Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hosea 9:6 - BAIBLO ALOO NGMAMI KLƆUKLƆU Ɔ

6 Ke Asiria bi ba nuu mɛ nyɔguɛ nɛ a gbɛ fĩa a, Egipt bi ma bua a nya; ee, a ma bua a nya ya pu mɛ ngɛ Memfis! Mio tso, kɛ pú maa bɔ kɛ pue a wehi, kɛ a sika hiɔ níhi nɛ he jua waa tsuo a nɔ.

အခန်းကိုကြည့်ပါ။ ကော်ပီ




Hosea 9:6
32 ပူးပေါင်းရင်းမြစ်များ  

Siria matsɛ ɔ kpata Matsɛ Yehoahaz tabo ɔ hɛ mi, nɛ nɔ́ nɛ ɔ ha nɛ a he wami nɔ gbɔ. Matsɛ Yehoahaz ta buli tsuo nɛ piɛ ha lɛ ji okpɔngɔ ta buli nyingmi enuɔ, ta zugba lɛ nyɔngma, kɛ nane nyɛɛli akpe nyɔngma.


Zugba nɛ baa ní saminya a plɛ pee ngo zɔ zugba; ejakaa nihi nɛ hi lejɛ ɔ, yayami sɔuu a pee.


Ngmɔ ɔmɛ a nɔ hɛ wawɛɛ nitsɛ; hu kɛ mio tso sɔuu. Tɛ gbogbo nɛ a fia kɛ bɔle ngmɔ ɔmɛ hu ku pueɔ si.


Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.


Zoan kɛ Memfis ganɔ ɔmɛ ɔ, kuasiahi sɔuu ji mɛ. Mɛ nɛ́ a ko tsɔɔ ma a blɔ ɔ, mɛ mohu a ha ma a laa blɔ.


Israel bi, nyɛ na nɛ nyɛɛ le kaa jamɛ a ligbi ɔ, kɛ je Yufrate pa a nya kɛ yaa si Egipt huzu ɔ nya a, Yawɛ ma bua e ma a nya kɛ je je ma amɛ a mi kakaaka kaa nɔ ko nɛ ngɛ ngma mi sae, nɛ e ngɛ ngma nitsɛ ɔ hlae kɛ je tsakati ɔ mi.


Nyɛɛ ye kɔmɔ ha ye ma mi bi ɔmɛ a zugba nɛ pú, kɛ mio tso hyi nɔ tɔ ɔ. Nyɛɛ wo yana ha ma a, kɛ we ɔmɛ nɛ bua jɔmi hi a mi sa be ko ɔ.


Mɔhi tsuo nɛ a fia gbogbo ngɔ wo a he ɔ, pú kɛ mio tso maa puɛ ngɛ a mi, nɛ nga mi gbehi, kɛ dugumahi maa hi lejɛ ɔ.


Ma ha nɛ ngmɔ ɔ mi nɛ hɛ. I be wai tso ɔmɛ a he sãe, nɛ ngmɔ ɔ mi hu i be hue. Nɔ́ nɛ ma pee mohu ji, ma ngmɛ blɔ nɛ mio tso, kɛ mio maa puɛ ngɛ ngmɔ ɔ nɔ. Pi lɔ ɔ kɛkɛ, se mohu i be hae nɛ hiɔmi nɛ nɛ ngɔ pue ngmɔ ɔ nɔ hu.”


“Jamɛ a be ɔ, hehi tsuo nɛ wai tso akpe hi sa a, nɛ a he jua peeɔ sika hiɔ yi akpe ɔ, lejɛ ɔ tsuo ma plɛ pee pú, kɛ mio tsohi sɔuu.


Ee, Memfis bi, kɛ Tapanhes bi ywia e yi kpoo!


Lɔ ɔ he ɔ, jehanɛ lɛɛ nyɛ ná nɛ nyɛɛ le klɛdɛɛ kaa he nɛ nyɛ suɔ kaa nyɛ ma ya hi ɔ, nyɛ ma ya gbo ngɛ lejɛ ɔ. Ke nyɛ ya nɔɛ ta a, lɛɛ mi mi hwɔ, loo gbenɔ hiɔ maa gbe nyɛ ngɛ lejɛ ɔ.”


Yawɛ ha mi sɛ gbi nɛ ɔ nɛ kɔɔ Israel bi tsuo nɛ ngɛ Egipt ɔ a he, nihi nɛ ngɛ Migdol, Tapanhes, kɛ Memfis ma amɛ a mi, kɛ ni nɛmɛ nɛ ngɛ zugba a leneyi je ɔ tsuo.


Yuda bi nɛ piɛ, nɛ a to a yi mi kaa a maa ya Egipt nɛ a ya hi lejɛ ɔ, ma hyɛ nɛ a kpata mɛ tsuo a hɛ mi. Mɛ tsuo a ma gbo ngɛ Egipt zugba a nɔ, nimli wawi, kɛ nimli nguahi tsuo. Ni komɛ ma gbo ngɛ ta mi, nɛ hwɔ maa gbe ni komɛ. Nihi maa hie mɛ; a maa bɔ mɛ ahlua, nɛ a kɛ a biɛ maa gbiɛ nɔ.


