Kolosebi 1:19 - BAIBLO ALOO NGMAMI KLƆUKLƆU Ɔ

¹⁹ Ejakaa Mawu nitsɛ lɛ suɔ kaa lɛ Mawu ɔ su pɛpɛɛpɛ nɛ hi Bi ɔ mi.

Somi He Ɔ

¹⁹ Ejakaa e sa Mawu hɛ mi kaa fuu hyimi kulaa nɛ hi e mi;

Kolosebi 1:19 ပူးပေါင်းရင်းမြစ်များ

Luka 10:21

Jamɛ a be ɔ, Mumi Klɔuklɔu ɔ ha Yesu na bua jɔmi, nɛ e de ke, “Tsaatsɛ, hiɔwe kɛ zugba Nyɔmtsɛ, i naa mo si kaa níhi nɛ o ngɔ kɛ laa ní leli ɔ, o je tsɔɔ ni guhi. Ee, Tsaatsɛ, nɔ́ nɛ sa o hɛ mi ɔ, lɔ ɔ o pee ɔ nɛ.

Yohane 1:16

E mi mi hi kɛ be nɔ, lɔ ɔ he ɔ, e ha wa ti nɔ tsuaa nɔ dloomi nɔtonɔto.

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

1 Korintobi 1:21

Mawu ngɔ e nile ɔ kɛ tsi adesa blɔ, konɛ adesa kó nyɛ nɛ e gu lɛɛ e ní lemi nɔ kɛ le Mawu. Se mohu ɔ, sɛ gbi ɔ nɛ wa ngɛ fiɛe nɛ nihi buu kaa kuasiahi a sane ɔ, Mawu to kaa e kɛ ma he ni nɛmɛ nɛ heɔ yeɔ ɔ a yi wami.

Efesobi 1:23

Asafo ɔ ji Kristo nɔmlɔ tso nɛ haa níhi tsuo a he suu. Kristo haa níhi tsuo a he suu ngɛ he tsuaa he.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Efesobi 1:5

e pee e yi mi momo kaa kɛ gu Yesu Kristo nɔ ɔ, e maa ngɔ wɔ kɛ pee e bimɛ. Nɔ́ nɛ e suɔ, nɛ e to nɛ e maa pee ji nɛ ɔ nɛ.

Efesobi 4:10

Lɔ ɔ he ɔ, nɔ nɛ ba zugba a nɔ ɔ, lɛ nɔuu nɛ e kuɔ kɛ ho hiɔwe ya, konɛ a na lɛ ngɛ he tsuaa he.

Kolosebi 2:3

Nile, kɛ juɛmi nɛ mi kuɔ ɔ, Kristo mi a naa ngɛ.

Kolosebi 2:9

Ejakaa bɔ nɛ Mawu su ngɛ tutuutu ɔ, lɔ ɔ wa naa ngɛ Kristo mi benɛ e ba ngɛ he lo mi ɔ nɛ.

Kolosebi 3:11

Ngɛ enɛ ɔ mi ɔ, slɔɔto ko be Hela no kɛ Yuda no a kpɛti; slɔɔto be nɔ nɛ a po lɛ, kɛ mɔmlɔtɔtsɛ a kpɛti. Kɔpe no be ɔ, futufutu no be; nyɔguɛ be ɔ, odehe ko hu be. Nɔ nɛ he hia ji Kristo; nɛ nɔ́ tsuaa nɔ́ nɛ hɛ ngɛ ɔ, Kristo ngɛ e mi.