Kolosebi 1:23 - BAIBLO ALOO NGMAMI KLƆUKLƆU Ɔ

²³ Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Somi He Ɔ

²³ Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

Kolosebi 1:23 ပူးပေါင်းရင်းမြစ်များ

La 125:5

Nihi nɛ a blɔ ɔmɛ dɛ ɔ, Yawɛ maa gbla a kɛ yayami peeli tsuo a tue. He jɔmi nɛ hi Israel.

Kɔmɔ Yemi 3:66

Yawɛ lee, o kɛ mi mi la nɛ nyɛɛ a se gidigidi, nɛ o kpata a hɛ mi pɛsɛpɛsɛ ngɛ je ɔ mi!”

Ezekiel 18:26

Ke nɔ nɛ peeɔ nɔ́ nɛ da kpa nɔ́ nɛ da peemi, nɛ e ya pee yayami, nɛ e gbo ɔ, e gbo ngɛ e he yayami ɔ mi.

Zefania 1:6

Jehanɛ, ma kpata nimli nɛ ɔmɛ hu a hɛ mi: ni nɛmɛ nɛ kpale kɛ je ye se, nɛ a nyɛɛ we ye se hu; ni nɛmɛ nɛ bɛ ye ngɔ, loo a ba bi we mi ga womi.”

Marko 16:15

Kɛkɛ nɛ e de mɛ ke, “Nyɛɛ ya je ɔ mi tsuo nɛ nyɛ ya fiɛ sane kpakpa a ngɔ tsɔɔ nimli adesahi tsuo.

Luka 22:32

Se imi lɛɛ i sɔle ha mo Simon, nɛ o hemi kɛ yemi kó ta, konɛ ke o kpale o se kɛ ba ye ngɔ ekohu ɔ, mo hu o wo o nyɛmimɛ ɔmɛ he wami.”

Luka 6:48

E ngɛ kaa nyumu ko nɛ benɛ e maa ma tsu ɔ, e tsua si voo, nɛ e to sisi ngɛ tɛ sa nɔ. Pa hia ba na tsu ɔ, se e nyɛ we nɛ e hule lɛ; ejakaa a to sisi ngɛ tɛ sa nɔ.

Yohane 15:6

Nɔ tsuaa nɔ nɛ mɛtɛ we ye he ɔ, a sakee lɛ fɔɔ he kaa tso kɔni, nɛ e gbliɔ. Jamɛ a kɔni ɔmɛ ɔ, a buaa nya kɛ woɔ la mi nɛ a sãã.

Ni Tsumi 1:17

Yuda a, jinɛ e piɛ wa he; a hla lɛ, nɛ a ha lɛ blɔ nya, konɛ waa kɛ lɛ tsuo nɛ tsu sɔmɔmi ní tsumi nɛ ɔ.”

Ni Tsumi 1:25

konɛ e sɔmɔ kaa bɔfo ngɛ Yuda nane mi. Yuda je wa he kɛ ho he nɛ sa kaa e hi ɔ ya.”

Ni Tsumi 1:8

se ke Mumi Klɔuklɔu ɔ na ba nyɛ nɔ ɔ, nyɛ ma na he wami kɛ fiɛ, nɛ nyɛ maa ye odase ha mi ngɛ Yerusalem, Yudea, kɛ Samaria tsuo kɛ yaa su je ɔ nyagbe he tɔɔ.”

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

Ni Tsumi 2:5

Yuda bi komɛ nɛ yee Mawu gbeye ngɛ Yerusalem jamɛ a be ɔ mi. A je je ma amɛ tsuo a mi.

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Ni Tsumi 26:16

Se, tee si ngɛ zugba, nɛ o da si. I je ye he kpo kɛ tsɔɔ mo, konɛ ma tsɔ mo, nɛ o ya ye ye he odase. Bɔ nɛ i je ye he kpo kɛ tsɔɔ mo mwɔnɛ ɔ, kɛ bɔ nɛ ma tsɔɔ mo hwɔɔ se ɔ, o ma ya fiɛ kɛ ha nihi tsuo.

