Kolosebi 2:13 - BAIBLO ALOO NGMAMI KLƆUKLƆU Ɔ

¹³ Sa a, nyɛ ngɛ kaa ni komɛ nɛ gbo, ejakaa nyɛ peeɔ yayami, nɛ he lo nya a, a pui nyɛ. Se amlɔ nɛ ɔ, Mawu ha nɛ nyɛɛ kɛ Kristo tsuo ba wami mi ekohu; ee, Mawu ngɔ wɔ tsuo wa he yayami ɔmɛ ngɔ pa wɔ.

Somi He Ɔ

¹³ Nɛ nyɛ nɛ nyɛ ji ni gbogboehi ngɛ nyɛ nɔ tɔmi ɔmɛ kɛ nyɛ he lo mɔmlɔtɔ ɔ mi ɔ, e ha nyɛɛ kɛ lɛ tsuo wami, nɛ e kɛ nyɛ nɔ tɔmi ɔmɛ kulaa pa nyɛ;

Kolosebi 2:13 ပူးပေါင်းရင်းမြစ်များ

La 119:50

Benɛ i ngɛ nɔ nae pohu ye bua jɔ, ejakaa o wo mi si ke o ma he ye yi wami.

La 32:1

A gbaa nɔ nɛ a ngɔ e tɔmihi, kɛ e he yayamihi ngɔ pa lɛ.

La 71:20

Mo lɛ o ha nɛ i na amanehlu babauu, mo nɔuu lɛ o ma ha ye yi ma na wami ekohu. O maa kpale mi kɛ je gbeje kɛ ba je mi ekohu.

Yesaya 1:18

Yawɛ ke, “Jehanɛ, nyɛɛ ba nɛ wɔ tsuo wa susu he. Ke nyɛ he yayami ɔ tsu kaa mɛni po, ma ha e ma hiɛ futaa kaa snoo, loo jijɔ he bwɔmi.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Yeremia 31:34

Nɔ ko pa be e nyɛmi, loo e he nɔ ko tsɔɔe hu ke e le Yawɛ, ejakaa nɔ tsuaa nɔ maa le mi, kɛ je jokuɛyo pe kulaa nɔ kɛ yaa si nɔkɔtɔma pe kulaa nɔ. Ma ngɔ a he yayami ɔmɛ kɛ pa mɛ, nɛ a ní yayami ɔmɛ hu i be kaie hu. Imi, Yawɛ lɛ i de.”

Luka 15:24

Ejakaa ye binyumu nɛ ɔ gbo, se e kpale ba wami mi ekohu; e laa, se a na lɛ.’ Nɛ a bɔni nyami.

Luka 15:32

Se e sa kaa wa nya, nɛ wa na bua jɔmi, ejakaa o nyɛmi nɛ ɔ gbo, se e kpale ba wami mi ekohu; e laa, se a na lɛ.’ ”

Luka 9:60

Yesu de lɛ ke, “Ha nɛ ni gbogboehi nɛ a pu mɛ nitsɛmɛ a ni gbogboehi. Se moo lɛɛ yaa nɛ o ya fiɛ Mawu matsɛ yemi ɔ he sane ɔ.”

Yohane 5:21

Kaa bɔ nɛ Tsɛ ɔ tleɔ gbogboe si, nɛ e ngɔɔ wami woɔ mi ɔ, jã nɔuu Bi ɔ hu haa níhi nɛ e suɔ mɛ ɔ wami.

Yohane 6:63

Mawu mumi ɔ nɛ haa nɔ wami ɔ nɛ. Adesa he wami pi nɔ́ ko kulaa. Munyuhi nɛ i kɛ nyɛ tu nɛ ɔ ma ha nyɛ Mawu mumi nɛ haa nɔ wami ɔ.

Romabi 4:17

Ejakaa ngmami ɔ deɔ ke, “Ma pee mo je mahi babauu a tsɛ.” Mawu ɔ nɛ Abraham he ye ɔ, anɔkualetsɛ ji lɛ, nɛ si nɛ e wo ɔ maa ba mi. Lɛ ji Mawu nɛ tleɔ ni gbogboehi si kɛ baa wami mi ekohu; nɔ́ nɛ bɛ je mi hyɛ po, e haa e baa.

Romabi 6:13

Nyɛ ko ngɔ nyɛ nɔmlɔ tso ɔ he ní komɛ kɛ pee yayami hu. Mohu ɔ, nyɛɛ ngɔ nyɛ he ngɔ ha Mawu. Nyɛɛ ba nyɛ je mi kaa nihi nɛ a tle mɛ si kɛ je gbeje kɛ ba wami mi. Nyɛɛ ngɔ nyɛ he ngɔ ha Mawu, konɛ e ngɔ nyɛ kɛ tsu níhi nɛ da.

Romabi 8:11

Ke Mawu nɛ tle Yesu si kɛ je gbeje ɔ mumi ɔ ngɛ nyɛ mi ɔ, lɛɛ mumi ɔ nɛ e kɛ tle Kristo si ɔ ma ha nyɛ nɔmlɔ tso nɛ gboɔ ɔ ma na wami.

1 Korintobi 15:36

Kuasia! Ke o du ní ɔ, ja wu ɔ gbo ngɛ zu mi loko e maa puɛ.

