Hosea 7:11 - BAIBLO ALOO NGMAMI KLƆUKLƆU Ɔ

¹¹ Israel ngɛ kaa beleku lahuɛ nɛ ngɛ tee kɛ ngɛ yae kɛ ngɛ bae; e be juɛmi. Ke o ke o hyɛɛ ɔ, Israel bi ji nɛ nɛ a yaa bi yemi kɛ buami ngɛ Egipt; pee se kɛkɛ a pue Asiria blɔ.

Hosea 7:11 ပူးပေါင်းရင်းမြစ်များ

Matsɛmɛ II, 15:19

Asiria matsɛ, Tiglat Pileser ba tua Israel; nɛ Menahem ha lɛ sika hiɔ kilo akpe nyingmi etɛ kɛ eywiɛ, bɔ nɛ pee nɛ Tiglat Pileser nɛ e piɛ e he, nɛ e matsɛ yemi ɔ nɛ da si.

Matsɛmɛ II, 16:7

Ahaz tsɔ ya de Asiria matsɛ, Tiglat Pileser ke, “O tsɔlɔ kɛ o binyumu ji mi. Siria matsɛ, kɛ Israel matsɛ ba tua mi, lɔ ɔ he ɔ, ba nɛ o ba je ngmlaa ha mi.”

Abɛ Womi 15:32

Nɔ nɛ kplɛɛ we nɛ a tsɔseɔ lɛ ɔ, e ngɛ lɛ nitsɛ e he awi yee. Se nɔ nɛ buɔ tue ɔ, e naa nile.

Abɛ Womi 17:16

Mɛni se kuasia ma na ke e maa hɛɛ sika kɛ ya he nile, be mi nɛ e be juɛmi?

Abɛ Womi 6:32

Se nyumu nɛ puɛɔ gba a, e be juɛmi; lɛ nitsɛ e hɛ mi lɛ e ngɛ kpatae.

Yeremia 2:18

Mɛni o susu kaa o ma na ngɛ Egipt loko o ya lejɛ ɔ? Nɛ́ o ya nu Nilo pa a mi nyu, pi ja lo? Mɛni o susu kaa o ma na ngɛ Asiria loko o ya lejɛ ɔ? Nɛ́ o ya nu Yufrate pa a mi nyu, pi ja lo?

Yeremia 2:36

Nyɛɛ hyɛ bɔ nɛ nyɛ nane nya ngɛ sɔe kɛ ngɛ yae kɛ ngɛ bae, nɛ nyɛ ngɛ yemi kɛ buami hlae ngɛ je ma amɛ a ngɔ! Nyɛ hɛ mi ma pue si ngɛ Egipt kaa bɔ nɛ nyɛ hɛ mi pue si be ko ngɛ Asiria a.

Hosea 11:11

A maa je Egipt kɛ ba kɛ fo kaa lohwe pɛlitsɛmɛ. A maa je Asiria kɛ maa ba kaa lahuɛhi. Ma kpale mɛ kɛ ba a we ɔmɛ a mi ekohu. Imi Yawɛ lɛ i de.”

Hosea 12:1

“Daa nyɔ kɛ pia a, yi wu tso níhi, kɛ níhi nɛ a he be se nami sɔuu Israel ma a ngɛ pee. A sisiɔ nɔ, nɛ a pueɔ muɔ si. A kɛ Asiria ngɛ huɛ bɔe, nɛ Egipt lɛɛ a kɛ lɛ yeɔ nu jua.”

Hosea 12:2

Yawɛ kɛ Yuda ma a ná. E maa gbla Israel ma a hu tue ngɛ a je mi bami he. A he yayami ɔmɛ a he ɔ, e maa gbla a tue.

Hosea 14:3

Asiria be nyɛe ma he wa yi wami. Wa be wa he ngɔe kɛ fɔ ta okpɔngɔhi a nɔ. Wa be wa amaga amɛ dee hu ke mɛ ji wa Mawu. Yawɛ, mo nɛ o naa awusahi mɔbɔ.”

Hosea 4:11

Yawɛ ke, “Wai he, kɛ wai momo ha nɛ ye ma a ngɛ biɛe! A je ye se kulaa!

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

Hosea 5:13

“Benɛ Israel na kaa e hiɔ ɔ nya ba wa, nɛ Yuda hu na kaa e plaa wawɛɛ nitsɛ ɔ, Israel ho Asiria matsɛ ɔ ngɔ ya ya bi yemi kɛ buami. Se e nyɛ we nɛ e tsa hiɔ ɔ ha Israel, nɛ pa amɛ hu e nyɛ we nɛ e pee nɔ́ ko ngɛ a he.

Hosea 5:4

Yayami nɛ ma a pee ɔ ha we nɛ a nyɛ nɛ a kpale kɛ ba a Mawu ɔ ngɔ. Amaga jami ngɔ a tsui kulaa, nɛ a li Yawɛ hu.

Hosea 8:13

A gbeɔ lohwehi kɛ sãã bɔ kɛ haa mi, nɛ lo ɔ nɛ a kɛ ba sã bɔ ɔ lɛɛ mɛ nitsɛmɛ a yeɔ. Se imi Yawɛ, ye bua jɔɛ a he. Ma kai a he yayami ɔmɛ, nɛ ma gbla a tue kokooko ngɛ he; ma kpale mɛ kɛ ho Egipt ya!

Hosea 9:3

Israel be zugba nɛ ɔ nɔ hie daa. A maa kpale kɛ ho Egipt ya, nɛ niye ní nɛ he tsɔ we ɔ, lɔ ɔ a ma ya ye ngɛ Asiria.

Hosea 9:6

Ke Asiria bi ba nuu mɛ nyɔguɛ nɛ a gbɛ fĩa a, Egipt bi ma bua a nya; ee, a ma bua a nya ya pu mɛ ngɛ Memfis! Mio tso, kɛ pú maa bɔ kɛ pue a wehi, kɛ a sika hiɔ níhi nɛ he jua waa tsuo a nɔ.

Obadia 1:7

Ni nɛmɛ nɛ o kɛ mɛ peeɔ kake kɛ hwuɔ ta a, a mlɔɔ mo nɛ a fie mo kɛ je o ma a mi. Ni nɛmɛ nɛ kɛ mo ngɛ saminya a, a mlɔɔ mo nɛ a ye o nɔ. Huɛmɛ nɛ kɛ mo yeɔ ní ɔ hu tsɔ mo klama, nɛ a deɔ ke? ‘Jije a hɛ mi tɛ̃mi ɔ ngɛ?’

Mateo 10:16

“Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.