Hosea 9:14 - BAIBLO ALOO NGMAMI KLƆUKLƆU Ɔ

¹⁴ Lɔ ɔ he ɔ, Yawɛ, i kpa mo pɛɛ, ke yi ɔmɛ ngɔ hɔ ɔ, hɔ ɔ nɛ sane, nɛ nyu nɛ ta a nyɔ mi.

Hosea 9:14 ပူးပေါင်းရင်းမြစ်များ

Luka 23:29

Ejakaa be ma nɛ a ma de ke, ‘Yosahi, kɛ yihi nɛ a mi mi wui ngma, kɛ ni nɛmɛ nɛ ha we nyɔ hyɛ ɔ, a he ngɛ ní pɛ!’

1 Korintobi 7:26

Amlɔ nɛ ɔ, he hiami be ɔ je sisi momo. Lɔ ɔ he ɔ, i susuu kaa mo nɔ, bɔ nɛ o ngɛ ɔ, o hi si jã kɛkɛ.

Luka 21:23

Yihi nɛ maa hɛɛ mi, kɛ ni nɛmɛ nɛ maa hi nyɔ hae jamɛ a be ɔ, kusiɛ ha mɛ! Fimi nɛ nya wa maa ba zugba a nɔ, nɛ Mawu mi mi ma fu kikɛmɛ a ma a.

Marko 13:17

Yihi nɛ hɛɛ muklii, kɛ ni nɛmɛ nɛ ngɛ nyɔ hae ngɛ jamɛ a be ɔ mi ɔ, a ní maa pee mɔbɔ wawɛɛ nitsɛ.

Mateo 24:19

Jamɛ a be ɔ, yihi nɛ maa hɛɛ hɔ, kɛ ni nɛmɛ nɛ maa hi bi nyɔ hae ɔ, due ha mɛ!

Hosea 9:16

Israel ma a, musu tloo mɛ pɛ; a ngɛ kaa tso nɛ e sipoku gbli, nɛ e wui yiblii. A be fɔe; nɛ ke a fɔ tete po, bimɛ ɔmɛ nɛ a suɔ saminya a, ma kpata a hɛ mi.”

Hosea 9:13

Imi Hosea, i na ngɛ nina mi nɛ Israel ngɔ e bimɛ ɔmɛ ngɔ ha kaa lohwehi nɛ a maa gbe. Bitsɛmɛ ɔmɛ nitsɛmɛ maa ngɔ a bimɛ ɔmɛ ya ha nɔ gbeli.

Hosea 9:11

Israel hɛ mi nyami ɔ maa laa mɛ tlukaa kaa bɔ nɛ lohwe pɛlitsɛ tee. Yi ɔmɛ be fɔe hu; hɔ tete po a be ngɔe.

Hiob 21:10

Niinɛ, a na ku ɔmɛ, kɛ na yi ɔmɛ naa bɔmi pɛpɛɛpɛ, nɛ na yi ɔmɛ fɔɔ nɛ nɔ́ ko pee we mɛ.

Mose II, 23:26

Yo ko mi be sanee, nɛ yo ko hu be yosa pee ngɛ zugba a nɔ. Ma ha o wami se maa kɛ.

Mose V, 28:18

“Yawɛ maa gbiɛ nyɛ bimɛ, nɛ a he be hiɛe. E maa gbiɛ nyɛ na amɛ, kɛ to ɔmɛ; a be bɔe, nɛ nyɛ zugba a hu ma gbo; nyɛ be nɔ́ kpakpa ko nae ngɛ mi.