Kolosebi 2:18 - BAIBLO ALOO NGMAMI KLƆUKLƆU Ɔ

¹⁸ Nyɛ ko ha nɛ nihi nɛ buu a he kaa mɛɛ lɛɛ a hi pe nihi tsuo ɔ nɛ a bu nyɛ kaa nyɛɛ lɛɛ nyɛ be nɔ́ ko mi. A deɔ ke mɛɛ a naa nina pɔtɛɛ komɛ, nɛ a nyɛɔ nyɛ nɔ ke nyɛɛ kɛ he si bami nɛ ja bɔfohi. Kikɛmɛ a nimli nɛ ɔmɛ woɔ a he nɔ yaka gu.

Somi He Ɔ

¹⁸ Nyɛ ko ha nɛ nɔ ko nɛ buu e he kaa e pe nihi kulaa ngɛ ni nami ko he ɔ nɛ bu nyɛ fɔ nɛ e fi nɔ ngɛ lɛ nitsɛ e hlami nya kaa a kɛ he si bami juɛmi nɛ ja hiɔwe bɔfohi; e he lo juɛmi ɔ hãa e woɔ e he nɔ yakatsuaa;

Kolosebi 2:18 ပူးပေါင်းရင်းမြစ်များ

Mose I, 3:13

Yawɛ Mawu bi yo ɔ ke, “Mɛni ha nɛ o pee nɔ́ nɛ ɔ?” Yo ɔ he nɔ ke, “Sinɔ ɔ lɛ mlɔɔ mi; enɛ ɔ he je nɛ i ye ɔ nɛ.”

Hiob 38:2

Mɛnɔ ji mo nɛ o kɛ munyu puu nɛ juɛmi be mi biɔ mi ye nile he sane?

Yesaya 57:9

Nyɛ ngɔɔ nu, kɛ nu kɛ e he via fuu kɛ hiaa blɔ kɛ ya jaa mawu ɔ nɛ a tsɛɛ Molek ɔ. Bɔ nɛ pee nɛ nyɛ na mawu kpahi nɛ nyɛ ja a, nyɛ tsɔɔ nihi kɛ yaa ma se tsitsaa lokoo, kɛ yaa gbeje tete po.

Ezekiel 13:3

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Musu tloo gbali kuasiahi nɛ peeɔ mɛ nitsɛmɛ a suɔmi nya ní, nɛ nɔ́ nɛ a nɛ́ hu a gbaa.

Daniel 11:38

Nɔ́ nɛ e maa pee mohu ji, e maa wo mawu nɛ buu mɔhi a he ɔ hɛ mi nyami. E maa ke mawu ko nɛ e nɛmɛ ja we hyɛ ɔ sika tsu, sika hiɔ, june, kɛ nike ní kpahi nɛ a he jua wa.

Mose IV, 25:18

ejakaa a gu sisimi blɔ nɔ nɛ a kɛ nyɛ wo haomi mi. A ha nɛ nyɛ ya ja Baal nɛ ngɛ Peor ɔ, nɛ nyɛ kɛ tɔtɔ nyɛ nane. Midian wɛtsoyi ɔ biyo Kozbi, nɔ nɛ a gbe benɛ gbenɔ hiɔ ɔ ngɛ ní tsue ɔ, e sane ɔ yeɔ nɔ́ nɛ ɔ he odase.”

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Romabi 1:25

Anɔkuale ɔ nɛ a le ngɛ Mawu he ɔ, a he we yi; lakpa níhi mohu a heɔ yeɔ. Níhi nɛ Mawu bɔ ɔ, lɔ ɔmɛ mohu a jaa, nɛ a sɔmɔɔ. Bɔlɔ ɔ nɛ sa kaa a je e yi kɛ ya neneene ɔ, a ja we lɛ, nɛ a sɔmɔ we lɛ hulɔ. Amen!

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

1 Korintobi 13:4

Suɔmi toɔ e tsui si, nɛ e mi mi hi. Suɔmi hɛ kɔɛ; e fĩɛ, nɛ e pee we pupuupu.

1 Korintobi 3:3

Nyɛ ngɛ he lo nya kɛ mwɔɔ, ejakaa nɔ́ nɛ je mi bi peeɔ ɔ, lɔ ɔ nyɛ hu nyɛ peeɔ. Be abɔ nɛ hunga jemi, kɛ pɛ ngɛ nyɛ kpɛti kɛ mwɔɔ ɔ, anɛ enɛ ɔ tsɔɔ we kaa je mi bi ji nyɛ lo? Nɔ́ nɛ nɔ tsuaa nɔ peeɔ ɔ, anɛ pi lɔ ɔ nɔuu nɛ nyɛ hu nyɛ ngɛ pee ɔ lo?

1 Korintobi 4:18

Nyɛ ti ni komɛ susu kaa i be bae ba slaa nyɛ, nɛ lɔ ɔ he ɔ, a bɔni a he nɔ womi.

1 Korintobi 4:6

Ye nyɛmimɛ, nyɛ he ɔ, i ngɔ imi, kɛ Apolo ngɔ pee nɔ hyɛmi nɔ́ ha nyɛ, konɛ nyɛɛ kase wɔ, nɛ nyɛ ko je nɔ́ nɛ a ngma a se ya pee nɔ́ kpa ko. Nyɛ ti nɔ ko nɔ ko kó wó e he nɔ; nɔ ko kó bu nɔ ko nɔmlɔ ngua pe nɔ ko.

