ hemi kɛ yemi mi ɔ.

Kolosebi 2:5 ပူးပေါင်းရင်းမြစ်များ

Kronika II, 29:35

Ngɛ lohwehi babauu nɛ a ngɔ kɛ ba sã sami bɔ ɔmɛ a se ɔ, a kɛ zɔ ba sã tue mi jɔmi bɔ, nɛ a ngɔ wai bɔhi hu kɛ piɛ sami bɔ ɔmɛ a he. Bɔ nɛ pee nɛ a bɔni Yawɛ jami ngɛ e we ɔ mi ekohu ji nɛ ɔ nɛ.

La 78:37

A yi lɛ anɔkuale ɔ, somi nɛ e kɛ mɛ so ɔ hu a yi nɔ.

La 78:8

konɛ a ko ba wa tue, nɛ a ko ba tsɔ atuã kaa bɔ nɛ a nɛmɛ ɔmɛ pee ɔ. Mɛɛ a ngɔɛ a hɛ kɛ fɔɛ Mawu nɔ kɛ pi si; anɔkuale hu a yi lɛ bɔ nɛ sa.

Mose IV, 7:11

Yawɛ de Mose ke, “Ha nɛ ma nimeli ɔmɛ nɛ a ngɔ a nike ní ɔmɛ kɛ ba kakaaka, nɛ a kɛ tsukɔ bɔ sami la tɛ ɔ he. Daa ligbi ɔ, nɔ kake nɛ ngɔ e nɔ́ kɛ ba.”

Ni Tsumi 2:42

Nimli nɛ ɔmɛ kaseɔ ní be tsuaa be ngɛ bɔfo ɔmɛ a ngɔ; a kɛ mɛ peeɔ kake kɛ yeɔ ní, nɛ a kɛ peeɔ sɔlemi hulɔ.

Ni Tsumi 20:21

I tu munyu kɛ tsɔɔ Yuda bi, kɛ ma je li tsuo ke a kpa yayami peemi, nɛ a ba Mawu ngɔ, nɛ a he wa Nyɔmtsɛ Yesu Kristo nɛ a ye.

1 Korintobi 11:34

Se ke hwɔ ngɛ nɔ ko yee ɔ, e ye ní ngɛ we mi lolo, bɔ nɛ pee nɛ nyɛ he nya buami ɔ kó ba pee tue gblami mohu ha nyɛ. Níhi nɛ piɛ ɔ, ke i ba su kɛkɛ ma to blɔ nya.

1 Korintobi 14:40

Á pee nɔ́ tsuaa nɔ́ bɔ nɛ sa ngɛ blɔ nya tomi nya.

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

Kolosebi 2:1

Dengme babauu nɛ i gbo ngɛ nyɛɛ kɛ nihi nɛ ngɛ Laodikea, kɛ jehanɛ ni nɛmɛ nɛ li mi hɛ mi kɛ hɛ mi po ɔ tsuo nyɛ he ɔ, i suɔ kaa nyɛɛ le.

1 Tesalonikabi 2:17

Nyɛmimɛ, e ngɛ mi kaa wa si nyɛ, nɛ waa kɛ nyɛ mi gba be kpiti ko ngɛ he lo mi, se wa hɛ ji nyɛ nɔ. Hɛja sɔuu ha nɛ wa bɔ mɔde wawɛɛ kaa waa na nyɛ hɛ mi ekohu.

1 Tesalonikabi 3:8

Ke nyɛ maa ngɔ nyɛ he ngɔ mɛtɛ Nyɔmtsɛ ɔ kulaa a, wɔ hu wa ma na he wami he.

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

Hebribi 6:19

Nɔ́ nɛ wa ngɔ wa hɛ kɛ fɔ nɔ nɛ ɔ ngɛ kaa osɛkɛ nɛ nu wɔ kɛ da si kpɛii, nɛ e kɛ wɔ ya su sɔlemi tsu ɔ mi pomi bo ɔ se tɔɔ.

1 Petro 5:9

Nyɛ hemi kɛ yemi ɔ mi nɛ wa, nɛ nyɛɛ tsi lɛ blɔ. Ejakaa nyɛ le kaa nihi nɛ heɔ Kristo yeɔ kaa nyɛ ngɛ je ɔ mi tsuo ɔ, mɛ hu kikɛmɛ a amanehlu nɛ ɔ nɔuu a ngɛ nae.

Rut Womi 1:18

Benɛ Naomi na kaa Rut muɔ e yi mi kpɔ kaa e kɛ lɛ maa ya a, e de we nɔ́ ko hu.