Kolosebi 1:7 - BAIBLO ALOO NGMAMI KLƆUKLƆU Ɔ

⁷ Nyɛ kase Mawu dloomi sane nɛ ɔ kɛ je wa suɔlɔ Epafra nɛ waa kɛ lɛ ngɛ ní tsumi kake tsue ɔ nya. Lɛ hu Kristo sɔmɔlɔ anɔkualetsɛ ji lɛ; nɛ e ngɛ ní tsue ha wɔ.

Somi He Ɔ

⁷ kaa bɔ nɛ nyɛ kase hulɔ ngɛ Epafra, nɔ nɛ ji wa huɛ sɔmɔlɔ nɛ wa suɔ, nɛ ji Kristo anɔkuale sɔmɔlɔ ha nyɛ ɔ nya a,

Kolosebi 1:7 ပူးပေါင်းရင်းမြစ်များ

Mose IV, 12:7

Ye tsɔlɔ Mose lɛɛ e slo lɛ! Lɛɛ i ngɔ lɛ ngɔ to ye ma Israel tsuo nya.

Mateo 18:29

E nyɛmi tsɔlɔ ɔ kpla si ngɛ e hɛ mi, nɛ e de ke, ‘I kpa mo pɛɛ, na tsui ha mi nɛ ma wo mo hiɔ ɔ tsuo!’

Mateo 24:45

“Lɛɛ mɛnɔ ji tsɔlɔ anɔkualetsɛ, kɛ ní lelɔ mɔ? Lɛ ji nɔ nɛ e nyɔmtsɛ ɔ ngɔ lɛ ngɔ to tsɔli kpa amɛ a nya, konɛ e ha mɛ a nya mi ngma ngɛ be nɛ sa mi.

Mateo 25:21

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’

1 Korintobi 4:17

I ngɛ Timoteo nyɛ ngɔ tsɔe ngɛ enɛ ɔ he. E ngɛ kaa imi nitsɛ ye bi fɔfɔɛ; e yeɔ mi anɔkuale, nɛ i suɔ lɛ, ejakaa e le Kristo. Ke Timoteo ba a, e ma kai nyɛ bɔ nɛ i plɛ kɛ ngɛ Yesu Kristo se nyɛɛe ha, kaa bɔ nɛ a naa ngɛ ye ní tsɔɔmi mi ngɛ asafo ɔmɛ a mi he tsuaa he ɔ.

1 Korintobi 4:2

Nɔ́ nɛ a ngɛ hlae ngɛ tsɔli kaa kikɛ nɛ ɔ a dɛ ji kaa a ye anɔkuale ha a nyɔmtsɛ ɔ.

1 Korintobi 7:25

Jehanɛ, nɔ́ nɛ nyɛ ngma ngɛ yihewi nɛ gba we lolo a he ɔ, Nyɔmtsɛ ɔ ha we mi mlaa pɔtɛɛ ko. Se kɛ̃ ɔ, juɛmi nɛ i kɛ ngɛ nyɛ ga nɛ ɔ woe ɔ, Nyɔmtsɛ ɔ nitsɛ lɛ dloo mi; lɔ ɔ he ɔ, e hia kaa nɔ́ nɛ ma de nyɛ ɔ, nyɛɛ ngɔ.

2 Korintobi 11:23

Kristo sɔmɔli ji mɛ lo? I ngɛ munyu tue kaa nɔ nɛ yi mi puɛ; tsia, i pe mɛ tsuo! I tsu ní wawɛɛ pe mɛ; a wo mi tsu si abɔ pe mɛ; a fia mi kpa si abɔ pe mɛ, nɛ jehanɛ hu, i ya gbenɔ muɔ nya ba si abɔ pe mɛ.

Efesobi 5:21

Nyɛɛ ba nyɛ he si ha nyɛ sibi kɛ tsɔɔ kaa nyɛ yeɔ Kristo gbeye.

Filipibi 2:25

Wa nyɛmi Epafrodito nɛ nyɛ tsɔ lɛ ye ngɔ ɔ, e kɛ mi ba tsu ní saminya kaa ta bulɔ kpakpa. E sɔmɔ mi bɔ nɛ sa, nɛ amlɔ nɛ ɔ, ye juɛmi nya a, e hia kaa ma wo lɛ blɔ kɛ ba nyɛ ngɔ.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

Kolosebi 4:7

Wa nyɛmi Tihiko nɛ wa suɔ lɛ saminya, nɛ e yeɔ anɔkuale ngɛ sɔmɔmi ní tsumi nɛ waa kɛ lɛ ngɛ tsue ha Nyɔmtsɛ ɔ mi ɔ ma ba bɔ nyɛ níhi tsuo nɛ kɔɔ ye he.

Kolosebi 4:9

Onesimo piɛ e he kɛ ma. Lɛ hu wa nyɛmi nɛ wa suɔ saminya, nɛ yeɔ Kristo anɔkuale ji lɛ; nɛ e je nyɛ asafo ɔ mi. A ma ba bɔ nyɛ hiɛmɛ nɛ ɔ amaniɛ tsuo.

1 Timoteo 4:6

Mawu munyu ɔ kasemi, kɛ Kristo hemi kɛ yemi nɛ mo nitsɛ o hɛɛ mi kpɛii ɔ ma ha mo mumi mi he wami. Ke o tsɔɔ nyɛmimɛ ɔmɛ ní nɛ ɔmɛ nɛ mɛ hu a le ɔ, lɛɛ Kristo Yesu tsɔlɔ kpakpa ji mo.

2 Timoteo 2:2

Níhi nɛ o nu nɛ i ngɛ fiɛe ngɛ nihi babauu a hɛ mi ɔ, tsɔɔ nihi nɛ yeɔ anɔkuale ɔ lɔ ɔmɛ nɔuu, konɛ mɛ hu a tsɔɔ ni kpahi.

Filemon 1:23

Epafra, nɛ lɛ hu Kristo Yesu he ɔ, a wo i kɛ lɛ tsu ɔ ke e biɔ mo.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Hebribi 3:2

E ye Mawu nɛ hla lɛ ke e tsu ní nɛ ɔ anɔkuale kaa bɔ nɛ Mose hu ye anɔkuale ngɛ Mawu we ɔ.