Hosea 7:16 - BAIBLO ALOO NGMAMI KLƆUKLƆU Ɔ

¹⁶ A je ye se, nɛ mawu nɛ be he wami ko he wami ko ɔ, lɔ ɔ se a ngɛ nyɛɛe. A ngɛ kaa kɛ̃ɛ̃ nɛ kpɛ̃. A ma kpata a ma nimeli ɔmɛ a hɛ mi, ejakaa a tuɔ munyu puu; nɛ Egipt bi kɛ nɔ́ nɛ ɔ maa ye a he fɛu.”

Hosea 7:16 ပူးပေါင်းရင်းမြစ်များ

La 12:3

Yawɛ, nihi nɛ tuɔ munyu dɔkɔdɔkɔ, kɛ ni nɛmɛ nɛ fĩaa a, mo kpata mɛ tsuo a hɛ mi.

La 12:4

A deɔ ke, “Wa ngɔɔ wa nya mi munyu kɛ naa nɔ́ tsuaa nɔ́ nɛ wa ngɛ hlae. Nɔ́ tsuaa nɔ́ nɛ wa suɔ kaa wa ma de ɔ, wa ma de. Mɛnɔ ma nyɛ maa tsi wa nya?”

La 12:5

Se Yawɛ ke, “Akɛnɛ a ngɛ ohiatsɛmɛ yi mi wae, nɛ dɛgutsɛmɛ ngɛ kɛmɛe he je ɔ, jehanɛ lɛɛ ma te si, nɛ ma ha mɛ he jɔmi nɛ a ngɛ hlae ɔ.”

La 17:10

Mɔbɔ nami ko be a mi; he nɔ womi munyuhi lɛ jeɔ a nya.

La 52:2

Nihi a hɛ mi kpatami he sɔuu o ngɛ soe be tsuaa be. O lilɛ ngɛ kaa asoyi nɛ nya ba, mo lakpatsɛ, nɔ sisilɔ.

La 57:4

He nyɛli bɔle mi kɛ kpe kaa jatahi nɛ yeɔ nɔmlɔ lo; a lunguhi ngɛ kaa akplɔhi, kɛ kɛ̃ɛ̃ mi bihi; a lilɛhi a nya ba kaa klaate nɛ a duɔ nya saminya.

La 73:9

A tuɔ munyu kɛ siɔ Mawu ngɛ hiɔwe. A sibi nimli adesahi lɛɛ a kɛ mɛ tuɔ munyu basabasa bɔ nɛ a suɔ.

La 78:37

A yi lɛ anɔkuale ɔ, somi nɛ e kɛ mɛ so ɔ hu a yi nɔ.

La 78:57

A je Mawu se; a yi lɛ anɔkuale kɛ pi si kaa a nɛmɛ ɔmɛ nɔuu. A gba kɛ je e blɔ ɔ nɔ kaa kɛ̃ɛ̃ nɛ mi dɔ nɛ nyɛ we nɛ e ya e hɛ mi tɛɛ.

Yesaya 3:8

Niinɛ, musu tloo Yerusalem! Yuda hɛ mi kpata! Ejakaa a deɔ nɔ́ tsuaa nɔ́, nɛ a peeɔ nɔ́ tsuaa nɔ́ kɛ siɔ Yawɛ; a jee blɔ pueɔ Mawu nitsɛ hɛ mi si.

Yeremia 18:18

Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

Yeremia 3:10

Ní nɛ ɔmɛ tsuo a se ɔ, Yuda, Israel nyɛmiyo yaholɔ ɔ kpale we kɛ bɛ ye ngɔ kɛ e tsui tsuo; e ní peemi níhi tsɔɔ we kaa e tsake. Imi, Yawɛ lɛ i de.”

Yeremia 42:18

“Yawɛ Tabohiatsɛ, Israel Mawu ɔ ke, ‘Bɔ nɛ i ngɔ ye mi mi la nɛ nya wa a kɛ kple Yerusalem ma mi bi ɔmɛ a nɔ ɔ, ja pɛ ma pee nyɛ ke nyɛ je kɛ ho Egipt ya. Nyɛ ma plɛ pee kita kami nɔ́, gbeye nɔ́, gbiɛmi nɔ́, kɛ ahlua nɔ́. Nyɛ be hiɛmɛ nɛ ɔ nae hu.’ ”

Ezekiel 23:32

Yawɛ ke, “O nyɛmiyo ɔ kplu ɔ kle; e mi kuɔ hulɔ. O maa nu nɔ́ nɛ ngɛ mi ɔ tsuo. A maa muɔ mo, a maa ye o he fɛu, ejakaa kplu ɔ hyi buɛii.

