Hosea 9:8 - BAIBLO ALOO NGMAMI KLƆUKLƆU Ɔ

⁸ Mawu tsɔ imi, e gbalɔ ɔ, kaa ma ba tu munyu kɛ tsɔɔ e ma Israel ɔ. Se he tsuaa he nɛ ma ya a, nyɛ tsɔ̃ mi klama kaa a tsɔ̃ɔ̃ lohwe pɛlitsɛ klama. Mawu we ɔ nitsɛ po, ninyɛ sɔuu lɛ ngɛ lejɛ ɔ.

Hosea 9:8 ပူးပေါင်းရင်းမြစ်များ

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Matsɛmɛ I, 18:1

Pee se ngɛ jeha etɛne ɔ mi ɔ, Yawɛ de Eliya ke, “Yaa nɛ o kɛ o he ya tsɔɔ Matsɛ Ahab, nɛ ma ha hiɔmi maa nɛ.”

Matsɛmɛ I, 18:19

Lɔ ɔ he ɔ, moo tsɔ nɛ a ya bua Israel ma a tsuo nya nɛ a kɛ mi ba kpe ngɛ Karmel yo ɔ nɔ. Ngɔɔ Baal gbali lafa eywiɛ kɛ nyingmi enuɔ ɔmɛ, kɛ yo mawu Ashera gbali lafa eywiɛ ɔmɛ nɛ a nyɛɛɔ Manyɛ Yezebel se ɔ hu kɛ ba.”

Matsɛmɛ I, 22:11

Gbali ɔmɛ a ti nɔ kake nɛ a tsɛɛ lɛ Zedekia, Kenaana binyumu ɔ, pee dade kolihi, nɛ e de Ahab ke, “Bɔ nɛ Yawɛ de ji nɛ ɔ nɛ: ‘Enɛ ɔmɛ ji níhi nɛ o kɛ ma tsitsɛɛ Siria bi ɔmɛ kɛ ya se kɛ yaa si o ma kpata a hɛ mi pɛsɛpɛsɛ.’ ”

Matsɛmɛ I, 22:22

Yawɛ bi lɛ ke, ‘Kɛ o maa pee kɛ mlɔɔ lɛ kɛɛ?’ Mumi ɔ he nɔ ke, ‘Ma ya nɛ ma ya ha nɛ Ahab gbali ɔmɛ tsuo maa ye lakpa.’ Yawɛ de lɛ ke, ‘Yaa nɛ o ya mlɔɔ lɛ; o maa ye manye.’ ”

Matsɛmɛ I, 22:28

Mikaya he nɔ ke, “Ke o kpale kɛ ba kɛ manye ɔ, lɛɛ tsa pi Yawɛ nɛ tu munyu kɛ gu ye nɔ mɔ!” E ya nɔ de ke, “Nyɛ tsuo nyɛɛ nu nɔ́ nɛ i ngɛ dee ɔ!”

Matsɛmɛ I, 22:6

Kɛkɛ nɛ Ahab ya kpee gbali ɔmɛ kɛ ba, maa pee nimli lafa eywiɛ, nɛ e bi mɛ ke, “Ma ya nɛ ma ya tua Ramot Gilead, loo ma ko ya?” A he nɔ ke, “Yaa, Yawɛ maa ngɔ ma a kɛ wo o dɛ mi.”

Matsɛmɛ II, 13:21

Ligbi ko, benɛ a yaa nɛ a ya pu nyumu ko ɔ, a na ojo fiali a kuu nɛ ɔ nɛ ma. Kɛkɛ nɛ a sake gbogboe ɔ ngɔ fɔ Elisha yɔkɔ ɔ mi. Benɛ gbogboe ɔ he ya sa Elisha wuhi a he pɛ, nɔ ɔ hɛ tsɛ, nɛ e te da si.

Matsɛmɛ II, 2:14

E kɛ Eliya tade ɔ fia nyu ɔ mi, nɛ e bi ke, “Jije Yawɛ, Eliya Mawu ɔ ngɛ?” E ngɔ tade ɔ kɛ fia nyu ɔ mi ekohu, nɛ nyu ɔ mi gba kɛ ya hiɛ kɛ hiɛ; nɛ e nyɛɛ kɛ be.

Matsɛmɛ II, 2:21

nɛ e je kpo kɛ ho he nɛ nyu ɔ jeɔ kɛ baa a ya, nɛ e ya plɛ ngo ɔ ngɔ pue pa a mi. E de ke, “Bɔ nɛ Yawɛ de ji nɛ ɔ nɛ: ‘I tsukɔ nyu nɛ ɔ he; kɛ je mwɔnɛ ɔ kɛ yaa a, gbenɔ, aloo mi sanemi ko be mi jee kɛ ba hu.’ ”

Matsɛmɛ II, 4:41

Elisha de ke a ha lɛ mamu; nɛ e kɛ mamu ɔ wo buɛ ɔ mi, nɛ e de ke, “Plɛ flɔɔ ɔ ha ni ɔmɛ nɛ a ye!” Jehanɛ, nɔ́ yobu ko be mi hu.