1 Korintobi 8:1

Jehanɛ ma suɔ nɛ ma de nɔ́ ko ngɛ kusumi lo nɛ a kɛ haa amaga he. E ngɛ mi niinɛ kaa “wɔ tsuo wa le ní,” kaa bɔ nɛ a deɔ ɔ. Se nile haa nɔ woɔ e he nɔ, nɛ suɔmi lɛɛ e woɔ nɔ he wami.

1 Korintobi 9:24

Anɛ nyɛ li kaa ke nihi babauu tu fo ɔ, nɔ kake too lɛ naa ayekoo ní ɔ lo? Lɔ ɔ he ɔ, nyɛɛ tu fo ɔ jã nɔuu, konɛ nyɛ hu nyɛ nine nɛ su ayekoo ní ɔ nɔ.

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

2 Korintobi 12:20

I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

Efesobi 4:17

Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Efesobi 5:6

Nyɛ ko ha nɛ nɔ ko nɛ pee nyɛ kuasia; ejakaa nihi nɛ gboɔ tue, nɛ a peeɔ yayamihi kaa kikɛ nɛ ɔ, Mawu kɛ mi mi la gblaa a tue wawɛɛ.

Mose V, 29:29

“Laami ní komɛ ngɛ nɛ Yawɛ, wa Mawu ɔ je we kpo ngɔ tsɔɔ wɔ, se e je e mlaa a kpo ngɔ ha wɔ kɛ wa nina, bɔ nɛ pee nɛ waa ye nɔ kɛ ya neneene.

Filipibi 3:14

Lɔ ɔ he ɔ, i ngɔ hɛ kɛ pi oti ɔ, konɛ ye nine nɛ su jlasi ɔ nɔ. Enɛ ɔ he nɛ Mawu tsɛ wɔ kɛ je hiɔwe tɔɔ kɛ gu Kristo Yesu nɔ.

Kolosebi 2:23

Niinɛ, ni komɛ susuɔ kaa kikɛmɛ a mlaa nɛ ɔmɛ tsɔɔ nile nɛ haa nɔ nitsɛ fiiɔ si ngɛ jami mi. A buá peeɔ a he humi, nɛ a waa nɔmlɔ tso ɔ yi mi kɛ tsɔɔ kaa Mawu lɛ a ngɛ jae. Anɔkuale mi ɔ, mlaa nɛ ɔmɛ nyɛ we nɛ a tsiɔ nɔmlɔ tso ɔ we akɔnɔ nya.

Kolosebi 2:4

I ngɛ nyɛ enɛ ɔ dee, konɛ nɔ ko kɛ nyami ngɔngɔɛ munyu ko kó ba sisi nyɛ.

Kolosebi 2:8

Nyɛɛ hyɛ nɛ hi nɛ nɔ ko kó ngɔ je mi nile, loo yaka sisimi kɛ ye nyɛ nyɔguɛ. Blema tsɔɔmihi, kɛ mumihi nɛ yeɔ je ɔ nɔ ɔ, a ngɔ ní nɛ ɔmɛ je, se pi Kristo ngɔ.

1 Timoteo 1:7

A hlaa kaa a maa pee a he Mawu mlaa tsɔɔli, se mɛ nitsɛmɛ a nya mi munyu, aloo níhi a he munyu nɛ a ngɛ tue kɛ kã a, mɛ nitsɛmɛ a nui sisi.

1 Timoteo 4:1

Mawu mumi ɔ deɔ paa ke, nyagbe ligbi ɔmɛ a mi ɔ, ni komɛ ma kua Kristo, nɔ nɛ a he ye ɔ, nɛ a ma ya nyɛɛ mumi yayamihi mohu a se; a maa bu lakpa munyuhi, kɛ tsɔɔmi yayamihi tue.

2 Petro 2:14

A hɛngmɛ hyɛ we nɔ́ kpa ko kaa ja yihi yaholi pɛ. Pɔ tɔɛ mɛ kɛ yayami peemi. A sisiɔ nihi nɛ gbɔjɔ, nɛ a naa a he blɔ. A kase jiklɔɔ peemi, nɛ a le saminya. Mawu gbiɛ mɛ pɛ!

1 Yohane 2:26

I ngɛ nyɛ womi nɛ ɔ ngmae ngɛ nihi nɛ hlaa kaa a puɛ nyɛ tue ɔ a he.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Kpojemi 13:14

Mawu ngmɛ lohwe awi yelɔ enyɔne ɔ blɔ nɛ e pee nyakpɛ níhi ngɛ kekleekle lohwe ɔ hɛ mi. Kɛ gu nyakpɛ ní nɛ ɔmɛ a nɔ ɔ, e sisiɔ nihi tsuo nɛ ngɛ je ɔ mi ɔ, nɛ e haa a peeɔ yayami. E nyɛ a nɔ nɛ a puɛ amaga nɛ ngɛ kaa lohwe awi yelɔ kake ɔ nɛ a kɛ klaate plaa lɛ wawɛɛ se e gbo we ɔ.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Kpojemi 3:11

I ma nɔuu! Nɔ́ nɛ ngɛ o dɛ ɔ, pɛtɛ he wawɛɛ, konɛ jlasi nɛ o ma na, ke o ye kunimi ɔ, nɔ ko nɛ ko kpɔ ngɛ o dɛ.