1 Korintobi 15:45

Ngmami ɔ ke, “A bɔ kekleekle Adam ɔ nɔmlɔ hɛngmengmletsɛ,” nɛ nyagbe Adam ɔ ba pee mumi nɛ haa nɔ wami.

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

2 Korintobi 5:19

Nɔ́ nɛ i ngɛ tsɔɔe ji kaa kɛ gu Kristo nɔ ɔ, Mawu ngɔ je ɔ tsuo he yayami kɛ pa mɛ, nɛ e ngɛ e kɛ je ɔ tsuo a kpɛti dlae; nɛ sɛ gbi nɛ e tu ngɔ wo wa dɛ mi ji kaa e suɔ nɛ a dla e kɛ je ɔ tsuo a kpɛti.

Efesobi 2:1

Sa a, nyɛ ngɛ kaa nihi nɛ gbo, ejakaa nyɛ gbo Mawu tue, nɛ nyɛ pee yayami kɛ si lɛ.

Efesobi 2:11

Ma je li, pi Yuda fɔfɔɛ ji nyɛ. Ni nɛmɛ nɛ deɔ ke mɛɛ lɛɛ Mawu nitsɛ e nihi ji mɛ ɔ, bɔ nɛ a tsɛɔ nyɛ ji mɔmlɔtɔtsɛmɛ. A tsɛɔ nyɛ jã, ejakaa a po mɛ; se lɔ ɔ po nɔ́ ko kɛkɛ nɛ adesa pee. Lɔ ɔ he ɔ, nyɛ kai bɔ nɛ nyɛ ngɛ sa be ko ɔ.

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Kolosebi 2:12

Nɛ a sɔle nyɛ ɔ, e tsɔɔ kaa a pu nyɛ ngɔ piɛ Kristo he; nɛ Mawu tle nyɛɛ kɛ Kristo tsuo si ekohu. Ejakaa nyɛ heɔ yeɔ kaa Mawu ngɛ he wami kpetekpleenyɛ, nɛ e tle Kristo si hulɔ.

1 Timoteo 5:6

Se yalɔyo nɛ fiɛɔ e yi nɔ ɔ, e hɛ ngɛ lɛɛ, se e gbo momo.

1 Timoteo 6:13

I ngɛ mo fae ngɛ Mawu, kɛ Kristo Yesu hɛ mi kaa o ye mlaa nɛ ɔmɛ a nɔ veveeve kɛ yaa si ligbi ɔ nɛ wa Nyɔmtsɛ Yesu Kristo maa ba. Mawu lɛ haa nɔ tsuaa nɔ wami, nɛ Kristo Yesu ye Mawu he odase wawɛɛ ngɛ Pontio Pilato hɛ mi. Ke be ɔ su ɔ, Mawu ma ha Kristo Yesu maa ba.

Hebribi 6:1

Lɔ ɔ he ɔ, nyɛ ha wa si sisije níhi nɛ kɔɔ Kristo he ɔ, nɛ waa ya wa hɛ mi kɛ tsɔɔmi nɛ sa nihi nɛ wa ngɛ hemi kɛ yemi ɔ mi. Sisije níhi nɛ wa tsɔɔ nyɛ ɔ, e hia we kaa wa pa hi lɔ ɔmɛ tsɔɔe kpamisa. Wa de nyɛ ke je mi bami yaya nɛ he be se nami ɔ, nyɛɛ ngmɛɛ he, konɛ nyɛ he Mawu nyɛɛ ye.

Hebribi 9:14

Ke enɛ ɔmɛ ngɛ mi niinɛ ɔ, lɛɛ Kristo muɔ nɛ e gu Mumi Klɔuklɔu nɛ ngɛ daa a nɔ nɛ e kɛ pue si ɔ tsu ní kulaa pe jã. Bɔ ɔ nɛ Kristo nɛ sé ko be e he ɔ ngɔ e he kɛ sã, nɛ e gbo ngɛ wa he ɔ ma ha nɛ wa ma je wa hɛ kɛ je kusumihi nɛ a he be se nami ɔ a he, nɛ wa ma sɔmɔ Mawu hɛ kalɔ ɔ.

Yakobo 2:17

Hemi kɛ yemi hu ja nɔuu e ngɛ; ke ní tsumi piɛ we he ɔ, e ji hemi kɛ yemi nɛ gbo.

Yakobo 2:20

Kuasia! O ngɛ hlae nɛ nɔ ko nɛ de mo ke hemi kɛ yemi kɛkɛ nɛ ní tsumi piɛ we he ɔ, e wui yiblii.

Yakobo 2:26

Lɔ ɔ he ɔ, kaa bɔ nɛ ke mumi je nɔmlɔ tso ɔ mi nɛ e plɛɔ nɔ́ gbogboe ɔ, jã hemi kɛ yemi nɛ ní tsumi piɛ we he ɔ peeɔ hemi kɛ yemi gbogboe.

1 Yohane 2:12

Ye bimɛ tsɔwi, i ngɛ nyɛ womi nɛ ɔ ngmae, ejakaa Kristo he ɔ, a ngɔ nyɛ he yayami ɔmɛ ngɔ pa nyɛ.