Matsɛmɛ II, 4:43

Se e tsɔlɔ ɔ de ke, “Nɔ́ nɛ ɔ tsa be nimli lafa sue!” Elisha ti mi nɛ e de lɛ ekohu ke, “Ngɔɔ ya ha ni ɔmɛ nɛ a ye; ejakaa bɔ nɛ Yawɛ de ji nɛ ɔ nɛ: ‘A maa ye hluu nɛ eko maa piɛ.’ ”

Matsɛmɛ II, 5:14

Kɛkɛ nɛ Naeman pue nɔ kɛ ho Yordan pa a mi ya, nɛ e mu kɛ ya nyu ɔ sisi si kpaago kaa bɔ nɛ Mawu nɔmlɔ ɔ fa lɛ ɔ. Nɛ a tsa lɛ. E he womi tsake nɛ e pee kaa jokuɛyo he womi ekohu.

Matsɛmɛ II, 5:27

Lɔ ɔ he ɔ, Naeman he womi nɔ hiɔ yaya a ma ba pue o he, nɛ o kɛ o nina maa nu hiɔ nɛ ɔ kɛ maa ya neneene.” Benɛ Gehazi je lejɛ ɔ, he womi nɔ hiɔ yaya pue e he, nɛ e he womi pee patapata kaa ngo.

Matsɛmɛ II, 7:19

asafoatsɛ ɔ he nɔ ke, “Ke Yawɛ nitsɛ ma ha hiɔmi maa nɛ tlukaa po, nɔ́ nɛ ɔ be mi bae.” Elisha de lɛ ke, “Mo nitsɛ o maa na nɔ́ nɛ ɔ kɛ o hɛngmɛ, se o be ní ɔ eko yee!”

Matsɛmɛ II, 7:2

Matsɛ ɔ we asafoatsɛngua a de Mawu nɔmlɔ ɔ ke, “Ke Yawɛ nitsɛ ma ha hiɔmi maa nɛ tlukaa po, nɔ́ nɛ ɔ be mi bae.” Elisha he nɔ ke, “Mo nitsɛ o maa na nɔ́ nɛ ɔ kɛ o hɛngmɛ, se o be ní ɔ eko yee!”

La 124:7

Wa je a dɛ mi kaa bɔ nɛ lohwe pɛlitsɛ jee ya mi; ya a gba, nɛ wa je mi slɔkee.

Fiɛlɔ 9:12

Nɔmlɔ adesa li e be. Be yayami ba naa nɔ tlukaa kaa bɔ nɛ lo duɔ ya, aloo kaa bɔ nɛ lohwe pɛlitsɛ duɔ klama a.

Lahi 3:3

Ma a mi buli ɔmɛ nɛ ngɛ si poe ngɛ ma a mi ɔ kɛ mi ba kpe. I bi mɛ ke, “Nyɛ na ye suɔlɔ ɔ ha mi lo?”

Yesaya 62:6

Yerusalem, i ngɔ buli ngɔ to o gbogbo ɔmɛ a nɔ. Nyɔ kɛ pia tsuo, a ko pee dii; se mohu a hi Yawɛ kaie ngɛ si ko nɛ e wo e ma a he, konɛ e hɛ ko je nɔ.

Yeremia 11:19

I pee kaa jijɔ nɛ he jɔ, nɛ a kɛ lɛ yaa nɛ a ya gbe, nɛ i li kaa a ngɛ ye he ga yayami ko toe. Nɔ́ nɛ a ngɛ dee ji, “Nyɛ ha nɛ waa po tso ɔ kɛ e yiblii ɔ tsuo ngɔ fɔ he; nyɛ ha nɛ waa gbe lɛ, konɛ nɔ ko nɛ ko kai lɛ hu.”

Yeremia 14:13

Kɛkɛ nɛ i de ke, “Nyɔmtsɛ Yawɛ! Mo nitsɛ o le kaa gbali ɔmɛ deɔ ma a ke ta, loo hwɔ be bae, ejakaa o wo si veveeve kaa tue mi jɔmi pɛ lɛ maa hi zugba a nɔ.”

Yeremia 23:13

I na Samaria gbali ɔmɛ a he yayami ɔ; a gba ngɛ Baal biɛ mi, nɛ a ha nɛ ye ma, Israel nane kpata.

