Hosea 6:7 - BAIBLO ALOO NGMAMI KLƆUKLƆU Ɔ

⁷ “Se benɛ ma a ya su he ko nɛ a tsɛɛ ke Adam ɔ, a kua mi; somi nɛ i kɛ mɛ so ɔ, a yi nɔ hu.

Hosea 6:7 ပူးပေါင်းရင်းမြစ်များ

Mose I, 3:11

Mawu bi lɛ ke, “Mɛnɔ lɛ de mo ke o hɛɛ o he gu ɔ? Tso yiblii ɔ nɛ i de nyɛ ke nyɛ ko ye ɔ, tse o ya ye eko?”

Mose I, 3:6

Yo ɔ na kaa tso ɔ ngɛ fɛu; e na kaa tso ɔ yiblii ɔ maa ngɔ, nɛ e ma ha nɛ nɔ maa le ní. Lɔ ɔ he ɔ, e tsɔ eko nɛ e ye, nɛ e ha e huno ɔ hu eko nɛ e ye.

Matsɛmɛ II, 17:15

A kua e blɔ nya tomi ɔmɛ, kɛ somi nɛ e kɛ a nɛmɛ ɔmɛ so ɔ, kɛ slɔmihi nɛ e slɔ mɛ ɔ. A ya nyɛɛ yakayaka amagahi a se, nɛ mɛ nitsɛmɛ a plɛ pee yakayaka nimli. Je ma amɛ nɛ bɔle mɛ kɛ kpe, nɛ Yawɛ wo mɛ mlaa ngɛ a he ke a ko pee a níhi kaa mɛ ɔ, a ya nyɛɛ jamɛatsɛmɛ ɔmɛ mohu a se.

Hiob 31:33

I laa we ye yayamihi a nɔ kaa bɔ nɛ Adam pee ɔ.

Yesaya 24:16

Wa nu yi jemi lahi nɛ a ngɛ lae kɛ je je mi nyagbe he ɔmɛ kɛ ngɛ dalɔ ɔ hɛ mi nyami woe. Se imi lɛɛ, hɛ kɛ nɔ fɔmi ko kulaa be ha mi! He lo kɛkɛ i ngɛ tae. Ye yi ta pɛ! Yi mi sɔuu nɛ nihi ngɛ a sibi wae kpamisa.

Yesaya 24:5

Ni ɔmɛ ble zugba a; nɛ a kɛ nɔ́ nɛ ɔ peemi tɔ Mawu mlaa amɛ a nɔ. A tsake blɔ nya tomi ɔmɛ, nɛ somi nɛ ngɛ daa a hu a yi nɔ.

Yesaya 48:8

Nyɛ nui hyɛ, nɛ nyɛ li lolo; kɛ je blema lokoo ɔ, nyɛ tue bli we lolo! Ejakaa i le kaa yi wu tso níhi nyɛ peeɔ; kɛ je nyɛ fɔmi be mi tɔɔ ɔ, atuã tsɔli a tsɛɔ nyɛ.

Yeremia 3:7

Jinɛ i susu kaa nɛ Israel pee ní nɛ ɔmɛ tsuo se ɔ, e maa kpale kɛ ba ye ngɔ nɛ e ba pee ye nɔ́ ekohu; se e pee we ja. Nɛ e nyɛmiyo Yuda, nɛ lɛ hu e yi anɔkuale kaa lɛ nɔuu ɔ na nɔ́ nɛ ɔ.

Yeremia 31:32

Somi nɛ ɔ maa je kpa ngɛ somi nɛ i kɛ a nɛmɛ ɔmɛ so ɔ he. Benɛ i kɛ a nɛmɛ ɔmɛ so ɔ, jamɛ a be ɔ nɛ i nu a kɔni si nɛ i kpaka mɛ kɛ je Egipt zugba a nɔ. I kɛ mɛ hi si kaa a huno, se somi nɛ i kɛ mɛ so ɔ lɛɛ a yi nɔ fɛɛ.

Yeremia 34:18

I kɛ Yuda ma nimeli ɔmɛ, Yerusalem ma nimeli ɔmɛ, matsɛ we ɔ tsɔli ɔmɛ, osɔfo ɔmɛ, kɛ ma hɛ mi nyɛɛli ɔmɛ tsuo so somi. Okadi nɛ a pee ji a gbe na bi, nɛ a gba mi enyɔ, nɛ a nyɛɛ fa enyɔ ɔmɛ a mi kɛ be. Se a yi somi ɔ, kɛ blɔ nya tomi ɔmɛ a nɔ. Lɔ ɔ he ɔ, bɔ nɛ a pee na bi ɔ, ja nɔuu ma pee mɛ.

Yeremia 5:11

Israel kɛ Yuda tsuo yi mi anɔkuale. Imi, Yawɛ lɛ i de.”

Yeremia 9:6

A peeɔ yi wu tso níhi nɔtonɔto; jã kɛ̃ nɛ a sisiɔ nɔ. Yawɛ ke e ma mi bi ɔmɛ kua lɛ.

Hosea 5:7

A yi Mawu anɔkuale; a kɛ ni kpahi ya fɔ bimɛ. Lɔ ɔ he ɔ, e be kɛe kulaa nɛ mɛ nitsɛmɛ, kɛ a zugba a tsuo hɛ mi ma kpata.

Hosea 8:1

Yawɛ ke, “Nyɛ kpa titimati! Ejakaa he nyɛli ma nɛ a ba tua ye zugba a kaa bɔ nɛ kɔle he sɔɔ kɛ saa nɔ́ ɔ. Somi nɛ i kɛ ye ma a so ɔ, a yi nɔ, nɛ a tɔ̃ ye mlaa amɛ hulɔ.

Romabi 5:14

Se kɛ je Adam yi nɔ kɛ ba si Mose yi nɔ ɔ, gbenɔ kpata nimli adesahi a hɛ mi wawɛɛ; pohu nimli nɛ ɔmɛ pee we yayami kaa Adam nɛ lɛɛ e tɔ mlaa a nɛ a wo lɛ ɔ tete ɔ. Adam ji nɔ nɛ maa ba a he okadi.

Mose V, 31:20

I ma kpaka mɛ kɛ ya zugba kpakpa nɛ baa ní saminya nɛ ɔ nɔ kaa bɔ nɛ i wo a nɛmɛ ɔmɛ si ɔ. A ma na niye ní bɔ nɛ a ngɛ hlae ngɛ lejɛ ɔ. A maa ye ní nɛ a maa tɔ, nɛ a ma na bua jɔmi. Se kɛ̃ ɔ, a maa je ye se kɛ ya ja mawu kpahi. A ma kua mi, nɛ a be somi nɛ i kɛ mɛ so ɔ nɔ yee,

Hebribi 8:9

Somi he nɛ ɔ maa slo kulaa ngɛ somi nɛ i kɛ a nɛmɛ ɔmɛ so blema benɛ i je mɛ kɛ je Egipt ɔ he. Somi nɛ i kɛ mɛ so ɔ, a yi nɔ; lɔ ɔ he ɔ, i ngmɛɛ a he.