Hosea 7:2 - BAIBLO ALOO NGMAMI KLƆUKLƆU Ɔ

² E bɛ a juɛmi mi gblee kaa bɔ tsuaa bɔ nɛ pee ɔ, a he yayami nɛ ɔmɛ tsuo fɔɔ si paa ngɛ ye hɛ mi nɛ i ngɛ hyɛe.”

Hosea 7:2 ပူးပေါင်းရင်းမြစ်များ

Hiob 34:21

E hɛ ngɛ nɔmlɔ he be tsuaa be. E náá e ní peemi níhi tsuo.

La 10:11

Nɔ́ nɛ yiwutsotsɛ nɛ ɔ deɔ ngɛ e yi mi ji, “Oo, Mawu hɛ je nɔ; Mawu má e hɛngmɛ; e hyɛ we mi tete po!”

La 25:7

Yawɛ, yayamihi nɛ i pee, kɛ tɔmihi nɛ i tɔ ngɛ ye nihe mi ɔ, ko kai hu. Mohu ɔ, o suɔmi nɛ ngɛ daa, kɛ kpakpa nɛ o peeɔ he je ɔ, o hɛ ko je ye nɔ.

La 50:22

“Nyɛ nihi tsuo nɛ nyɛ hɛ je imi Mawu, ye nɔ ɔ, nyɛ susu nɔ́ nɛ ɔ he saminya. Ke pi ja a, ma tsɔtslɔɔ nyɛ, nɛ nɔ ko nɔ ko be nɛ ma kpɔ nyɛ.

La 9:16

Yawɛ je e he kpo; e ye dami sane, nɛ yayami peeli a nane ya du klama a nɛ mɛ nitsɛmɛ a tsɔ ɔ.

La 90:8

O ngɔ wa he yayami ɔmɛ ngɔ pue o hɛ mi; wa diblii mi yayami ɔmɛ tsuo ngɛ o hɛ mi paa.

Yesaya 1:3

Nahi le a tsɛ, nɛ tejihi hu le he nɛ a nɔ hyɛlɔ haa mɛ ní ngɛ. Se imi nitsɛ ye ma Israel ɔ, mɛɛ lɛɛ a li nɔ́ ko nɔ́ ko; a juɛmi bɛ he.”

Yesaya 26:16

Yawɛ, o gbla o ma a tue; nɛ benɛ e fi mɛ ɔ, a fa kue kɛ tsɛ mo.

Yesaya 44:19

Amaga peelɔ ɔ be juɛmi, loo e kɔ we nɔ́ se nɛ e ma de ke, “Hyɛ kaa i sã tso ɔ fa kaa lɛ́; i sã abolo ngɛ la a mi; i ngɔ la a kɛ sã de lo, nɛ i ye. Anɛ nɔ́ nɛ piɛ ɔ, ma kɛ puɛ amaga lo? Anɛ ma kpla si ha tso kpoku lo?”

Yesaya 5:12

Nyɛ tsɛɔ ní yemi nɛ nyɛ nuɔ dã; nyɛ fiaa saku, nɛ nyɛ nyaa; nyɛ kpaa bɛ, nɛ nyɛ hii miɛ. Se akɛnɛ nɔ́ nɛ Yawɛ ngɛ pee ɔ lɛɛ nyɛ susuu we he kulaa he je ɔ,

Yeremia 14:10

Bɔ nɛ Yawɛ ngɛ dee ngɛ nimli nɛ ɔmɛ a he ji nɛ ɔ nɛ: “A suɔ kaa a maa je ye blɔ ɔmɛ a nɔ kɛ ya kpa ngɛ he nɛ a suɔ. Enɛ ɔ he je ɔ, i sume mɛ. Ma kai yayamihi nɛ a pee ɔ, nɛ ma gbla a tue.”

Yeremia 16:17

Nɔ́ tsuaa nɔ́ nɛ a ngɛ pee ɔ, i ngɛ hyɛe. Nɔ́ ko nɔ́ ko be nɛ a ngɛ pee nɛ i nɛ; a ní yayami ɔmɛ fɔɔ si ngɛ ye hɛ mi.

Yeremia 17:1

Yawɛ ke, “Nyɛ Yuda bi, nyɛ he yayami ɔ, dade ningma tso a kɛ ngma; a kɛ sika tɛ nya piɔpiɔ ngma ngɛ nyɛ tsui mi, nɛ a kpɛ́ ngɛ nyɛ bɔ sami la tɛ koli ɔmɛ a nɔ.

