Hosea 9:10 - BAIBLO ALOO NGMAMI KLƆUKLƆU Ɔ

¹⁰ Yawɛ ke, “Benɛ i na Israel ma a kekleekle ɔ, a ngɛ kaa wai yiblii ngɛ nga nɔ. Benɛ i na nyɛ nɛmɛ ɔmɛ ɔ, a ngɛ kaa ngmɔkɔ he nɛ fu ngɛ e be mi. Se benɛ a ba su Peor yo ɔ he ɔ, a ba bɔni Baal jami. A kɛ nɔ́ nɛ ɔ ble a he, nɛ a he pee tai kaa nɔ́ ɔ nɛ a ngɛ jae ɔ nɔuu.

Hosea 9:10 ပူးပေါင်းရင်းမြစ်များ

Matsɛmɛ I, 16:31

E pi ha Ahab kaa e maa pee yayami kaa bɔ nɛ Yeroboam pee ɔ kɛkɛ, se e ya nɔ pee yayami kɛ be nɔ. E ya ngɔ Sidon matsɛ, Etbaal biyo Yezebel, nɛ e ya ja Baal.

Matsɛmɛ II, 17:11

nɛ a sã tsopa kɛ e he via ngɛ jami he ɔmɛ tsuo, kaa bɔ nɛ je ma amɛ nɛ Yawɛ fie kɛ je a blɔ ɔ nɔ ɔ pee ɔ pɛpɛɛpɛ. A pee ní yayamihi kɛ wo Yawɛ mi mi la.

La 115:8

Nihi nɛ pee mɛ ɔ ngɛ kaa amaga amɛ nɔuu. Ni nɛmɛ nɛ ngɔɔ a hɛ kɛ fɔɔ a nɔ ɔ, jã kɛ̃ a ngɛ.

La 81:12

Enɛ ɔ he je ɔ, i ngmɛɛ a je mi he ngɔ ha mɛ, konɛ a pee nɔ́ nɛ mɛ nitsɛmɛ a tsui suɔ.

Lahi 3:6

Mɛni je nga kplanaa a nɔ kɛ ma nɛ ɔ? Mɛni lɛ ma kaa la su ku kusuu nɛ ɔ? Mɛni ji nɛ ɔ kɛ e he via kaa tsopa kɛ e he via, aloo mimɛ, aloo jua yeli a tsopa kpa komɛ nɛ jee via a?

Yesaya 28:4

Bɔ nɛ ke nɔ ko na ngmɔkɔ nɛ fu loko e fumi be su, nɛ e tsɔɔ nɛ e yeɔ tsuatsuaatsua a, ja ma nimeli nɛ ɔmɛ a hɛ mi nyami ɔ maa laa si kake too.

Yeremia 11:13

Bɔ nɛ Yuda ma amɛ hiɛ ɔ, jã kɛ̃ a mawu ɔmɛ hu hiɛ. Bɔ sami la tɛhi nɛ Yerusalem bi ɔmɛ ma, nɛ a sãã tsopa kɛ e he via ngɛ a nɔ kɛ haa yakayaka mawu ɔ nɛ a tsɛɛ Baal ɔ, jamɛ a bɔ sami la tɛ ɔmɛ a he hiɛ babauu kaa gbɛjegbɛhi nɛ ngɛ ma a mi ɔ kɛ̃.

Yeremia 24:2

Ngmɔkɔ kpakpahi ngɛ kekleekle kusii ɔ mi; a ngɛ kaa ngmɔkɔhi nɛ fuu kɛ sɛɛ hlami ɔ. Kusii enyɔne ɔ lɛɛ ngmɔkɔ yayahi nɛ hí yemi lɛ ngɛ mi.

Yeremia 3:24

Baal jami kpata níhi tsuo pɛpɛɛpɛ nɛ wa nɛmɛ ɔmɛ gbo dengme kɛ na ha wɔ blema a, tohi, nahi, kɛ binyumuhi kɛ yihi a hɛ mi.

Yeremia 3:25

Nyɛ ha nɛ waa kɛ zo nɛ pee wa heha nɔ́ kɛ hwɔ si, ejakaa wa pee yayami kɛ si Yawɛ, wa Mawu ɔ. Wa nɛmɛ ɔmɛ pee a nɔ́, nɛ wɔ hu kɛ je wa jokuɛwi a si kɛ ba si mwɔnɛ ɔ, wa kpa we. Wa yi Yawɛ, wa Mawu ɔ mlaa amɛ a nɔ.”

Yeremia 31:2

I na nihi nɛ a he je gbenɔ mi ɔ mɔbɔ ngɛ nga a nɔ. Benɛ Israel bi ɔmɛ ngɛ hlae nɛ a jɔɔ a he ɔ,

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Ezekiel 20:8

Se a tsɔ ye hɛ mi atuã; a kplɛɛ we nɛ a bu mi tue; nɔ ko nɔ ko sakee we yakayaka ní ɔmɛ ngɔ pue he; a hɛɛ Egipt amaga amɛ a mi wawɛɛ. Kɛkɛ nɛ i to ye yi mi kaa ma ha nɛ a nu ye we abofu gbeyegbeye ɔ he ngɛ Egipt.

