Hosea 8:14 - BAIBLO ALOO NGMAMI KLƆUKLƆU Ɔ

¹⁴ “Israel ma a hɛ je a bɔlɔ ɔ nɔ, nɛ a ya ma we nguanguahi. Yuda ma hu po mahi babauu nɛ a fia gbogbo ngɔ wo a he. Se ma ha la maa sã we nguangua amɛ, kɛ ma amɛ nɛ a fia gbogbo wo a he ɔ tsuo.”

Hosea 8:14 ပူးပေါင်းရင်းမြစ်များ

Mose V, 32:18

A Mawu ɔ nɛ baa a yi, nɛ́ he a yi wami ɔ, a hɛ je a nɔ.

Yeremia 17:27

Se e sa kaa a bu mi nɛ a ye Hejɔɔmi ligbi ɔ kaa ligbi klɔuklɔu. A ko tloo tlomi ko kɛ gu Yerusalem agbo ɔmɛ a mi jamɛ a ligbi ɔ; ke a pee ja a, ma mɛ Yerusalem agbo ɔmɛ a he la. La a maa sã Yerusalem mɔ ɔmɛ, nɛ nɔ ko nɔ ko be nyɛe maa gbe.”

Amos 2:5

Ma mɛ Yuda ma a, kɛ Yerusalem mɔ ɔmɛ a he la.”

Hosea 13:6

Se benɛ nyɛ ye ní nɛ nyɛ tɔ saminya a, nyɛ wo nyɛ he nɔ, nɛ nyɛ hɛ je ye nɔ.

Yesaya 17:10

Israel Mawu ɔ nɛ kpɔ mo kɛ je o he nyɛli a dɛ mi, nɛ e pee kaa tɛ sa nguaa ko ha mo ɔ, o hɛ je e nɔ. Lɔ ɔ he ɔ, o ngɛ ngmɔhi nɛ ngɛ fɛu pee, nɛ o ngɛ ma se tsohi due ngɛ a mi.

Amos 1:10

Ma mɛ Tiro gbogbo ɔmɛ, kɛ mɔ ɔmɛ a he la.”

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Amos 1:14

Ma mɛ Raba gbogbo ɔmɛ, kɛ mɔ ɔmɛ a he la. A ma he ose hoo ta hwumi ligbi ɔ, nɛ ta a ma puɛ ní kaa lasiogblee.

Amos 1:12

Ma mɛ Teman ma a, kɛ Bozra mɔ ɔmɛ a he la.”

Amos 1:4

Ma mɛ we ɔ nɛ Matsɛ Hazael po ɔ he la, nɛ Matsɛ Benhadad mɔ ɔmɛ maa sã.

Hosea 2:13

Ma gbla Gomer tue ngɛ níhi nɛ e pee be ko ɔ a he. Ke pee ɔ, Gomer ma dla e he saminyayoo kɛ nguɛ ní, kɛ june kpakpa, nɛ e ma ya sã tsopa kɛ e he via ha Baal. E ma dla e he saminyayoo kikɛ nɛ ɔ, nɛ e ma ya hi e pla amɛ a nɔ kpae; kɛkɛ ɔ, e hɛ maa je ye nɔ pɛsɛpɛsɛ. Ma gbla e tue ngɛ ní nɛ ɔmɛ a he. Yawɛ lɛ de.

Yeremia 23:27

Nlamihi nɛ a sɛɛɔ kɛ haa a sibi ɔ, a susuɔ kaa lɔ ɔmɛ ma ha nɛ ye ma a hɛ maa je ye nɔ kaa bɔ nɛ a nɛmɛ ɔmɛ a hɛ je ye nɔ nɛ a ya sɔmɔ Baal ɔ.

Yeremia 3:21

Ngmlaa ko ngɛ pɛe ngɛ yoku kpataa amɛ a nɔ; Israel bi lɛ a wo yana, nɛ a ngɛ kue fae; ejakaa a pee yayami, nɛ a hɛ je Yawɛ, a Mawu ɔ nɔ.

Yeremia 2:32

Anɛ yiheyo hɛ maa je e june nɔ lo? Anɛ ayɛflo hɛ maa je e tade nɔ lo? Se ye ma a lɛɛ a hɛ je ye nɔ ligbi babauu nɛ e be hie kanemi.

Yesaya 43:21

Mɛ ji ye ma nɛ imi nitsɛ i bɔ ha ye he, konɛ a la kɛ je ye yi!”

Yesaya 42:25

Lɔ ɔ he ɔ, e ha wa nu e mi mi fumi nɛ nya wa a he, nɛ ta nɛ nya wa ba tua wɔ. E mi mi la a mle kɛ wo Israel he kɛ kpe, se a li nɔ́ nɛ ngɛ nɔ yae ɔ; wa kase we nɔ́ ko kulaa kɛ ji mi.