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Yeremia 32:19

O toɔ nile gahi, nɛ o peeɔ ní nguanguahi. O naa níhi tsuo nɛ nimli adesahi peeɔ, nɛ o woɔ mɛ hiɔ bɔ pɛ nɛ sa mɛ.

Yeremia 4:18

Yuda, mo nitsɛ o je mi babɛ, kɛ o ni peepee lɛ ngɔ haomi nɛ ɔ kɛ ba o nɔ ɔ nɛ. E ngɛ kaa tsopa ko nɛ mo nitsɛ o nu, nɛ e doomi ɔ ya su o tsui he tɔɔ.

Yeremia 44:21

“Tsopa kɛ e he via nɛ nyɛɛ kɛ nyɛ nɛmɛ ɔmɛ, nyɛ matsɛmɛ ɔmɛ, nyɛ ma nimeli ɔmɛ, kɛ ma mi bi ɔmɛ sã ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ ɔ, anɛ nyɛ susu kaa Yawɛ li lo? Nyɛ bu kaa e hɛ je nɔ?

Ezekiel 21:29

Ninahi nɛ nyɛ na a tsuo, lakpa sɔuu; gbamihi nɛ nyɛ ngɛ gbae ɔ hu jã kɛ̃. Nyɛ yiwutsotsɛmɛ nɛ yayami pɛ nyɛ peeɔ, nyɛ be ɔ su ta; be nɛ a maa gbla nyɛ tue ɔ ma oo! A kɛ klaate ma kpata nyɛ hɛ mi pɛsɛpɛsɛ.’

Hosea 12:2

Yawɛ kɛ Yuda ma a ná. E maa gbla Israel ma a hu tue ngɛ a je mi bami he. A he yayami ɔmɛ a he ɔ, e maa gbla a tue.

Hosea 4:9

Ma gbla nyɛ tsuo nyɛ tue: ma mi no gu jio, osɔfo jio, ma gbla nyɛ tue ngɛ yayami nɛ nyɛ peeɔ ɔ he.

Hosea 6:2

Ngɛ ligbi enyɔ mi ɔ, e ma ha wa na he wami ekohu; ligbi etɛne ɔ, e ma wo wa nɔ nɛ waa kɛ lɛ maa hi si.

Hosea 8:13

A gbeɔ lohwehi kɛ sãã bɔ kɛ haa mi, nɛ lo ɔ nɛ a kɛ ba sã bɔ ɔ lɛɛ mɛ nitsɛmɛ a yeɔ. Se imi Yawɛ, ye bua jɔɛ a he. Ma kai a he yayami ɔmɛ, nɛ ma gbla a tue kokooko ngɛ he; ma kpale mɛ kɛ ho Egipt ya!

Hosea 9:15

Yawɛ ke, “Israel ma a je a yayami peemi ɔ tsuo sisi ngɛ Gilgal, nɛ lejɛ ɔ a he bɔni mi tai peemi kɛ je. Yi wu tso níhi nɛ a pee ɔ a he ɔ, ma fie mɛ kɛ je zugba a nɔ. I be mɛ suɔe hu; Israel ma nimeli ɔmɛ tsuo tsɔ ye hɛ mi atuã.

Hosea 9:9

Ma a puɛ kulaa kɛ yayami peemi kaa bɔ nɛ a pee ngɛ Gibea be ko ɔ. Yayami nɛ a pee ɔ, Mawu hɛ be nɔ jee; e maa gbla a tue kokooko.

Amos 8:7

Yawɛ, nɔ nɛ Israel woɔ e hɛ mi nyami ɔ ka kita ke, “Ye hɛ be a ní yayami ɔmɛ a nɔ jee gblegbleegble.

Yona 1:2

“Yaa Nineve ma nguaa a mi nɛ o ya kuɛ wo ma mi bi ɔmɛ, nɛ o de mɛ ke, i na paa kaa a yi mi wami ɔ su he ko jehanɛ.”

Mose IV, 32:23

Se ke nyɛ yi nyɛ si womi ɔ nɔ ɔ, lɛɛ nyɛ na nɛ nyɛɛ le kaa nyɛ pee yayami kɛ si Yawɛ; nɛ bɔ tsuaa bɔ nɛ pee ɔ, nyɛ ma na nyɛ yayami ɔ he tue gblami.

Luka 12:2

Nɔ́ ko be nɛ a bu nɔ, nɛ a be kpo jee; nɛ nɔ́ ko hu be nɛ a ngɔ laa, nɛ a be lee.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Mose V, 32:29

A nyɛ we nɛ a na nɔ́ he je nɛ a ye a nɔ ɔ; a nui nɔ́ nɛ ba a sisi.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.