Ni Tsumi 4:12

Lɛ nɔ kake too pɛ lɛ ma nyɛ ma he nimli a yi wami. E se ɔ, nɔ ko nɔ ko be je ɔ mi nɛ Mawu ha lɛ kikɛmɛ a he wami nɛ ma nyɛ he wa yi wami.”

Romabi 10:18

Se i ngɛ bie ke, Anɛ a nui sɛ gbi ɔ lo? Anɔkuale, a nu, ejakaa ngmami ɔ deɔ ke, “A gbi jije kɛ ho zugba a tsuo nɔ ya; Nɛ a sɛ gbi ɔ ya su je ɔ nyagbe he ɔmɛ.”

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

Romabi 5:5

Hɛ kɛ nɔ fɔmi nɛ ɔ ha we nɛ zo gbeɔ wɔ, ejakaa kɛ gu Mumi klɔuklɔu ɔ nɛ Mawu ha wɔ ɔ nɔ ɔ, Mawu ha wa tsui hyi tɔ kɛ e suɔmi ɔ.

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

1 Korintobi 3:5

Mɛnɔ ji Apolo ɔ? Imi Paulo hu, mɛnɔ ji mi? Mawu tsɔli kɛkɛ ji wɔ, nɛ wa nɔ lɛ nyɛ gu kɛ he Kristo ye. Nyɔmtsɛ ɔ ha wa ti nɔ tsuaa nɔ ní tsumi pɔtɛɛ nɛ wa tsu.

2 Korintobi 10:1

Imi Paulo nitsɛ, i ngɛ nyɛ pɛɛ kpae! Ni komɛ deɔ ke ke i ba nyɛ ngɔ ɔ, i peeɔ kpoo, se ke i be nyɛ kasa nya kɛkɛ i hia kã. I suɔ nɛ ma pee kpoo, nɛ ye mi mi nɛ jɔ kaa Kristo.

2 Korintobi 11:23

Kristo sɔmɔli ji mɛ lo? I ngɛ munyu tue kaa nɔ nɛ yi mi puɛ; tsia, i pe mɛ tsuo! I tsu ní wawɛɛ pe mɛ; a wo mi tsu si abɔ pe mɛ; a fia mi kpa si abɔ pe mɛ, nɛ jehanɛ hu, i ya gbenɔ muɔ nya ba si abɔ pe mɛ.

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

2 Korintobi 4:1

Akɛnɛ Mawu naa mɔbɔ he je ɔ, e ha wɔ ní tsumi nɛ ɔ ke wa tsu. Lɔ ɔ he ɔ, wa kɔni mi jɔ̃ we.

2 Korintobi 6:1

Akɛnɛ waa kɛ Mawu ngɛ ní tsue ɔ, wa kpa nyɛ pɛɛ, dloomi nɛ nyɛ na kɛ je Mawu dɛ mi ɔ, nyɛ ko ha nɛ e pee yaka.

Galatabi 4:11

E peeɔ mi kaa dengme tsuo nɛ i gbo ngɛ nyɛ he ɔ miɔ nɛ e pee yaka.

Galatabi 5:5

Wɔɔ lɛɛ wa hemi kɛ yemi ji Mawu ma dla waa kɛ lɛ wa kpɛti. Mawu mumi ɔ nɛ tsuɔ ní ngɛ wa mi ɔ lɛ ha wa ngɛ nɔ́ nɛ ɔ blɔ hyɛe ɔ nɛ.

Galatabi 5:7

Jinɛ nyɛ ngɛ nyɛ he mɔde bɔe saminya. Se mɛnɔ po lɛ ba puɛ nyɛ tue nɛ nyɛ he we anɔkuale ɔ yi hu ɔ?

Galatabi 6:9

Lɔ ɔ he ɔ, wa ko ha nɛ kpakpa peemi nɛ gbe wa nya; ejakaa ke wa kɔni mi wui nyu ɔ, ní kpami be ɔ, wa ma na he se.

