Hosea 7:1 - BAIBLO ALOO NGMAMI KLƆUKLƆU Ɔ

¹ “Be tsuaa be nɛ i hla kaa ma tsa ye ma Israel hiɔ ɔ, yi wu tso ní peemi, kɛ ní yayahi sɔuu i naa ngɛ Samaria. A sisiɔ a sibi, a sɛɛ wehi a mi ya juɔ, nɛ a yeɔ ojo ngɛ blɔ ɔmɛ a nɔ.

Hosea 7:1 ပူးပေါင်းရင်းမြစ်များ

Yesaya 28:1

Musu tloo Efraim nina, Israel nɔ yemi ɔ. E hɛ mi nyami ɔ ngɛ tae kaa mɔmɔ jlasi nɛ ma nimeli dã tɔli ngɔ fi a yi. A wo a yi mi nu je via saminya lɛɛ, se hyɛ mɛ nɛ a tɔ dã kpɔtɔɔ kɛ pueɔ si.

Yesaya 59:12

“Yawɛ, wa tɔmi ɔmɛ hiɛ babauu ngɛ o hɛ mi. Wa he yayami ɔmɛ yeɔ odase kɛ siɔ wɔ. Wɔ nitsɛmɛ wa le wa nisɛ ní a ní ɔmɛ tsuo.

Yesaya 59:13

Wa tɔ o nɔ; wa wa nihi yi mi, nɛ wa kua mo. Wa ja we mo hu. Ni yayahi a he wa susuɔ, nɛ lakpa pɛ wa yeɔ.

Yesaya 59:14

Wa yi dami sane, nɛ nɔ́ nɛ da hu wa pee we. Wa yi anɔkuale ngɛ sane yemi he; nɛ wa susuu we nɔ́ nɛ da he kulaa.

Yeremia 51:9

Nibwɔhi nɛ ngɛ Babilonia a de ke, ‘Jinɛ wa ka kaa wa maa piɛ a he, se wa ya nyɛ we. Lɔ ɔ he ɔ, nyɛ ha nɛ waa je e he; nɔ tsuaa nɔ nɛ pue e ma mi blɔ. Mawu gbla Babilonia tue wawɛɛ nitsɛ; Mawu kpata zugba a hɛ mi pɛsɛpɛsɛ.’ ”

Ezekiel 16:46

“O nyɛmiyo nɔkɔtɔma Samaria, kɛ e mi bi ɔmɛ ngɛ o kasa nya ngɛ omleyi je, nɛ o nyɛmiyo jokuɛyo Sodom, kɛ lɛ hu e mi bi ɔmɛ ngɛ o leneyi je.

Ezekiel 23:4

Nɔkɔtɔma a biɛ ji Ohola, nɛ e senɔ ɔ biɛ ji Oholiba. I ngɔ mɛ ngɔ pee ye yihi, nɛ a fɔ bimɛ nyumuhi kɛ yihi ha mi. Biɛ Ohola a daa si ha Samaria, nɛ Oholiba hu daa si ha Yerusalem.

Ezekiel 24:13

Yerusalem, o yahomi basaa nɛ puɛ mo ɔ ji kana a nɛ. I gbo dengme kɛ bɔ o he mɔde, konɛ o he nɛ tsɔ; se mu ɔ ngɛ o he kpamisa. Lɔ ɔ he ɔ, o he be tsɔe kɛ je o mu ní peemi ní ɔmɛ a mi hu kɛ yaa si be nɛ ma ngɔ mi mi la kɛ gbla o tue wawɛɛ.

Hosea 10:5

Samaria bi maa ye gbeye, nɛ a maa ye kɔmɔ ngɛ sika tsu na ku ɔ nɛ ngɛ Betel nɛ a kpata e hɛ mi ɔ he. A kɛ lakpa osɔfo ɔmɛ tsuo ma nya awe kaa amaga a hɛ mi nyami ɔ laa mɛ.

Hosea 11:12

Yawɛ ke, “Lakpa sɔuu Israel ma a ngɛ yee, nɛ a ngɛ nihi sisie ngɛ ye hɛ mi paa. Se imi Mawu, i le bɔ nɛ Yuda hu ngɛ kɛ ba si amlɔ nɛ ɔ. Yuda ma a ngɛ imi Nɔ Klɔuklɔu ɔ anɔkuale yee kɛ mwɔɔ.