Yeremia 31:6

Niinɛ, be ma nɛ buli ma kpa ngmlaa ngɛ Efraim yo ɔmɛ a nɔ ma de ke, ‘Nyɛ ha nɛ waa ya Zion, ngɛ Yawɛ, wa Mawu ɔ ngɔ.’ ”

Yeremia 6:14

Pá nɛ ngɛ ye ma mi bi ɔmɛ a he ɔ, a tsɔɔ lɛ fa kɛ fa kɛkɛ, nɛ e peeɔ mɛ kaa pa a gbo. Lɔ ɔ he ɔ, a deɔ ke, ‘Wa ngɛ tue mi jɔmi, wa ngɛ tue mi jɔmi,’ be mi nɛ tue mi jɔmi ko be.

Yeremia 6:17

Jehanɛ, to Yawɛ buli ngɛ ma a mi konɛ ma a nɛ bu titimati ɔ pɛmi tue. Se a de ke, “Wa be tue bue fɛɛ!”

Kɔmɔ Yemi 2:14

O gbali ɔmɛ be nɔ́ kpakpa ko nɛ a ma de mo; lakpa pɛ a yeɔ mo. A fiɛɔ kɛ sisiɔ mo. A je we o tɔmi kpo kɛ tsɔɔ mo. A ha nɛ o susu kaa e hia we nɛ o tsake o tsui.

Kɔmɔ Yemi 4:13

Se e ba mi ja, ejakaa gbali ɔmɛ, kɛ osɔfo ɔmɛ pee yayami; a pue nihi nɛ peeɔ nɔ nɛ da ngɛ ma a mi ɔ a muɔ si.

Ezekiel 3:17

“Nɔmlɔ adesa, i pee mo bulɔ kɛ ha Israel ma a; lɔ ɔ he ɔ, bu ye nya mi munyu ɔmɛ tue saminya, konɛ o kɛ bɔ mɛ kɔkɔ ha mi.

Ezekiel 33:7

“Nɔmlɔ adesa, jehanɛ bu tue, ma pee mo Israel ma a he bulɔ. Munyuhi nɛ ma tu kɛ bɔ mɛ kɔkɔ ɔ, de mɛ lɛ tsuo.

Hosea 5:1

“Nyɛ osɔfohi, nyɛɛ bu tue! Israel ma nyɛ tã tue! Matsɛ we mi bimɛ, nyɛɛ bu tue! Nyɛ sa tue gblami! Ejakaa nyɛ pee kaa klama nɛ a tsɔ ngɛ Mizpa, kɛ yá nɛ a wo ngɛ Tabor yo ɔ nɔ,

Hosea 9:7

Be nɛ a maa gbla Israel ma a tue ɔ su. Be ɔ su nɛ a maa wo mɛ hiɔ. Kɛkɛ ɔ, nɔ tsuaa nɔ maa hɛli si! Nyɛ deɔ ke, “Gbalɔ nɛ ɔ biɛ lo! Nyumu ɔ nɛ na mumi ɔ nu godo!” Nyɛ deɔ enɛ ɔ, ejakaa nyɛ he yayami hiɛ babauu; nɛ nyɛ sume mi saasaa.

Hosea 9:9

Ma a puɛ kulaa kɛ yayami peemi kaa bɔ nɛ a pee ngɛ Gibea be ko ɔ. Yayami nɛ a pee ɔ, Mawu hɛ be nɔ jee; e maa gbla a tue kokooko.

Mika 7:4

A ti ni kpakpahi, loo ni nɛmɛ nɛ da pe kulaa po, a ngɛ kaa nga kɛkɛ; a he be se nami. Be ɔ nɛ Mawu maa gbla e ma a tue ɔ su ta; haomi kɛ he hiami, kɛ hɛ mi kpatami be ɔ su ta.

Yohane 15:24

Kaa i ba tsu we ní nguanguahi nɛ nɔ ko tsu we hyɛ ɔ ngɛ a kpɛti ɔ, jinɛ a ko yi fɔ kaa a pee yayami. Jehanɛ ɔ, i tsu ní nɛ ɔmɛ nɛ a na paa; se kɛ̃ ɔ, a ngɛ i kɛ Tsaatsɛ tsuo nyɛe.

Romabi 3:7

Se nɔ ko ma bi ke, “Ke ye lakpa a haa nɛ a naa Mawu we anɔkuale ɔ saminya, nɛ lɔ ɔ woɔ e hɛ mi nyami ɔ, mɛni he je mɔ nɛ a buu mi fɔ kaa yayami peelɔ ɔ?”

Hebribi 13:17

Nyɛɛ bu nyɛ hɛ mi nyɛɛli ɔmɛ tue, nɛ nyɛɛ ba nyɛ he si ha mɛ. Mɛ lɛ a hyɛɔ nyɛ nɔ daa, nɛ a maa bu akɔtaa ha Mawu. Nyɛ ha nɛ a pee enɛ ɔ kɛ bua jɔmi, se pi kɛ mi mi la, ejakaa lɔ ɔ maa ye nyɛ awi.