Efesobi 1:18

I kpaa Mawu pɛɛ nɛ e bli nyɛ mumi mi hɛngmɛ. Kɛkɛ ɔ, níhi nɛ Mawu wo si kaa e ma ha nyɛ benɛ e tsɛ nyɛ, nɛ nyɛ ngɔ nyɛ hɛ ngɔ fɔ nɔ ɔ, nyɛ maa na. Nyɛ maa le hu kaa níhi nɛ Mawu wo si kaa e ma ha e ni klɔuklɔu ɔmɛ ɔ, a hɛ mi ngɛ nyami babauu.

Efesobi 2:21

Lɛ ji nɔ nɛ ha nɛ tsu ɔ he ní slɔɔto ɔmɛ tsuo nu a he kɛ da si kpɛkpɛtɛɛ. Lɛ nɛ e haa tsu ɔ waa, nɛ e ba peeɔ sɔlemi we klɔuklɔu nɛ a hla ngɔ to ha Nyɔmtsɛ ɔ.

Efesobi 3:17

I kpaa pɛɛ nɛ nyɛ he ye, nɛ Kristo nɛ hi nyɛ tsui mi, konɛ nɔ́ tsuaa nɔ́ nɛ nyɛ ngɛ pee ɔ, nyɛɛ pee kɛ suɔmi nɛ mi wa.

Efesobi 4:16

E ngɛ nɔmlɔ tso ɔ he ní ɔmɛ tsuo a nɔ he wami, nɛ e haa nɛ kpɔ nya kpɔ nya amɛ tsuo tsaa a sibi a nya. Nɛ ke he ní ɔmɛ tsuo tsu a blɔ nya ní tsumi pɛpɛɛpɛ bɔ nɛ sa a, nɔmlɔ tso ɔ tsuo waa, nɛ e yiɔ tɔ kɛ suɔmi ní tsumi.

Mose V, 2:25

Kɛ je mwɔnɛ nɛ ɔ kɛ yaa a, ma ha nihi nɛ ngɛ je ɔ mi tsuo maa ye nyɛ gbeye. Ke a wo nyɛ ta a, sawale maa nu nɔ tsuaa nɔ.’

Mose V, 4:19

Nyɛ ko ha níhi nɛ nyɛ ngɛ hyɛe ngɛ hiɔwe ɔ, pu, nyɔhiɔ, kɛ dodoehi babauu nɛ ha si ngɛ hiɔwe nɛ ɔ nɛ gbla nyɛ juɛmi kɛ ya ja mɛ, nɛ nyɛ sɔmɔ mɛ. Ejakaa Yawɛ, nyɛ Mawu ɔ ngɔ mɛ ngɔ ha ma amɛ tsuo nɛ ngɛ je ɔ mi ɔ.

Kolosebi 1:25

Mawu je mi nɛ e tsɔ mi nɛ ma ba sɔmɔ ngɛ asafo ɔ mi ngɛ nyɛ he, nɛ ma fiɛ Mawu munyu ɔ saminya kɛ tsɔɔ nyɛ.

Kolosebi 2:7

Nyɛɛ ngɔ nyɛ he ngɔ mɛtɛ lɛ, nɛ nyɛɛ ngɔ nyɛ he kɛ ha lɛ kulaa. Nyɛ ha nɛ nyɛ hemi kɛ yemi ɔ mi nɛ wa kaa bɔ nɛ a tsɔɔ nyɛ ɔ, nɛ nyɛɛ na Mawu si daa.

1 Tesalonikabi 3:3

bɔ nɛ pee nɛ amanehlu nɛ ngɛ bae ɔ ko wo nyɛ ti nɔ ko he gbeye. Nyɛ nitsɛmɛ nyɛ le kaa nɔ́ nɛ Mawu to kɛ ha wɔ ji lɔ ɔ nɛ.

1 Tesalonikabi 3:5

Kaa bɔ nɛ i de ɔ, benɛ i nyɛ we tsui tomi hu ɔ, e hia kaa ma tsɔ Timoteo nyɛ ngɔ, nɛ́ e ba hyɛ kaa nyɛ hemi kɛ yemi ɔ mi wa kɛ mwɔɔ lo. I ya ye gbeye kaa alini Abosiami ba ka nyɛ, nɛ e ha nɛ wa dengme nɛ wa gbo ɔ maa pee yaka.