Hosea 11:8

“Israel ma, kɛ maa pee kɛɛ nɛ ma ngmɛɛ nyɛ he? Kɛ maa pee kɛɛ nɛ ma kua nyɛ? Kɛ maa pee kɛɛ nɛ ma kpata nyɛ hɛ mi kaa bɔ nɛ i pee Adma a? Kɛ maa pee kɛɛ nɛ ma wa nyɛ yi mi kaa bɔ nɛ i pee Zeboyim ɔ? Ye tsui be mi blɔ ngmɛe kaa ma pee jã! Suɔmi nɛ i ngɛ kɛ ha nyɛ ɔ nya wa tsɔ!

Hosea 12:1

“Daa nyɔ kɛ pia a, yi wu tso níhi, kɛ níhi nɛ a he be se nami sɔuu Israel ma a ngɛ pee. A sisiɔ nɔ, nɛ a pueɔ muɔ si. A kɛ Asiria ngɛ huɛ bɔe, nɛ Egipt lɛɛ a kɛ lɛ yeɔ nu jua.”

Hosea 12:2

Yawɛ kɛ Yuda ma a ná. E maa gbla Israel ma a hu tue ngɛ a je mi bami he. A he yayami ɔmɛ a he ɔ, e maa gbla a tue.

Hosea 4:17

Israel ma a ke e ma ja amaga! É ya nɔ nɛ e pee nɔ́ nɛ e tsui suɔ.

Hosea 4:2

Kita kami, lakpa yemi, muɔ si puemi, ju, kɛ gba puɛmi sɔuu ji a ní tsumi. Nɔ́ ko nɔ́ ko si we mɛ kpu, nɛ muɔ si kɛkɛ a ngɛ puee.

Hosea 5:1

“Nyɛ osɔfohi, nyɛɛ bu tue! Israel ma nyɛ tã tue! Matsɛ we mi bimɛ, nyɛɛ bu tue! Nyɛ sa tue gblami! Ejakaa nyɛ pee kaa klama nɛ a tsɔ ngɛ Mizpa, kɛ yá nɛ a wo ngɛ Tabor yo ɔ nɔ,

Hosea 6:4

Se Yawɛ ke, “Israel kɛ Yuda, kɛ ma pee nyɛ kɛɛ? Suɔmi nɛ nyɛ ngɛ kɛ ha mi ɔ ngɛ kaa afua nɛ wo mɔtu, loo bɔ́ nɛ́ nɛ; bɔɔ kɛkɛ e se po.

Hosea 7:13

“Musu tloo mɛ! Ma kpata a hɛ mi; ejakaa a tsɔ ye hɛ mi atuã, nɛ a je ye se. I hla kaa ma he a yi wami; se a ja we mi anɔkuale mi.

Hosea 8:5

Sika tsu na ku ɔ nɛ Samaria bi ɔmɛ jaa a peeɔ mi tai. Ye mi mi fu mɛ. Mɛni be po a ma kpa a we amaga nɛ ɔmɛ jami?

Hosea 8:9

Israel ma a tue wa kaa nga mi teji nɛ ngɛ si kpae. A ho ya bi Asiria bi yemi kɛ buami, nɛ a ya bɔ ma kpahi hu apaa ke a ba piɛ a he.

Amos 3:10

Yawɛ ke, “Nimli nɛ ɔmɛ a mɔ ɔmɛ hyi tɔ kɛ níhi nɛ a gu ju kɛ yi mi wami blɔhi a nɔ kpɔ ngɛ nihi a dɛ. Bɔ nɛ a yeɔ anɔkuale po, a li.

Amos 3:9

Mawu de gbalɔ ɔ ke e tsɔ nɛ a ya de nihi nɛ a ngɛ mɔ nguanguahi a mi ngɛ Egipt kɛ Ashdod ke, “Nyɛ ya bua nyɛ he nya ngɛ yo ɔmɛ nɛ bɔle Samaria a nɔ, nɛ́ nyɛɛ hyɛ yayamihi nɛ a ngɛ pee ngɛ lejɛ ɔ, kɛ bɔ nɛ lejɛ ɔ pee basabasa ha.”

Amos 8:14

Nimli nɛ ɔmɛ maa nɔ si, nɛ a be si tee hu gblegbleegble. Ejakaa a jaa mawuhi nɛ ngɛ Samaria, Dan, kɛ Beersheba a, nɛ a kɛ a biɛhi kaa kita.”

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Luka 13:34

“Yerusalem Yerusalem! O gbe gbali ɔmɛ, nɛ nihi nɛ a tsɔ mɛ o ngɔ ɔ, o fia mɛ tɛ! Hyɛ si abɔ nɛ i hla kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya ngɔ woɔ e pɛli sisi; se nyɛ kplɛɛ we!

Luka 19:42

nɛ e de ke, “I na nɛ mwɔnɛ ligbi nɛ ɔ, o le níhi nɛ hia mo loko o ma na tue mi jɔmi! Se a ngɔ laa mo!