Kolosebi 1:5 - BAIBLO ALOO NGMAMI KLƆUKLƆU Ɔ

⁵ Nyɛ nu momo kaa hɛ kɛ nɔ fɔmi ko ngɛ ha nyɛ, benɛ anɔkuale sɛ gbi nɛ ji sane kpakpa a ba su nyɛ ɔ. Lɔ ɔ he ɔ, nyɛ hemi kɛ yemi, kɛ nyɛ suɔmi nɛ ɔ daa si ngɛ nɔ́ nɛ nyɛ ngɔ nyɛ hɛ ngɔ fɔ nɔ kaa a kɛ to ha nyɛ ngɛ hiɔwe ɔ nɔ.

Somi He Ɔ

⁵ ngɛ hɛ kɛ nɔ fɔmi nɛ a ngɔ to ha nyɛ ngɛ hiɔwe ɔ he. Nyɛ nu momo ngɛ sane kpakpa a anɔkuale munyu ɔ mi,

Kolosebi 1:5 ပူးပေါင်းရင်းမြစ်များ

La 31:19

Nihi nɛ yeɔ mo gbeye ɔ, hyɛ ní kpakpahi babauu nɛ o dla kɛ to ha mɛ! Ni nɛmɛ nɛ ba saa we ngɛ o ngɔ ɔ, hyɛ ni nguanguahi babauu nɛ o pee ha mɛ. O peeɔ ní nɛ ɔmɛ tsuo ngɛ ma hɛ mi paa.

Luka 12:33

Nyɛɛ jua níhi nɛ nyɛ ngɛ ɔ tsuo, nɛ nyɛɛ ngɔ sika a kɛ ha ohiatsɛmɛ. Nyɛ hla sika kpɛɛhi nɛ be momo pee, nɛ nyɛɛ to nyɛ juetli ngɛ hiɔwe he nɛ e be tae ngɛ. Ejakaa julɔ ko julɔ ko be he sue, nɛ wɔyewɔye hu be nyɛe ma kpata hɛ mi.

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Ni Tsumi 13:26

“Ye nyɛmimɛ Abraham nina Israel bi, kɛ nyɛ ma je li nɛ nyɛ jaa Mawu, nɛ nyɛ ba bua nyɛ he nya ngɛ hiɛ ɔ, wɔ a kɛ kikɛmɛ a yi wami hemi munyu nɛ ɔ ba ha.

Ni Tsumi 23:6

Benɛ Paulo kpa si kaa kpe ngua mi bi ɔmɛ fa kake ji Saduki bi, nɛ fa hu pee ɔ Farisi bi ɔ, e wo e gbi nɔ wawɛɛ, nɛ e de ke, “Ye nyɛmimɛ Israel bi, Farisi no ji mi, nɛ ye fɔli hu Farisi bi ji mɛ. A ngɛ mi kojoe ngɛ hiɛ ɔ, ejakaa i heɔ yeɔ kaa hwɔɔ se ɔ, ni gbogboehi maa te si kɛ ba wami mi ekohu.”

Ni Tsumi 24:15

I heɔ Mawu yeɔ kaa adesahi tsuo maa te si kɛ je gbeje hwɔɔ se, ni kpakpahi jio, yayami peeli jio; nimli nɛ ɔmɛ heɔ enɛ ɔ yeɔ ja nɔuu.

Romabi 10:8

Se kɛ e deɔ kɛɛ? “Munyu nɛ Mawu tu ɔ ngɛ o ngɔ hiɛmɛ nɛ ɔ; o le, nɛ e ngɛ o tsui mi.” Jamɛ a hemi kɛ yemi ɔ wa ngɛ fiɛe ɔ nɛ.

1 Korintobi 13:13

Amlɔ nɛ ɔ, ní etɛ nɛ ɔmɛ nɛ ngɛ: hemi kɛ yemi, hɛ kɛ nɔ fɔmi, kɛ suɔmi. Se nɔ́ nɛ pe mɛ tsuo ji suɔmi.

1 Korintobi 15:19

Ke wami nɛ ɔ mi kɛkɛ he nɛ wa ngɔ wa hɛ ngɔ fɔ Kristo nɔ ngɛ ɔ, lɛɛ wa ní ngɛ mɔbɔ pe nihi tsuo.

2 Korintobi 5:19

Nɔ́ nɛ i ngɛ tsɔɔe ji kaa kɛ gu Kristo nɔ ɔ, Mawu ngɔ je ɔ tsuo he yayami kɛ pa mɛ, nɛ e ngɛ e kɛ je ɔ tsuo a kpɛti dlae; nɛ sɛ gbi nɛ e tu ngɔ wo wa dɛ mi ji kaa e suɔ nɛ a dla e kɛ je ɔ tsuo a kpɛti.

2 Korintobi 6:7

anɔkuale munyu tumi, kɛ Mawu he wami nɛ ngɛ ní tsue ngɛ wa mi ɔ tsɔɔ kaa Mawu tsɔli ji wɔ. Wa peeɔ nɔ́ nɛ da, nɛ lɔ ɔ ji wa ta hwumi ní nɛ waa hɛɛ hiɔ kɛ muɔ nɛ wa kɛ faa wa he.