Ma ngɔ ta, hwɔ, kɛ gbenɔ hiɔ kɛ gbla nihi nɛ ngɛ Egipt ɔ a tue kaa bɔ nɛ i gbla Yerusalem tue ɔ.


“Nyɛɛ fiɛ ngɛ Egipt ma amɛ a mi, ngɛ Migdol, Memfis, kɛ Tapanhes ke, ‘Nyɛɛ mia, nɛ nyɛɛ pee klaalo, ejakaa ta ngɛ ní puɛe ngɛ mahi nɛ bɔle nyɛ ɔ a mi kɛ ma!


Nyɛ Egipt bi, nyɛ dla nyɛ he, ejakaa a ma ba nuu nyɛ kɛ ho ma se ya. Nyɛ ma a nɛ a tsɛɛ Memfis ɔ, a ma kpata e hɛ mi. Memfis maa pee ma doku, nɛ nɔ ko be mi hie hu.


Nyɔmtsɛ Yawɛ ke, “Ma kpata wɔ ɔmɛ, kɛ amaga amɛ nɛ ngɛ Memfis ɔ a hɛ mi. Ganɔ ko be Egipt zugba a nɔ yee hu; lejɛ ɔ maa pee gbeye. Ma ha nɛ sawale maa nu nɔ tsuaa nɔ.


Ma mɛ Egipt he la, nɛ Pelusium maa hao wawɛɛ. Ma ku Tebes gbogbo ɔmɛ kɛ pue si, nɛ ma a mi ma hyi tɔ kɛ nyu.


Wɔ piɛhi nɛ ngɛ Aven yoku ɔ nɔ, he nɛ Israel ma a ya jaa amaga amɛ ngɛ ɔ, a ma kpata a hɛ mi. Mio tso, kɛ hu maa bɔ kɛ pue a bɔ sami la tɛ ɔmɛ a nɔ. Nɛ Israel bi ma kpa ngmlaa ma de yo gagaa amɛ ke, “Nyɛ ba ha wa nɔ!” nɛ a ma de yoku ɔmɛ ke, “Nyɛ ba nɔ wa nɔ!”


A maa je Egipt kɛ ba kɛ fo kaa lohwe pɛlitsɛmɛ. A maa je Asiria kɛ maa ba kaa lahuɛhi. Ma kpale mɛ kɛ ba a we ɔmɛ a mi ekohu. Imi Yawɛ lɛ i de.”


Lɔ ɔ he ɔ, ma ngɔ mio tso kɛ tsi lɛ blɔ; ma fia gli kɛ wo e he kɛ tsi lɛ blɔ.


Israel ngɛ kaa beleku lahuɛ nɛ ngɛ tee kɛ ngɛ yae kɛ ngɛ bae; e be juɛmi. Ke o ke o hyɛɛ ɔ, Israel bi ji nɛ nɛ a yaa bi yemi kɛ buami ngɛ Egipt; pee se kɛkɛ a pue Asiria blɔ.


“Musu tloo mɛ! Ma kpata a hɛ mi; ejakaa a tsɔ ye hɛ mi atuã, nɛ a je ye se. I hla kaa ma he a yi wami; se a ja we mi anɔkuale mi.


A je ye se, nɛ mawu nɛ be he wami ko he wami ko ɔ, lɔ ɔ se a ngɛ nyɛɛe. A ngɛ kaa kɛ̃ɛ̃ nɛ kpɛ̃. A ma kpata a ma nimeli ɔmɛ a hɛ mi, ejakaa a tuɔ munyu puu; nɛ Egipt bi kɛ nɔ́ nɛ ɔ maa ye a he fɛu.”


A gbeɔ lohwehi kɛ sãã bɔ kɛ haa mi, nɛ lo ɔ nɛ a kɛ ba sã bɔ ɔ lɛɛ mɛ nitsɛmɛ a yeɔ. Se imi Yawɛ, ye bua jɔɛ a he. Ma kai a he yayami ɔmɛ, nɛ ma gbla a tue kokooko ngɛ he; ma kpale mɛ kɛ ho Egipt ya!


Israel be zugba nɛ ɔ nɔ hie daa. A maa kpale kɛ ho Egipt ya, nɛ niye ní nɛ he tsɔ we ɔ, lɔ ɔ a ma ya ye ngɛ Asiria.


Ma ha ta maa nyɛɛ nyɛ se, nɛ ma gbɛ nyɛ ngɔ fĩa je ma amɛ tsuo a mi. Nyɛ maa je zugba a nɔ, nɛ ma amɛ ma plɛ ma dokuhi.


Nyɛ nihi nɛ nyɛ ngɛ Yerusalem dɔ ɔ si je ɔ, ke nyɛ nu ní nɛ ɔmɛ a he ɔ, nyɛɛ wo yana nɛ nyɛ nya awe. Ejakaa nyɛ jua yeli ɔmɛ tsuo a yi ta!


A ya tua Israel bi ɔmɛ wawɛɛ nitsɛ, nɛ Israel bi ɔmɛ na kaa a yi fi. Lɔ ɔ he ɔ, a ya laa a he ngɛ tɛ puɔhi, muɔhi, yɔkɔhi, vuhi, kɛ tɛ sahi a mi;


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