Hosea 6:6 - BAIBLO ALOO NGMAMI KLƆUKLƆU Ɔ

⁶ Nɔ́ nɛ i ngɛ hlae ngɛ nyɛ dɛ kɛkɛ ji suɔmi nɛ ngɛ daa; pi bɔ sami. Ma suɔ kaa nyɛɛ le imi Mawu ɔ mohu, pe kaa nyɛ maa sã sami bɔ kɛ sa ye hɛ mi!

Hosea 6:6 ပူးပေါင်းရင်းမြစ်များ

Mateo 9:13

Nyɛɛ ya nɛ nyɛ ya hla ngmami nɛ ɔ sisi: ‘Mɔbɔ nami i ngɛ hlae, se pi bɔ sami!’ I bɛ nɛ ma ba tsɛ nihi nɛ peeɔ nɔ́ nɛ da, se mohu yayami peeli.”

Mateo 12:7

Ngmami ɔ ke, ‘Mɔbɔ nami i ngɛ hlae, se pi bɔ.’ Nyɛ le nɔ́ nɛ ɔ sisi jinɛ nihi nɛ yi fɔ ɔ, nyɛ ko bui mɛ fɔ.

Abɛ Womi 21:3

Pee nɔ́ nɛ sa, kɛ nɔ́ nɛ da; lɔ ɔ saa Yawɛ hɛ mi pe nɔ nɛ a maa sã bɔ ha lɛ.

Samuel I, 15:22

Samuel bi ke, “Anɛ Yawɛ nyaa sami bɔ, kɛ bɔ kpahi a he pe e munyu ɔ tue bumi lo? O nɛ, tue bumi hi pe bɔ sami, nɛ munyu ngɔmi hi pe jijɔhi a zɔ.

Amos 5:21

Yawɛ ke, “Kusumihi nɛ nyɛ peeɔ, kɛ gua pɔtɛɛhi nɛ nyɛ bɔɔ ngɛ nyɛ nyami ligbi ɔmɛ a nɔ, nɛ nyɛɛ kɛ woɔ ye hɛ mi nyami ɔ, i hiee, nɛ i na we a he bua jɔmi.

Yesaya 1:11

Yawɛ ke, “Bɔ ɔmɛ tsuo nɛ nyɛ ngɔɔ kɛ ba haa mi ɔ, anɛ nyɛ susuɔ kaa i suɔ lo? To ɔmɛ nɛ nyɛ kɛ ba sãã bɔ, kɛ lohwe kpakpa amɛ a zɔ ɔ hiɛ tsɔ ha mi. Na kuhi, kɛ jijɔhi, kɛ akpakpohi a muɔ ba ti mi.

Fiɛlɔ 5:1

Ke o yaa Mawu we ɔ, hyɛ o he nɔ saminya. E hi kaa o ma ya kase ní ngɛ lejɛ ɔ, pe nɔ́ nɛ o ma ya sã bɔ kaa bɔ nɛ kuasiahi peeɔ ɔ; ejakaa a li kaa a ngɛ yayami pee.

Yeremia 22:16

E ye ohiatsɛmɛ, kɛ nɔ́ nali a sane ha mɛ, nɛ e nɔ́ tsuaa nɔ́ ya nɔ bɔ nɛ sa. Anɛ pi enɛ ɔ peemi ji Yawɛ lemi lo?

Mateo 5:7

“A gbaa ni nɛmɛ nɛ naa mɔbɔ, ejakaa a maa na mɛ mɔbɔ.

Daniel 4:27

Lɔ ɔ he ɔ, nɛnɛ, moo bu ye ga womi tue. Kpa yayami peemi; moo pee nɔ́ nɛ da, nɛ o na ohiatsɛmɛ mɔbɔ. Ke o pee ja a, o maa ya nɔ ma plɔke.”

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Yeremia 7:22

Benɛ i je nyɛ nɛmɛ ɔmɛ kɛ je Egipt zugba a nɔ ɔ, i wui mɛ mlaa ko mlaa ko ngɛ sami bɔ, loo bɔ kpa komɛ a he.

1 Yohane 3:6

Lɔ ɔ he ɔ, ke nɔ ko ngɛ Kristo mi ɔ, e pee we yayami hu. Se nɔ nɛ ngɛ yayami pee kɛ mwɔɔ ɔ, e nɛ Kristo, nɛ e li lɛ hulɔ.

1 Yohane 2:3

Ke wa yeɔ Mawu mlaa amɛ a nɔ ɔ, lɔ ɔ waa kɛ naa anɔkuale mi kaa wa le lɛ.

Mika 6:6

Ke i ma nɛ ma ba ja Yawɛ, hiɔwe Mawu ɔ, mɛni ma hɛɛ kɛ ba ha lɛ? Anɛ ma ngɔ na bihi nɛ a ye jeha kakaaka kɛ ba sá sami bɔ ha lɛ lo?

Hosea 4:1

Nyɛ Israel bi, nyɛɛ bu nɔ́ nɛ Yawɛ ngɛ dee ɔ tue. Yawɛ ke Israel ma a tɔ̃ e nɔ. E ke, “Anɔkuale yemi ta zugba a nɔ; suɔmi be, nɛ imi Mawu nitsɛ hu a li mi.

Yesaya 58:6

“Hwɔ hami nɛ maa sa ye hɛ mi ji nɛ ɔ nɛ. Nyɛ kpa yi wu tso ní peemi, nɛ nyɛɛ ye dami sane. Nyɛ kplɔ kuɛpã tso ngɛ ni nɛmɛ nɛ nyɛ ngɛ mɛ yi mi wae ɔ a kuɛ, nɛ nyɛɛ ku mɛ dukuduku, konɛ ni ɔmɛ nɛ a ye a he.

Hosea 2:20

Ma ye ye siwo ɔ nɔ, nɛ ma ngɔ mo kɛ pee ye nɔ́, nɛ mo hu o ma tsɛ mi ke Yawɛ.

La 50:8

Bɔhi, kɛ sami bɔhi nɛ nyɛ kɛ baa ye hɛ mi ɔ, pi lɔ ɔmɛ a he nɛ i ngɛ nyɛ hɛ mi kae ngɛ.

Marko 12:33

Jehanɛ, e sa kaa nɔmlɔ nɛ suɔ Mawu kɛ e tsui, kɛ e juɛmi, kɛ e klaa, kɛ e he wami tsuo, nɛ́ e suɔ e nyɛmi nɔmlɔ hu kaa bɔ nɛ e suɔ lɛ nitsɛ e he. Ke o ye mlaa enyɔ nɛ ɔmɛ a nɔ ɔ, e hi pe sami bɔhi, kɛ bɔhi tsuo nɛ o maa sã ha Mawu.”

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Mika 6:8

Dɛbi! Yawɛ tsɔɔ wɔ nɔ́ nɛ hi. Nɔ́ nɛ e ngɛ hlae ngɛ wa dɛ kɛkɛ ji kaa waa ye dami sane, nɛ waa na mɔbɔ, nɛ waa ba wa he si ha wa Mawu ɔ.

Hosea 8:13

A gbeɔ lohwehi kɛ sãã bɔ kɛ haa mi, nɛ lo ɔ nɛ a kɛ ba sã bɔ ɔ lɛɛ mɛ nitsɛmɛ a yeɔ. Se imi Yawɛ, ye bua jɔɛ a he. Ma kai a he yayami ɔmɛ, nɛ ma gbla a tue kokooko ngɛ he; ma kpale mɛ kɛ ho Egipt ya!