Hosea 8:5 - BAIBLO ALOO NGMAMI KLƆUKLƆU Ɔ

⁵ Sika tsu na ku ɔ nɛ Samaria bi ɔmɛ jaa a peeɔ mi tai. Ye mi mi fu mɛ. Mɛni be po a ma kpa a we amaga nɛ ɔmɛ jami?

Hosea 8:5 ပူးပေါင်းရင်းမြစ်များ

Kronika II, 13:8

Jehanɛ lɛɛ, he wami ɔ nɛ Yawɛ ngɔ ha David nina kaa mɛ lɛ a yeɔ matsɛ ɔ, nyɛ ngɛ hlae nɛ nyɛɛ te si kɛ si jamɛ a he wami ɔ. Nyɛ he hiɛ babauu, nɛ sika tsu na bihi, nɛ ji mawuhi nɛ Yeroboam pee kɛ ha nyɛ ɔ hu ngɛ nyɛ dɛ.

La 19:13

Yawɛ, moo bu ye he, nɛ ma ko jé ye hɛ mi paa kɛ pee yayami; ko ha nɛ jamɛ a yayami ɔmɛ nɛ a ye ye nɔ. Ja jã loko ye he ma tsɔ kɛ pi si, nɛ i be ye he ngɔe kɛ wo yayami nguahi a mi.

Abɛ Womi 1:22

“Kuasiahi! Mɛni be nyɛ maa biɛ kɛ yaa si? Fɛu yeli! Mɛni be nyɛ maa ye fɛu kɛ yaa si? Anɛ nyɛ be ní kasee?

Yesaya 45:20

Yawɛ ke, “Nyɛ je ma amɛ tsuo, nyɛ nihi nɛ nyɛ yi na wami ɔ, nyɛ bua nyɛ he nya kɛ ba! Nyɛ nihi nɛ hɛɛɔ tso amagahi kɛ hii nyɛɛe, nɛ nyɛ hii sɔlee ha mawuhi nɛ be yi wami nyɛe ma he, nyɛ li nɔ́ ko nɔ́ ko fɛɛ!

Yeremia 13:27

Yawɛ na nyɛ nɛ nyɛ ngɛ níhi nɛ e sume pee. E na nyɛ nɛ nyɛ ya ngɛ mawu kpahi a se nyɛɛe ngɛ nga nɔ kɛ yokuhi a nɔ. E na nyɛ nɛ nyɛ ngɛ huhui kpae kaa okpɔngɔ kuhi kɛ okpɔngɔ yihi nɛ ngɛ bɔe. Yerusalem bi, musu tloo nyɛ! Mɛni be po nyɛ he ma tsɔ?

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Yeremia 48:13

Jamɛ a be ɔ mi loko Moab bi ɔmɛ a hɛ mi ma pue si kaa bɔ nɛ Israel bi ɔmɛ hu a hɛ mi pue si be ko ɔ. A ma kpa si kaa mamoo a mawu Kemosh ɔ be he wami ko kaa Israel bi ɔmɛ hu a mawu Betel ɔ nɛ a ngɔ a hɛ ngɔ fɔ e nɔ ɔ.

Hosea 10:5

Samaria bi maa ye gbeye, nɛ a maa ye kɔmɔ ngɛ sika tsu na ku ɔ nɛ ngɛ Betel nɛ a kpata e hɛ mi ɔ he. A kɛ lakpa osɔfo ɔmɛ tsuo ma nya awe kaa amaga a hɛ mi nyami ɔ laa mɛ.

Hosea 10:8

Wɔ piɛhi nɛ ngɛ Aven yoku ɔ nɔ, he nɛ Israel ma a ya jaa amaga amɛ ngɛ ɔ, a ma kpata a hɛ mi. Mio tso, kɛ hu maa bɔ kɛ pue a bɔ sami la tɛ ɔmɛ a nɔ. Nɛ Israel bi ma kpa ngmlaa ma de yo gagaa amɛ ke, “Nyɛ ba ha wa nɔ!” nɛ a ma de yoku ɔmɛ ke, “Nyɛ ba nɔ wa nɔ!”

Hosea 13:2

A ngɛ yayami pee kɛ mwɔɔ. A ngɛ amagahi jae. Se amaga nɛ ɔmɛ ɔ, nimli a juɛmi kɛ a nine nya ní tsumi nɛ a kɛ sika hiɔ pee ji mɛ. Amagahi nɛ a ngɛ kaa na bi ɔ, ní nɛ ɔmɛ nyɛ ke a sã bɔ ha lo? Kɛ nimli adesahi maa pee kɛɛ nɛ a ma fiɔ ní nɛ ɔmɛ a nya he?

Hosea 8:6

Ga ní tsulɔ ko lɛ puɛ amaga a, pi mawu ji lɛ! Sika tsu amaga a nɛ ngɛ Samaria a, ma ku e mi dukuduku!

Amos 8:14

Nimli nɛ ɔmɛ maa nɔ si, nɛ a be si tee hu gblegbleegble. Ejakaa a jaa mawuhi nɛ ngɛ Samaria, Dan, kɛ Beersheba a, nɛ a kɛ a biɛhi kaa kita.”

Mika 1:7

A maa ku Samaria amaga amɛ tsuo dukuduku. A kɛ la maa sã ní tsuo nɛ e na kɛ je yahomi mi ɔ. Ma kpata e wɔ ɔmɛ tsuo a hɛ mi. Ní nɛ e na a yahomi mi e na kɛ je, lɔ ɔ he ɔ, e ní ɔ tsuo maa ya pee yahomi mi ní kɛ ha ni kpahi.”

Ni Tsumi 7:41

Kɛkɛ nɛ a pee na bi, nɛ a sã bɔ ngɔ ha amaga nɛ ɔ; nɛ mɛ nitsɛmɛ a nine nya ní tsumi ɔ, a na he bua jɔmi babauu.

Mose V, 32:22

Ye mi mi fumi nya maa wa wawɛɛ kaa la nɛ ngɛ tsoe; e maa sã nɔ́ tsuaa nɔ́ ngɛ je ɔ mi kɛ ya su gbeje tɔɔ; e maa sã yo ɔmɛ a sisi tomi ɔmɛ hulɔ.