1 Tesalonikabi 5:8

Se wɔɔ lɛɛ piani bimɛ ji wɔ, nɛ e hia kaa wa hɛ mi nɛ ka si. Wa hemi kɛ yemi, kɛ suɔmi ɔ mi nɛ wa kaa dama, nɛ hɛ kɛ nɔ fɔmi kaa a ma he wa yi wami ɔ, lɔ ɔ hu mi nɛ wa kaa dade pɛɛ.

2 Tesalonikabi 2:16

Wa Nyɔmtsɛ Yesu Kristo nitsɛ, kɛ wa Tsɛ Mawu, nɔ nɛ suɔ wɔ kikɛ nɛ ɔ, nɛ e gu e dloomi ɔ nɔ, nɛ e wo wɔ he wami, nɛ e ha wɔ hɛ kɛ nɔ fɔmi nɛ nya wa a,

1 Timoteo 1:12

I naa wa Nyɔmtsɛ Kristo Yesu si kaa e ha mi he wami nɛ ma kɛ tsu ní. I naa lɛ si kaa e sa e hɛ mi kaa e hla mi nɛ ma ba sɔmɔ lɛ.

1 Timoteo 2:7

Enɛ ɔ he hu nɛ Mawu tsɔ mi kaa bɔfo, konɛ ma fiɛ sane kpakpa a ha ma je li ɔmɛ, nɛ ma tsɔɔ mɛ bɔ nɛ a he Kristo nɛ a ye anɔkuale mi. Nɔ́ nɛ i ngɛ dee nɛ ɔ, anɔkuale sisiisi; i yi lakpa.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Tito 3:7

E pee enɛ ɔ, konɛ wɔ nɛ a wo wɔ nguɔ kɛ gu Yesu Kristo dloomi ɔ nɔ ɔ, neneene wami ɔ nɛ wa ngɔ wa hɛ ngɔ fɔ nɔ ɔ, wa nine nɛ su nɔ.

Hebribi 10:38

Ye ma a, nihi nɛ peeɔ nɔ́ nɛ da, nɛ a heɔ mi yeɔ ɔ, mɛɛ a yi ma na wami. Se nɔ nɛ kpaleɔ e se ɔ, i be e he bua jɔmi nae.”

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

Hebribi 3:6

Se Kristo lɛɛ e ye anɔkuale ngɛ Mawu we ɔ kaa Mawu bi. Ke waa kɛ kã kɛ gɛjɛmi hɛɛ hɛ kɛ nɔ fɔmi ɔ mi kpɛii ɔ, wa peeɔ Mawu we bi.

Hebribi 4:14

Nyɛ ha nɛ waa hɛɛ hemi kɛ yemi nɛ wa jajeɔ ɔ mi wawɛɛ. Ejakaa wa ngɛ osɔfo nɔkɔtɔma pe kulaa kpetekpleenyɛ nɛ po mi kɛ ho hiɔwe ya tɔɔ. Lɛ ji Yesu, Mawu Bi ɔ.

Hebribi 6:19

Nɔ́ nɛ wa ngɔ wa hɛ kɛ fɔ nɔ nɛ ɔ ngɛ kaa osɛkɛ nɛ nu wɔ kɛ da si kpɛii, nɛ e kɛ wɔ ya su sɔlemi tsu ɔ mi pomi bo ɔ se tɔɔ.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

1 Yohane 2:27

Se nyɛɛ lɛɛ Kristo ha e mumi ɔ ba nyɛ nɔ. Be abɔ nɛ e mumi ɔ ngɛ nyɛ nɔ ɔ, e hia we nɛ nɔ ko nɛ ba tsɔɔ nyɛ ní. Ejakaa mumi ɔ ngɛ nyɛ nɔ́ tsuaa nɔ́ tsɔɔe; nɛ anɔkuale ɔ mumi ɔ ngɛ nyɛ tsɔɔe ɔ nɛ, pi lakpa. Lɔ ɔ he ɔ, nyɛɛ bu nɔ́ nɛ mumi ɔ ngɛ tsɔɔe ɔ tue, konɛ nyɛɛ ya nɔ nɛ nyɛɛ hi Kristo mi.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.