Yesaya 42:13

Yawɛ hia kpo kaa ta bulɔ; e hia kpo kaa ta bulɔ nɛ hɛ dɔ. E ngɛ ngmlaa kpae. E ngɛ ose hee kɛ ngɛ e he nyɛli ɔmɛ woe kaa e kɛ mɛ maa to ní.

Yesaya 29:23

Ke o na bimɛ ɔmɛ nɛ ma ha mo ɔ, jamɛ a be ɔ mi o ma de ke niinɛ, imi ji Israel Mawu Klɔuklɔu ɔ nɛ.

La 106:21

Mawu, a kpɔlɔ ɔ nɛ tsu ní tsumi nguanguahi ngɛ Egipt ɔ, a hɛ je e nɔ.

Kronika II, 27:4

E po mahi ngɛ Yuda yo ɔmɛ a nɔ, nɛ e ma mɔhi ngɛ hue ɔmɛ a mi.

Kronika II, 26:10

E ma mɔhi ngɛ nga a nɔ hulɔ, nɛ e tsua vuhi fuu, ejakaa e ngɛ lohwehi babauu ngɛ kɔ̃ ɔ mi, kɛ nga a nɔ. Akɛnɛ e suɔ humi he je ɔ, e wo e ma mi bi ɔmɛ he wami, nɛ a hu wai ngmɔhi ngɛ yoku ɔmɛ a nɔ, kɛ kɔ̃ ɔmɛ a mi.

Matsɛmɛ I, 16:31

E pi ha Ahab kaa e maa pee yayami kaa bɔ nɛ Yeroboam pee ɔ kɛkɛ, se e ya nɔ pee yayami kɛ be nɔ. E ya ngɔ Sidon matsɛ, Etbaal biyo Yezebel, nɛ e ya ja Baal.

Matsɛmɛ I, 12:31

Jehanɛ, Yeroboam ma jami hehi ngɛ yoku ɔmɛ a nɔ. E hla ma a mi nimli saisaa nɛ e wo mɛ osɔfo; nihi nɛ ji Levi wɛtso ɔ mi po, e wo mɛ osɔfo.

Matsɛmɛ II, 18:13

Matsɛ Hezekia yi nɔ jeha nɛ ji nyɔngma kɛ eywiɛ ɔ mi ɔ, Asiria matsɛ, Senakerib ba tua Yuda mahi tsuo nɛ a fia gbogbo ngɔ wo a he ɔ, nɛ e ngɔ ma amɛ.

La 95:6

Nyɛɛ ba nɛ waa ngɔ wa hɛ mi kɛ bu si, nɛ wa ja lɛ. Nyɛ ha nɛ wa kpla si ngɛ Yawɛ, wa bɔlɔ ɔ nane nya.

Yesaya 9:9

Israel bi tsuo nɛ ngɛ Samaria ma a mi ɔ, a ti nɔ tsuaa nɔ ma na maa le kaa lɛ nɛ e tsu nɔ́ nɛ ɔ nɛ. Amlɔ nɛ ɔ lɛɛ, a ngɛ a he nɔ woe; a ngɛ pupuupu pee. A ngɛ dee ke,

Yesaya 9:10

“Bliikisi we ɔmɛ ku pue si; wɔɔ lɛɛ wa maa ngɔ tɛ nɛ a kó kɛ maa ma ekohu. A poo sikamore tsohi ngɔ pueɔ si; se wɔɔ lɛɛ waa kɛ seda tso kpakpahi ma tsake mɛ.”

Yeremia 5:17

A maa ye nyɛ ngmɔ niba ní ɔmɛ, kɛ nyɛ niye ní ɔmɛ tsuatsuaatsua; a maa gbe nyɛ binyumu ɔmɛ, kɛ nyɛ biyi ɔmɛ. A ma tsɔtslɔɔ nyɛ to ɔmɛ, kɛ nyɛ na amɛ, nɛ a ma kpata nyɛ wai, kɛ nyɛ ngmɔkɔ ɔmɛ a hɛ mi. Nyɛ mahi nɛ a fia gbogbo ngɔ wo a he, nɛ nyɛ ngɔ nyɛ hɛ kɛ fɔ a nɔ ɔ, he nyɛli ɔmɛ a tabo ɔmɛ ma kpata jamɛ a ma amɛ a hɛ mi.

Ezekiel 23:35

Bɔ nɛ Nyɔmtsɛ Yawɛ ngɛ mo dee ji nɛ ɔ nɛ: “O hɛ je ye nɔ, nɛ o plɛ se ngɔ wo mi; lɔ ɔ he ɔ, o maa na o yahomi, kɛ o we ajuama bɔmi ɔ mi nɔ́.”

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.