Hosea 9:3 - BAIBLO ALOO NGMAMI KLƆUKLƆU Ɔ

³ Israel be zugba nɛ ɔ nɔ hie daa. A maa kpale kɛ ho Egipt ya, nɛ niye ní nɛ he tsɔ we ɔ, lɔ ɔ a ma ya ye ngɛ Asiria.

Hosea 9:3 ပူးပေါင်းရင်းမြစ်များ

Matsɛmɛ I, 9:7

lɛɛ ma je ye ma, Israel kɛ je zugba a nɛ i ha mɛ ɔ nɔ. We nɛ ɔ hu nɛ i pee klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa wo Israel la, nɛ a maa ye e he fɛu.

Matsɛmɛ II, 17:6

Hoshea yi nɔ jeha nɛ ji nɛɛ ɔ mi ɔ, Asiria matsɛ ɔ ngɔ Samaria, nɛ e muɔ Israel bi ɔmɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

Yeremia 16:18

Ma gbla a tue si enyɔ ngɛ a yayami ɔmɛ, kɛ a yi wu tso ní ɔmɛ a he. A ngɔ amagahi nɛ ngɛ kaa ni gbogboehi nɛ wami ko be a mi ɔ kɛ ble ye zugba a; nɛ zugba a hyi tɔ kɛ a níhi nɛ a hiee ɔ.”

Yeremia 2:7

I ngɔ mɛ kɛ ba zugba nɛ baa ní nɔ, konɛ a ba ye zugba a nɔ yiblii kɛ ní kpakpahi. Se benɛ a ba a, a ba ble zugba a, nɛ a ngɔ ye weto ní ngɔ pee nɔ́ nɛ a hiee.

Kɔmɔ Yemi 5:6

Wa ngɔ wa he ya bɔ Egipt, kɛ Asiria bi a he, konɛ wa ná ngma nɛ waa ye nɛ waa tɔ.

Ezekiel 4:13

Yawɛ de mi ke, “Ja pɛpɛɛpɛ Israel bi ɔmɛ maa ye a niye ní nɛ a ble ɔ ngɛ je ma amɛ a kpɛti he nɛ ma fie mɛ kɛ maa ho ɔ.”

Daniel 1:8

Daniel muɔ e yi mi kpɔ kaa e be matsɛ ɔ niye ní ɔ yee, nɛ wai ɔ hu e be nue, bɔ nɛ pee nɛ e ko ble e he. Lɔ ɔ he ɔ, e kpa Ashpenaz pɛɛ ke e ko nyɛ e nɔ ke e ye níhi nɛ a tsɔɔ kaa a ye ɔ doo.

Hosea 11:11

A maa je Egipt kɛ ba kɛ fo kaa lohwe pɛlitsɛmɛ. A maa je Asiria kɛ maa ba kaa lahuɛhi. Ma kpale mɛ kɛ ba a we ɔmɛ a mi ekohu. Imi Yawɛ lɛ i de.”

Hosea 11:5

“Akɛnɛ a kua ye ngɔ bami ɔ, a maa kpale kɛ ho Egipt ya, nɛ Asiria maa ye a nɔ.

Hosea 7:11

Israel ngɛ kaa beleku lahuɛ nɛ ngɛ tee kɛ ngɛ yae kɛ ngɛ bae; e be juɛmi. Ke o ke o hyɛɛ ɔ, Israel bi ji nɛ nɛ a yaa bi yemi kɛ buami ngɛ Egipt; pee se kɛkɛ a pue Asiria blɔ.

Hosea 7:16

A je ye se, nɛ mawu nɛ be he wami ko he wami ko ɔ, lɔ ɔ se a ngɛ nyɛɛe. A ngɛ kaa kɛ̃ɛ̃ nɛ kpɛ̃. A ma kpata a ma nimeli ɔmɛ a hɛ mi, ejakaa a tuɔ munyu puu; nɛ Egipt bi kɛ nɔ́ nɛ ɔ maa ye a he fɛu.”

Hosea 8:13

A gbeɔ lohwehi kɛ sãã bɔ kɛ haa mi, nɛ lo ɔ nɛ a kɛ ba sã bɔ ɔ lɛɛ mɛ nitsɛmɛ a yeɔ. Se imi Yawɛ, ye bua jɔɛ a he. Ma kai a he yayami ɔmɛ, nɛ ma gbla a tue kokooko ngɛ he; ma kpale mɛ kɛ ho Egipt ya!

