Kolosebi 1:13 - BAIBLO ALOO NGMAMI KLƆUKLƆU Ɔ

¹³ E kpɔ wɔ kɛ je diblii he wami ɔ sisi, nɛ e kɛ wɔ ba e Bi nɛ e suɔ lɛ saminya a matsɛ yemi ɔ mi.

Somi He Ɔ

¹³ nɛ e je wɔ kɛ je diblii he wami ɔ mi, nɛ e kɛ wɔ ba to e suɔmi bi ɔ matsɛ yemi ɔ mi ɔ,

Kolosebi 1:13 ပူးပေါင်းရင်းမြစ်များ

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Yesaya 53:12

Enɛ ɔ he je ɔ, ma ha lɛ blɔ nya nguaa ko ngɛ ni nguanguahi a kpɛti. E kɛ mɛ maa dla ta yibu ní ɔ. Ejakaa e ngɔ e wami ngɔ ha ngɛ yayami peeli babauu a nane mi; nɛ e kpa pɛɛ nɛ a ngɔ a he yayami kɛ pa mɛ.”

Yesaya 60:2

Diblii maa ha zugba a tsuo nɔ, je ma amɛ maa hi diblii kpii mi, se moo lɛɛ Yawɛ ma je e he kpo ha mo; e hɛ mi nyami ɔ ma pue o nɔ.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Luka 13:24

“Nyɛɛ bɔ mɔde nɛ nyɛɛ sɛ agbo tokofii ɔ mi. Ejakaa, i ngɛ nyɛ dee ke, nihi babauu ma hla kaa a sɛ mi, se a be nyɛe.

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ de we ke nyɛ maa nu mi. Se nyɛ ngmlɛfia a ji nɛ ɔ nɛ; diblii matsɛ ɔ ní tsumi be su!”

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.

Yohane 3:35

Tsɛ ɔ suɔ e Bi ɔ, nɛ e tu nihi tsuo ngɔ wo e dɛ mi.

Yohane 5:24

“I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Romabi 14:17

Ejakaa Mawu matsɛ yemi ɔ, pi nɔ́ nɛ a maa ye, loo nɔ́ nɛ a maa nu; se mohu kaa a pee nɔ́ nɛ da, nɛ a hi si ngɛ he jɔmi mi, nɛ a na bua jɔmi. Mumi Klɔuklɔu ɔ lɛ haa ní nɛ ɔmɛ tsuo.

2 Korintobi 11:14

Enɛ ɔ be nyakpɛ tete! Satan nitsɛ nyɛɔ tsakeɔ e he peeɔ bɔfo nɛ ngɛ kpɛe kaa la!

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

Efesobi 4:18

se sisi numi be he. Wami he ɔ nɛ Mawu haa nɔ ɔ, mɛɛ a blɔ nya be mi; ejakaa a li nɔ́ ko nɔ́ ko, nɛ a tsui hu kplii.

Efesobi 5:5

Nyɛ na nyɛɛ le kaa nihi nɛ fiɛɔ yo kɛ nyumu yakayaka fiɛmi, loo a tsuɔ mu ní, loo a hɛ kɔ̃ɔ̃ ɔ, a be blɔ nya ngɛ he nɛ Kristo kɛ Mawu ngɛ matsɛ yee ngɛ. (Ke nɔ ko kɛ hɛkɔ ngɛ nɔ́ ko se die ɔ, e ngɛ kaa wɔ jami pɛ).

Efesobi 5:8

Jinɛ sa a, nyɛ nitsɛmɛ nyɛ ngɛ diblii mi, se nɛ nyɛ ngɔ nyɛ he ba mɛtɛ Nyɔmtsɛ, he ɔ, nyɛ ba plɛ la. Lɔ ɔ he ɔ, nyɛɛ ba nyɛ je mi kaa nihi nɛ kɛ la ngɛ nyɛɛe.

Efesobi 6:12

Ejakaa pi he lo kɛ muɔ nɛ waa kɛ ngɛ ta hwue ɔ. He nyɛli nɛ waa kɛ mɛ ngɛ ta hwue ɔ ji nɔ yeli, kɛ nihi nɛ hɛɛ blɔ nyahi, mumi yayami kpetekpleenyɛhi nɛ ngɛ je nɛ ɔ mi diblii ɔ mi, kɛ mumihi nɛ ngɛ kɔɔhiɔ mi nɛ peeɔ yi wu tso níhi.

1 Tesalonikabi 2:12

Wa wo nyɛ he wami; wa wo nyɛ bua, nɛ wa wo nyɛ ga kaa nyɛɛ ba nyɛ je mi bɔ nɛ sa Mawu hɛ mi. Lɛ nɛ e tsɛ nyɛ ke nyɛɛ ba lɛ nitsɛ e matsɛ yemi ɔ, kɛ e nyami ɔ mi.

Hebribi 2:14

Lɔ ɔ he ɔ, akɛnɛ he lo kɛ muɔ ji bimɛ ɔmɛ ɔ, lɛ nitsɛ hu e pee he lo kɛ muɔ. E pee enɛ ɔ, konɛ kɛ gu e gbenɔ mi ɔ, e kpata Abosiami, nɔ nɛ hɛɛ gbenɔ he wami ɔ hɛ mi.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

2 Petro 1:11

Kɛkɛ ɔ, Mawu ma ha nyɛ blɔ nɛ nyɛ maa sɛ wa Nyɔmtsɛ, kɛ wa kpɔlɔ Yesu Kristo matsɛ yemi ɔ mi.

1 Yohane 2:8

Se kɛ̃ ɔ, mlaa nɛ i ngɛ ngmae nɛ nyɛɛ ye nɔ nɛ ɔ, mlaa he, ejakaa a naa e we anɔkuale ɔ nɛ ngɛ ní tsue ngɛ nyɛ mi kaa bɔ nɛ e tsu ní ngɛ Kristo mi ɔ. Diblii ɔ ngɛ bee kɛ yaa, nɛ la nitsɛ ɔ bɔni kpɛmi momo.

1 Yohane 3:14

Wa le kaa wa be kaa ni gbogboehi hu, se wa je gbenɔ mi kɛ ba wami mi, ejakaa wa suɔ wa nyɛmimɛ ɔmɛ. Nɔ tsuaa nɔ nɛ sume e nyɛmi ɔ, e ngɛ gbenɔ mi.

1 Yohane 3:8

Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.