Kolosebi 1:17 - BAIBLO ALOO NGMAMI KLƆUKLƆU Ɔ

¹⁷ Kristo ngɛ loko a bɔ níhi tsuo, nɛ lɛ nɛ ha nɛ níhi tsuo ngɛ a hanɔ pɛpɛɛpɛ.

Somi He Ɔ

¹⁷ Lɛ nɔuu lɛ ngɛ loko nihi tsuo kulaa ngɛ, nɛ nihi tsuo kulaa a, e mi a ngɛ.

Kolosebi 1:17 ပူးပေါင်းရင်းမြစ်များ

La 75:3

Je ɔ kɛ e mi níhi tsuo ma mimiɛ; se imi ma ha je ɔ sisi tomi ɔmɛ maa ma si kpɛii.

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Yohane 17:5

Tsaatsɛ, ha nɛ ye hɛ mi nɛ ba nyami amlɔ nɛ ɔ kaa bɔ nɛ i ngɛ momo ngɛ o hɛ mi benɛ a na we nɛ a bɔ je ɔ.

Yohane 8:58

Yesu he nɔ ke, “I ngɛ nyɛ dee anɔkuale mi ke i ngɛ loko a fɔ Abraham.”

Ni Tsumi 17:28

Kaa bɔ nɛ nɔ ko de ɔ, ‘Mawu lɛ haa wa hii je mi, nɛ e haa wa yaa nɛ wa baa kaa adesahi.’ Kaa bɔ nɛ nyɛ nitsɛmɛ nyɛ la poli ɔmɛ ekomɛ hu de ɔ, ‘Wɔ hu e bimɛ ji wɔ.’

1 Korintobi 8:6

kɛ̃ ɔ, wɔɔ lɛɛ Mawu kake too nɛ ji Tsɛ ɔ, lɛ pɛ wa ngɛ. Lɛ nɛ bɔ níhi tsuo, nɛ lɛ nɛ ha nɛ wa ngɛ wami mi. Wa ngɛ Nyɔmtsɛ kake hulɔ; lɛ ji Yesu Kristo. E nɔ Mawu gu kɛ bɔ nɔ́ tsuaa nɔ́, nɛ lɛ nɛ ha nɛ wa ngɛ wami mi.

Kolosebi 1:15

Kristo ji Mawu nɛ a nɛ́ lɛ ɔ subai nɛ a naa. Lɛ ji nibɔ níhi tsuo a kpɛti tɛte.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Hebribi 13:8

Yesu Kristo ɔ, bɔ nɛ e ngɛ hiɛ ɔ, ja nɔuu e ngɛ mwɔnɛ ɔ; nɛ e ngɛ ja nɔuu kɛ yaa neneene.

Kpojemi 1:11

Gbi ɔ de ke, “Ngmaa nɔ́ nɛ o na a ngɔ wo womi mi, nɛ o kɛ mane asafohi nɛ ngɛ ma kpaago nɛ ɔmɛ a mi: Efeso, Smirna, Pergamo, Tiatira, Sarde, Filadelfia, kɛ Laodikea.”

Kpojemi 1:17

Benɛ i na lɛ ɔ, i nɔ si ngɛ e nane nya kaa nɔ gbogboe. Se e ngɔ e hiɔ nine ngɔ fɔ ye nɔ, nɛ e de mi ke, “Koo ye gbeye! Imi ji kekleekle no kɛ nyagbe no.

Kpojemi 1:8

Nyɔmtsɛ Mawu Ope ɔ, nɔ nɛ ngɛ sa a, nɛ e ngɛ amlɔ nɛ ɔ, nɛ e maa ba a ke, “Imi ji kekleekle no kɛ nyagbe no.”

Kpojemi 2:8

Nɛ e de ke, “Bɔfo ɔ nɛ ngɛ asafo ɔ nya ngɛ Smirna a, ngmaa womi nɛ ɔ ya ha lɛ ke, “Sɛ gbi nɛ je nɔ nɛ ji kekleekle no kɛ nyagbe no ɔ ngɔ ji nɛ ɔ nɛ; e gbo, nɛ e kpale ba wami mi ekohu.

Samuel I, 2:8

E woɔ ohiatsɛmɛ a nɔ kɛ jeɔ tabo zu mi, nɛ e jeɔ ni nɛmɛ nɛ e fi mɛ kɛ jeɔ a haomihi a mi. E haa a kɛ ganɔhi hii si, nɛ e kɛ mɛ toɔ hɛ mi nyami blɔ hehi. Yawɛ níhi ji je ɔ titima amɛ; a nɔ nɛ e fia je ɔ kɛ fɔ.