Hosea 9:6

Ke Asiria bi ba nuu mɛ nyɔguɛ nɛ a gbɛ fĩa a, Egipt bi ma bua a nya; ee, a ma bua a nya ya pu mɛ ngɛ Memfis! Mio tso, kɛ pú maa bɔ kɛ pue a wehi, kɛ a sika hiɔ níhi nɛ he jua waa tsuo a nɔ.

Mose III, 18:28

Ke nyɛ hu nyɛ pee ní nɛ ɔmɛ kɛ ble zugba a, zugba a maa fie nyɛ kaa bɔ nɛ e fie nihi nɛ hi lejɛ ɔ loko nyɛ ba a.

Mose III, 20:22

Yawɛ de ke, “Nyɛ hɛ nɛ hi ye mlaa amɛ, kɛ ye blɔ nya tomi ɔmɛ tsuo a nɔ, nɛ nyɛɛ ye a nɔ, konɛ nyɛɛ hi Kanaan zugba a nɛ i kɛ nyɛ yaa nɔ ɔ nɔ; ke pi ja a, zugba a maa fie nyɛ kɛ je lejɛ ɔ.

Mose III, 25:23

Zugba a, nyɛ ko jua nɛ e ba plɛ pee nɔ ko nɔ́ kulaa. Zugba a, Mawu nɔ́, pi nyɛ nɔ́. Nyɛɛ lɛɛ Mawu nibwɔhi nɛ ba ngɛ ní tsue ngɛ zugba a nɔ kɛkɛ ji nyɛ.

Amos 7:17

Enɛ ɔ he je ɔ, Amazia, Yawɛ ngɛ mo dee ke, ‘O bimɛ ma gbo ngɛ ta nga nɔ. He nyɛli ma ba ngɔ o ma a, nɛ o zugba a maa pee ni kpahi a nɔ nɛ a maa dla. O yo maa bɔ ajuama ngɛ ma a mi, nɛ mo nitsɛ lɛɛ a maa ngɔ mo kɛ ho, nɛ o ma ya gbo ngɛ ma se. A maa nuu Israel bi ɔmɛ nyɔguɛ kɛ maa ho.’ ”

Mika 2:10

Nyɛɛ je hiɛ ɔ nɛ nyɛɛ ho; he jɔɔmi he ko be hiɛ ɔ ha nyɛ. Yayamihi gbegbeegbe nɛ nyɛ pee ngɛ hiɛmɛ nɛ ɔ a he je ɔ, a ma kpata ma nɛ ɔ hɛ mi.

Ni Tsumi 10:14

Se Petro ke, “Nyɔmtsɛ, dɛbi; nɔ́ ko nɛ a buu kaa e he tsɔ we, loo e sɛ nɛ a yeɔ ɔ, i yi hyɛ.”

Mose V, 28:63

Kaa bɔ nɛ Yawɛ bua jɔ nyɛ he, nɛ e ha nyɛ plɔke, nɛ nyɛ he hiɛ babauu ɔ, jã kɛ̃ e bua maa jɔ e he, nɛ e ma kpata nyɛ hɛ mi pɛsɛpɛsɛ. A maa fie nyɛ kɛ je zugba nɛ nyɛ yaa ngɔ ɔ nɔ.

Mose V, 28:68

E ngɛ mi kaa Yawɛ de ke nyɛ be kpalee kɛ ya Egipt gblegbleegble lɛɛ, se e maa wo nyɛ lɛ, nɛ e maa kpale nyɛ kɛ ya lejɛ ɔ. Nyɛ ma hla kaa nyɛ maa jua nyɛ he kaa nyɔguɛ ha nyɛ he nyɛli ɔmɛ ngɛ lejɛ ɔ, se a be nɔ ko nae nɛ ma he nyɛ.”

Mose V, 4:26

I tsɛ hiɔwe kɛ zugba odase kaa ke nyɛ bui mi tue ɔ, nyɛ hɛ mi ma kpata ngɛ zugba a nɔ. Lɛɛ zugba a nɛ nyɛ yaa ngɔ ngɛ Yordan pa a se ɔ, nyɛ se be kɛe ngɛ nɔ. A ma kpata nyɛ hɛ mi pɛsɛpɛsɛ.

Yoshua 23:15

Se, kaa bɔ nɛ Yawɛ, nyɛ Mawu ɔ ha nyɛ ní kpakpahi tsuo nɛ e wo nyɛ a he si ɔ, jã kɛ̃ e maa gbla nyɛ tue kɛ yaa si nyɛ hɛ mi ma kpata ngɛ zugba kpakpa nɛ ɔ nɔ, ke nyɛ bui lɛ tue ɔ.