Hosea 8:13 - BAIBLO ALOO NGMAMI KLƆUKLƆU Ɔ

¹³ A gbeɔ lohwehi kɛ sãã bɔ kɛ haa mi, nɛ lo ɔ nɛ a kɛ ba sã bɔ ɔ lɛɛ mɛ nitsɛmɛ a yeɔ. Se imi Yawɛ, ye bua jɔɛ a he. Ma kai a he yayami ɔmɛ, nɛ ma gbla a tue kokooko ngɛ he; ma kpale mɛ kɛ ho Egipt ya!

Hosea 8:13 ပူးပေါင်းရင်းမြစ်များ

Mose II, 20:3

“Ko ja mawu ko kɛ piɛ ye he.

Mose II, 32:34

Moo lɛɛ yaa nɛ o ya kpaka ye ma a kɛ ya he nɛ i de mo ɔ. Ye bɔfo ɔ maa nyɛɛ o hɛ mi. Se be ma nɛ ma wo ma a hiɔ ngɛ a he yayami ɔ he.”

Abɛ Womi 21:27

Yayami peelɔ bɔ ɔ, Yawɛ sume kulaa, hluu nɛ a de ke yi mi tomi yayami piɛ bɔ ɔ he.

Yesaya 1:11

Yawɛ ke, “Bɔ ɔmɛ tsuo nɛ nyɛ ngɔɔ kɛ ba haa mi ɔ, anɛ nyɛ susuɔ kaa i suɔ lo? To ɔmɛ nɛ nyɛ kɛ ba sãã bɔ, kɛ lohwe kpakpa amɛ a zɔ ɔ hiɛ tsɔ ha mi. Na kuhi, kɛ jijɔhi, kɛ akpakpohi a muɔ ba ti mi.

Yeremia 14:10

Bɔ nɛ Yawɛ ngɛ dee ngɛ nimli nɛ ɔmɛ a he ji nɛ ɔ nɛ: “A suɔ kaa a maa je ye blɔ ɔmɛ a nɔ kɛ ya kpa ngɛ he nɛ a suɔ. Enɛ ɔ he je ɔ, i sume mɛ. Ma kai yayamihi nɛ a pee ɔ, nɛ ma gbla a tue.”

Yeremia 6:20

Tsopa kɛ e he via nɛ a kɛ jeɔ Sheba kɛ ba haa mi ɔ, mɛni ma pee he? Nu he via nɛ a kɛ jeɔ ma se lokoo kɛ ba haa mi ɔ, i hla we. I be a sami bɔ ɔmɛ ngɔe; bɔ kpa amɛ hu i sume.

Ezekiel 29:16

Ke e ba mi ja a, e be ma nɛ Israel bi ɔmɛ maa ngɔ a hɛ kɛ fɔ e nɔ pee hu. Ejakaa a ma kai kaa e ji tɔmi agbo kaa Israel ngɔ e hɛ kɛ fɔ Egipt nɔ. Kɛkɛ ɔ, Israel maa le kaa imi ji Nyɔmtsɛ Yawɛ.”

Hosea 11:5

“Akɛnɛ a kua ye ngɔ bami ɔ, a maa kpale kɛ ho Egipt ya, nɛ Asiria maa ye a nɔ.

Hosea 12:11

Se kɛ̃, a ngɛ yayami pee kɛ mwɔɔ; a jaa amaga ngɛ Gilead, nɛ a kɛ na ku sãã bɔ ngɛ Gilgal. Lɔ ɔ he ɔ, ma kpata a hɛ mi; bɔ sami la tɛ ɔmɛ hu maa ywia, nɛ tɛ ɔmɛ ma pue si glekuu glekuu ngɛ ngmɔ ɔmɛ a mi.”

Hosea 4:9

Ma gbla nyɛ tsuo nyɛ tue: ma mi no gu jio, osɔfo jio, ma gbla nyɛ tue ngɛ yayami nɛ nyɛ peeɔ ɔ he.

Hosea 5:6

A maa ngɔ tohi, kɛ nahi kɛ ba sã bɔ ha Yawɛ, se a be lɛ nae; ejakaa Yawɛ je a se.

Hosea 6:6

Nɔ́ nɛ i ngɛ hlae ngɛ nyɛ dɛ kɛkɛ ji suɔmi nɛ ngɛ daa; pi bɔ sami. Ma suɔ kaa nyɛɛ le imi Mawu ɔ mohu, pe kaa nyɛ maa sã sami bɔ kɛ sa ye hɛ mi!

Hosea 7:11

Israel ngɛ kaa beleku lahuɛ nɛ ngɛ tee kɛ ngɛ yae kɛ ngɛ bae; e be juɛmi. Ke o ke o hyɛɛ ɔ, Israel bi ji nɛ nɛ a yaa bi yemi kɛ buami ngɛ Egipt; pee se kɛkɛ a pue Asiria blɔ.