Ezekiel 36:20

He tsuaa he nɛ a ya a, nihi tuɔ munyu kɛ puɛɔ ye biɛ klɔuklɔu ɔ. A deɔ ke, ‘Yawɛ nitsɛ ma ji nɛ ɔ nɛ, se e fie mɛ kɛ je zugba nɛ e ha mɛ ɔ nɔ.’

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Hosea 11:5

“Akɛnɛ a kua ye ngɔ bami ɔ, a maa kpale kɛ ho Egipt ya, nɛ Asiria maa ye a nɔ.

Hosea 11:7

Ye ma a fia pɛɛ si kaa a ma kua mi; enɛ ɔ he je ɔ, ma gbla a tue, nɛ nɔ ko nɔ ko be nyɛe maa je ngmlaa ha mɛ.

Hosea 6:4

Se Yawɛ ke, “Israel kɛ Yuda, kɛ ma pee nyɛ kɛɛ? Suɔmi nɛ nyɛ ngɛ kɛ ha mi ɔ ngɛ kaa afua nɛ wo mɔtu, loo bɔ́ nɛ́ nɛ; bɔɔ kɛkɛ e se po.

Hosea 7:13

“Musu tloo mɛ! Ma kpata a hɛ mi; ejakaa a tsɔ ye hɛ mi atuã, nɛ a je ye se. I hla kaa ma he a yi wami; se a ja we mi anɔkuale mi.

Hosea 9:3

Israel be zugba nɛ ɔ nɔ hie daa. A maa kpale kɛ ho Egipt ya, nɛ niye ní nɛ he tsɔ we ɔ, lɔ ɔ a ma ya ye ngɛ Asiria.

Hosea 9:4

Israel bi be nyɛe maa ngɔ dã ba ha Yawɛ, nɛ ní nɛ a maa ye ɔ ma ble mɛ kaa ya sisi niye ní. A ma nyɛ maa ye kɛ gbe hwɔ kɛkɛ, pi kaa a maa ngɔ kɛ ya sã bɔ ngɛ Yawɛ we ɔ.

Hosea 9:6

Ke Asiria bi ba nuu mɛ nyɔguɛ nɛ a gbɛ fĩa a, Egipt bi ma bua a nya; ee, a ma bua a nya ya pu mɛ ngɛ Memfis! Mio tso, kɛ pú maa bɔ kɛ pue a wehi, kɛ a sika hiɔ níhi nɛ he jua waa tsuo a nɔ.

Malaki 3:13

Yawɛ ke, “Nyɛ tuɔ munyuhi nɛ a he wa kɛ siɔ mi. Se nyɛ biɔ ke, ‘Kɛ wa plɛ kɛ tu munyu kɛ si mo kɛɛ?’

Malaki 3:14

Ɛ̃ɛ̃, nyɛ deɔ ke, ‘Mawu jami he be se nami; ke wa ye Yawɛ Tabohiatsɛ ɔ mlaa amɛ a nɔ, nɛ wa pee mɔbɔmɔbɔ kaa nihi nɛ a he yayami ngɛ mɛ dɔe ɔ, mɛni se wa ma na?

Mateo 12:36

“I ngɛ nyɛ dee ke kojomi ligbi ɔ, nyɛ ti nɔ tsuaa nɔ maa bu akɔtaa ngɛ yaka munyu tsuaa yaka munyu nɛ e tu hyɛ he.

Luka 8:13

Wuhi nɛ ya pue tɛ zugba mi ɔ daa si ha nihi nɛ ke a nu munyu ɔ, a heɔ kɛ bua jɔmi, se e he we si ngɛ a tsui mi. A heɔ yeɔ be kuku kɛkɛ, se ke haomi ba a nɔ kɛkɛ a hemi kɛ yemi ta.

Yakobo 3:5

Ja nɔuu lilɛ ngɛ; lilɛ ngɛ nyafii lɛɛ, se e fĩaa ní nguahi. Hyɛ kaa la bɔbɔyoo pɛ maa sã hue tso!

2 Petro 2:8

Benɛ nɔmlɔ kpakpa nɛ ɔ ngɛ a kpɛti ɔ, daa nɛ ɔ, e naa, nɛ e nuɔ ní yayamihi nɛ a ngɛ pee ɔ a he; nɛ nɔ́ nɛ ɔ hao e tsui.

Kpojemi 13:5

A ngmɛ lohwe ɔ blɔ nɛ e tu munyu nguahi, kɛ musu bɔmi munyuhi putɛputɛɛ kɛ si Mawu, nɛ a ha lɛ blɔ hulɔ nɛ e kɛ je e he wami kpo nyɔhiɔ nyingmi eywiɛ kɛ enyɔ.