Kolosebi 2:19 - BAIBLO ALOO NGMAMI KLƆUKLƆU Ɔ

¹⁹ Nɛ mɛɛ lɛɛ a mɛtɛ we Kristo nɛ ji yi ɔ he. Nɔmlɔ tso ɔ tsuo ɔ, yi ɔ mi e naa níhi tsuo nɛ hia lɛ ɔ kɛ jeɔ. Niye ní nɛ ɔ guɔ kpɔ ɔmɛ, kɛ pani ɔmɛ a mi, nɛ e haa nɔmlɔ tso ɔ waa bɔ nɛ Mawu to ɔ.

Somi He Ɔ

¹⁹ kikɛmɛ a nɔmlɔ ɔ, e hɛɛ we Kristo nɛ ji yi ɔ mi, nɔ mi nɛ nɔmlɔ tso ɔ kulaa naa nihi nɛ hiaa lɛ, kɛ guu kpɔjihi kɛ panihi a nɔ kɛ waa bɔ nɛ Mawu to ɔ.

Kolosebi 2:19 ပူးပေါင်းရင်းမြစ်များ

Luka 5:38

Wai he ɔ, lohwe he womi tɔ hehi a mi nɛ e sa kaa a kɛ woɔ!

Yohane 17:21

I ngɛ pɛɛ kpae nɛ mɛ tsuo a pee kake. Tsaatsɛ! Bɔ nɛ o ngɛ ye mi, nɛ i ngɛ o mi ɔ, mɛ hu a hi wa mi jã nɔuu. Pee mɛ kake, konɛ je ɔ nɛ he ye kaa mo nɛ o tsɔ mi.

Ni Tsumi 4:32

Nihi babauu nɛ he Yesu ye ɔ tsuo hɛɛ juɛmi kake, kɛ mumi kake. Nɛ a ti nɔ ko nɔ ko tsɛ we e níhi nɛ e ngɛ ɔ mi eko ke lɛ nitsɛ e nɔ́, se mohu, nɔ́ nɛ nɔ ko ngɛ ɔ peeɔ ma tsuo nɔ́.

Romabi 11:17

Oliv tso nɛ a je blɔ du ɔ, ke a kplɔ e kɔni ɔmɛ ekomɛ, nɛ a ya ngɔ mo oliv tso nɛ mo nitsɛ lo puɛ ngɛ nga mi ba ta tso ɔ he, nɛ o naa oliv tso sipoku ɔ mi niye ní ɔ eko ɔ,

1 Korintobi 1:10

Nyɛmimɛ, i ngɛ nyɛ pɛɛ kpae ngɛ Nyɔmtsɛ Yesu Kristo biɛ mi kaa nyɛ tsuo nyɛ nya nɛ pee kake, nɛ mi gbami kó ba nyɛ kpɛti. Nyɛ yi mi, kɛ nyɛ juɛmi nɛ pee kake.

1 Korintobi 11:3

Se i suɔ nɛ nyɛɛ nu sisi kaa Kristo ngɛ he wami ngɛ nyumuhi tsuo a nɔ kaa bɔ nɛ nyumu ji yi kɛ ha e yo, nɛ Mawu hu ji yi kɛ ha Kristo ɔ.

1 Korintobi 3:6

Imi lɛ i ba ma tso ɔ. Apolo ba pue nɔ nyu, se Mawu lɛ ha nɛ tso ɔ wa.

Efesobi 1:22

Mawu ha Kristo he wami ngɛ níhi tsuo a nɔ, nɛ e ngɔ lɛ ngɔ pee tsɛ ha asafo ɔ, konɛ e ye níhi tsuo a nɔ.

Efesobi 1:23

Asafo ɔ ji Kristo nɔmlɔ tso nɛ haa níhi tsuo a he suu. Kristo haa níhi tsuo a he suu ngɛ he tsuaa he.

Efesobi 2:21

Lɛ ji nɔ nɛ ha nɛ tsu ɔ he ní slɔɔto ɔmɛ tsuo nu a he kɛ da si kpɛkpɛtɛɛ. Lɛ nɛ e haa tsu ɔ waa, nɛ e ba peeɔ sɔlemi we klɔuklɔu nɛ a hla ngɔ to ha Nyɔmtsɛ ɔ.

Efesobi 4:3

Nyɛɛ bɔ mɔde nɛ nyɛɛ pee kake kɛ hi si. He jɔmi ɔ nɛ haa nyɛ peeɔ kake ɔ, Mawu mumi ɔ lɛ haa.

Efesobi 5:29

(Nɔ ko nyɛ́ lɛ nitsɛ e he lo, se mohu e lɛɛ e nɔmlɔ tso ɔ, nɛ e baa e yi saminya kaa bɔ nɛ Kristo hu hyɛɛ asafo ɔ.

Filipibi 1:27

Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

Kolosebi 1:18

Lɛ ji yi kɛ ha asafo ɔ nɛ ji lɛ nitsɛ e nɔmlɔ tso ɔ. E mi asafo ɔ puɛ kɛ je. Lɛ ji kekleekle nɔ nɛ a tle si kɛ je gbeje, konɛ e ye kekleekle blɔ he ngɛ níhi tsuo a mi.

Kolosebi 2:2

I ngɛ enɛ ɔ pee nɛ ma kɛ wo mɛ bua, konɛ suɔmi nɛ ha a pee kake. Kɛkɛ ɔ, a maa nu ní kpakpahi nɛ a mi kuɔ ɔ tsuo a sisi saminya nɛ nɔ jemi be mi, nɛ a maa le Mawu laami sane ɔ. Mawu laami sane ɔ ji Kristo ɔ nɛ.

1 Tesalonikabi 3:12

Nyɔmtsɛ ɔ nɛ ha nyɛ suɔmi ɔ mi nɛ wa, konɛ nyɛɛ suɔ nyɛ sibi, kɛ nimli adesahi tsuo kaa bɔ nɛ wɔ hu wa suɔ nyɛ ɔ.

1 Tesalonikabi 4:10

nɛ niinɛ ɔ, nyɛ suɔ nyɛmimɛ ɔmɛ tsuo pɛpɛɛpɛ nɛ ngɛ Makedonia a saminya. Se wa kpa nyɛ pɛɛ nyɛmimɛ, nyɛɛ ya nɔ nɛ nyɛɛ pee pe ja po.

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nɛ nyɛɛ na ha nyɛ sibi. Nyɛɛ suɔ nyɛ he kaa nyɛmimɛ. Nyɛɛ na nyɛ sibi mɔbɔ, nɛ nyɛɛ ba nyɛ he si.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.