Hosea 7:16

A je ye se, nɛ mawu nɛ be he wami ko he wami ko ɔ, lɔ ɔ se a ngɛ nyɛɛe. A ngɛ kaa kɛ̃ɛ̃ nɛ kpɛ̃. A ma kpata a ma nimeli ɔmɛ a hɛ mi, ejakaa a tuɔ munyu puu; nɛ Egipt bi kɛ nɔ́ nɛ ɔ maa ye a he fɛu.”

Hosea 7:2

E bɛ a juɛmi mi gblee kaa bɔ tsuaa bɔ nɛ pee ɔ, a he yayami nɛ ɔmɛ tsuo fɔɔ si paa ngɛ ye hɛ mi nɛ i ngɛ hyɛe.”

Hosea 9:6

Ke Asiria bi ba nuu mɛ nyɔguɛ nɛ a gbɛ fĩa a, Egipt bi ma bua a nya; ee, a ma bua a nya ya pu mɛ ngɛ Memfis! Mio tso, kɛ pú maa bɔ kɛ pue a wehi, kɛ a sika hiɔ níhi nɛ he jua waa tsuo a nɔ.

Hosea 9:7

Be nɛ a maa gbla Israel ma a tue ɔ su. Be ɔ su nɛ a maa wo mɛ hiɔ. Kɛkɛ ɔ, nɔ tsuaa nɔ maa hɛli si! Nyɛ deɔ ke, “Gbalɔ nɛ ɔ biɛ lo! Nyumu ɔ nɛ na mumi ɔ nu godo!” Nyɛ deɔ enɛ ɔ, ejakaa nyɛ he yayami hiɛ babauu; nɛ nyɛ sume mi saasaa.

Hosea 9:9

Ma a puɛ kulaa kɛ yayami peemi kaa bɔ nɛ a pee ngɛ Gibea be ko ɔ. Yayami nɛ a pee ɔ, Mawu hɛ be nɔ jee; e maa gbla a tue kokooko.

Amos 3:2

Yawɛ ke, “Ngɛ je ma amɛ tsuo a kpɛti ɔ, nyɛ pɛ ji ma nɛ i je blɔ hla, nɛ i ngɛ nɔ hyɛe. Enɛ ɔ ha nɛ nyɛ he yayami ɔ kle agbo, nɛ e hia kaa ma gbla nyɛ tue wawɛɛ nitsɛ.”

Amos 5:22

Nyɛ sami bɔ ɔmɛ, kɛ niye ní bɔ ɔmɛ ɔ, i be ngɔe. Lohwehi nɛ nyɛ je blɔ lɛ mɛ nɛ a wo zɔ nɛ nyɛ maa ngɔ kɛ ba sã tue mi jɔmi bɔ ha mi ɔ, i be hee.

Amos 8:7

Yawɛ, nɔ nɛ Israel woɔ e hɛ mi nyami ɔ ka kita ke, “Ye hɛ be a ní yayami ɔmɛ a nɔ jee gblegbleegble.

Luka 12:2

Nɔ́ ko be nɛ a bu nɔ, nɛ a be kpo jee; nɛ nɔ́ ko hu be nɛ a ngɔ laa, nɛ a be lee.

1 Korintobi 11:20

Ke nyɛ nya ba bua a, pi Nyɔmtsɛ niye ní ɔ nɛ nyɛ yeɔ.

1 Korintobi 11:29

Ejakaa nɔ nɛ yeɔ abolo ɔ, nɛ e nuɔ wai ngɛ kplu ɔ mi kɛkɛ, nɛ e susuu we Nyɔmtsɛ ɔ nɔmlɔ tso ɔ he, kɛ nɔ́ nɛ e ji ɔ, Mawu maa gbla e tue.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Mose V, 28:68

E ngɛ mi kaa Yawɛ de ke nyɛ be kpalee kɛ ya Egipt gblegbleegble lɛɛ, se e maa wo nyɛ lɛ, nɛ e maa kpale nyɛ kɛ ya lejɛ ɔ. Nyɛ ma hla kaa nyɛ maa jua nyɛ he kaa nyɔguɛ ha nyɛ he nyɛli ɔmɛ ngɛ lejɛ ɔ, se a be nɔ ko nae nɛ ma he nyɛ.”

Kpojemi 16:19

Ma nguaa a mi gba etɛ, nɛ je ma amɛ a hɛ mi kpata. Mawu kai Babilon ma kpetekpleenyɛ ɔ, nɛ e ha nɛ e nu wai kɛ je e kplu ɔ mi. Wai nɛ ɔ daa si ha Mawu mi mi fumi nɛ nya wa a.

Samuel I, 15:22

Samuel bi ke, “Anɛ Yawɛ nyaa sami bɔ, kɛ bɔ kpahi a he pe e munyu ɔ tue bumi lo? O nɛ, tue bumi hi pe bɔ sami, nɛ munyu ngɔmi hi pe jijɔhi a zɔ.