Hosea 11:1

Benɛ Israel bi ɔmɛ ngɛ kaa jokuɛwi ɔ, i suɔ a sane, nɛ i je mɛ kɛ je Egipt.

Hosea 13:5

Imi nɛ i hyɛ nyɛ nɔ ngɛ nga kplanaa a nɔ, he nɛ nyu ko nyu ko be.

Hosea 2:15

Ma ngɔ wai abɔɔ ɔmɛ kɛ ha lɛ ekohu. Haomi Kɔ̃ ɔ ma plɛ pee he ko nɛ e ma ná ní kpakpahi ngɛ. E kɛ mi maa hi si saminya kaa bɔ nɛ e pee ngɛ e yihe mi, benɛ e je Egipt kɛ ba a.

Hosea 4:14

Ke nyɛ biyi ɔmɛ ya pee a he yaholi, nɛ nyɛ binyumu ɔmɛ a yi ɔmɛ ya puɛ gba a, i be a tue gblae; ejakaa nyɛ nitsɛmɛ hu nyɛ ya nyɛɛɔ yaholi nɛ ɔmɛ a se, nɛ nyɛɛ kɛ mɛ tsuo nyɛ ya sãã bɔ kɛ haa a wɔ ɔmɛ. Ejakaa ‘Ma nɛ li nɔ́ ɔ, a hɛ mi kpataa.’

Hosea 4:18

Ke Israel bi ya tɔ dã kikɛ nɛ ɔ, a bɔɔ ajuama, nɛ a bua jɔɔ. Zo níhi a he a nyaa, pi níhi nɛ maa wo a hɛ mi nyami.

Amos 4:5

Ke nyɛɛ kɛ abolo ma Mawu si nami ɔ, nyɛ peeɔ yayami! Jehanɛ, ke nyɛ je nyɛ tsui mi faa, nɛ nyɛ ngɔ bɔ kpa komɛ kɛ ma po, nyɛ suɔ kaa nyɛɛ fĩa! Israel ma, nɔ́ nɛ nyɛ suɔ peemi ji nɛ ɔ nɛ. Nyɛɛ ya nɔ nɛ nyɛɛ pee!

Mika 7:1

Akuanyɛ! I pee kaa nɔ ko nɛ hwɔ gbe lɛ, nɛ e nɛ tso yiblii ko ngɛ tso ɔmɛ a nɔ, aloo wai yiblii ko ngɛ wai tso ɔmɛ a nɔ nɛ e ye. A kplɔ wai yiblii ɔmɛ, kɛ ngmɔkɔ nganangana amɛ tsuo ta.

Mose IV, 15:39

Deke nɛ ɔmɛ maa pee kaimi nɔ́ kɛ ha nyɛ. Ke nyɛ hyɛ mɛ pɛ nyɛ ma kai Yawɛ mlaa amɛ tsuo, nɛ nyɛ maa ye a nɔ, konɛ nyɛ ko je ye se kɛ ya nyɛɛ basabasa kɛ pee nyɛ suɔmi nya ní.

Mose IV, 18:13

Jã kɛ̃, nɔ́ tsuaa nɔ́ nɛ puɛɔ ngɛ a zugba a nɔ ɔ, a kekleekle yiblii nɛ a kɛ ba haa mi ɔ maa pee o nɔ. O we mi bimɛ tsuo nɛ a he tsɔ ɔ, a ye eko.

Romabi 6:21

Níhi nɛ nyɛ pee, nɛ jehanɛ lɛɛ a he ngɛ nyɛ zo pee ɔ, mɛni se nyɛ na kɛ je mi? Nɔ́ nɛ jeɔ mi ji gbenɔ!

Mose V, 32:10

“E na lɛ ngɛ nga kplanaa a nɔ, he nɛ nɔ ko nɔ ko be. E bu e he, nɛ e hyɛ e nɔ saminya kaa bɔ nɛ nɔ hyɛɛ e bi kpakpa nɛ e suɔ lɛ nɔ.

Mose V, 32:17

Ma a sã bɔ kɛ ha mumi yayamihi, kɛ mawuhi nɛ a he be se nami, mawuhi nɛ a nɛmɛ po li, mawuhi nɛ Israel sɔmɔ we hyɛ.

Mose V, 4:3

Nyɛ nitsɛmɛ nyɛ na nɔ́ nɛ Yawɛ pee ngɛ Peor yo ɔ he. Nɔ tsuaa nɔ nɛ ya nyɛɛ Baal se ngɛ lejɛ ɔ, Yawɛ, nyɛ Mawu ɔ kpata e hɛ mi.

Manyadali 6:32

Lɔ ɔ he ɔ, kɛ je jamɛ a ligbi ɔ, biɛ nɛ a tsɛɔ Gideon ji Yerubaal. E sisi ji, “Ha nɛ Baal kɛ lɛ ya to ní,” ejakaa e ywia Baal bɔ sami la tɛ ɔ.