Galatabi 2:14

Benɛ i na kaa a nyɛɛ we ngɛ sane kpakpa a nya anɔkuale mi ɔ, i ka Petro hɛ mi ngɛ ni ɔmɛ tsuo a hɛ mi. I de lɛ ke, “Mo Yuda no ɔ, o peeɔ o ní kaa ma je no, se pi Yuda no! Kɛ peeɔ kɛɛ nɛ o nyɛɔ ma je li ɔmɛ a nɔ nɛ a pee a ní kaa Yuda bi ɔ?”

Galatabi 2:5

Akɛnɛ wa suɔ kaa nyɛ nine nɛ su anɔkuale ɔ tsuo nɛ ngɛ sane kpakpa a mi ɔ nɔ sisiisi he je ɔ, wa ngɔɛ a munyu ɔ.

Galatabi 5:5

Wɔɔ lɛɛ wa hemi kɛ yemi ji Mawu ma dla waa kɛ lɛ wa kpɛti. Mawu mumi ɔ nɛ tsuɔ ní ngɛ wa mi ɔ lɛ ha wa ngɛ nɔ́ nɛ ɔ blɔ hyɛe ɔ nɛ.

Efesobi 1:13

Nyɛ hu, benɛ nyɛ nu anɔkuale sɛ gbi ɔ nɛ ji sane kpakpa a nɛ ma ha nɛ a he nyɛ yi wami ɔ, nyɛ he Kristo ye, nɛ Mawu ha nɛ Mumi Klɔuklɔu ɔ nɛ e wo he si ɔ ba nyɛ nɔ. Mawu pee enɛ ɔ, nɛ e kɛ kadi nyɛ kaa e nihi ji nyɛ niinɛ.

Efesobi 4:21

Niinɛ, nyɛ nu Kristo he, nɛ nyɛ ba pee e se nyɛɛli; nɛ anɔkuale ɔ nɛ kɔɔ e he ɔ, a tsɔɔ nyɛ.

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.

2 Tesalonikabi 2:16

Wa Nyɔmtsɛ Yesu Kristo nitsɛ, kɛ wa Tsɛ Mawu, nɔ nɛ suɔ wɔ kikɛ nɛ ɔ, nɛ e gu e dloomi ɔ nɔ, nɛ e wo wɔ he wami, nɛ e ha wɔ hɛ kɛ nɔ fɔmi nɛ nya wa a,

1 Timoteo 1:15

Kristo Yesu ba je ɔ mi, konɛ e ba he yayami peeli a yi wami. Anɔkuale munyu nitsɛnitsɛ nɛ sa kaa nɔ tsuaa nɔ nɛ he ye ji nɛ ɔ nɛ. Imi nitsɛ ɔ, yayami peelɔ kpanaku ji mi pe nihi tsuo.

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

Tito 1:2

Wa ngɛ hɛ kɛ nɔ fɔmi kaa enɛ ɔ ma ha wɔ neneene wami. Mawu nɛ yi lakpa a wo si kaa e ma ha wɔ kikɛmɛ a neneene wami nɛ ɔ be nɛ a na we nɛ a bɔ nɔ́ ko nɔ́ ko.

Hebribi 7:19

Ejakaa Mose mlaa a nyɛ we nɛ e pee nɔ́ ko nɛ hi kɛ pi si. Se nɔ́ nɛ wa ngɔ wa hɛ kɛ fɔ nɔ jehanɛ ɔ hi saminya; nɛ wa nyɛɔ wa hɛɛ kɛ suu Mawu he.

1 Petro 2:2

Nyɛɛ pee nyɛ ní kaa bimwɔwi, nihi nɛ a fɔ mɛ ehe. Nyɛ ha nɛ mumi mi nyɔ nyu nɛ mi tsɔ ɔ nɛ jlo nyɛ. Nyɛ hla nɛ nyɛɛ nu, nɛ nyɛɛ wa, konɛ a he nyɛ yi wami.

1 Petro 3:15

Se nyɛ ja Kristo ngɛ nyɛ tsui mi, nɛ bu nɛ sa lɛ kaa Nyɔmtsɛ ɔ, nyɛ ha lɛ. Be tsuaa be ɔ, nyɛ dla nyɛ he ngɔ to, konɛ ke nɔ ko bi nyɛ ke nyɛɛ tsɔɔ nɔ́ pɔtɛɛ nɛ nyɛ heɔ yeɔ kaa nyɛ nine maa su nɔ hwɔɔ se ɔ, nyɛ nyɛ nɛ nyɛ ha lɛ heto.

2 Petro 1:12

E ngɛ mi kaa nyɛ le kikɛmɛ a ní nɛ ɔmɛ momo, nɛ anɔkuale ɔ hu nyɛ pɛtɛ he lɛɛ, se kɛ̃ i to kaa ma ya nɔ ma hi nyɛ kaie ngɛ ní nɛ ɔmɛ a he.

1 Yohane 3:3

Nɔ tsuaa nɔ nɛ ngɛ hɛ kɛ nɔ fɔmi kaa kikɛ nɛ ɔ ngɛ Kristo mi ɔ, peeɔ e he klɔuklɔu kaa bɔ nɛ Kristo hu ngɛ klɔuklɔu ɔ.