Hosea 6:5 - BAIBLO ALOO NGMAMI KLƆUKLƆU Ɔ

⁵ Enɛ ɔ he je nɛ i tsɔ ye gbali ɔmɛ nɛ a ba bɔ nyɛ kɔkɔ kaa ma gbla nyɛ tue ɔ nɛ. I ke a maa gbla nyɛ tue kaa bɔ nɛ oslabai gbaa a.

Hosea 6:5 ပူးပေါင်းရင်းမြစ်များ

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Matsɛmɛ I, 14:6

Se benɛ Abiya nu e nane si pɛmi ngɛ sinya a nya kɛ ma a, e de lɛ ke, “Yeroboam yo, moo ba! Mɛni he je o tsake o he kaa nɔ kpa nɛ ɔ? I ngɛ sane yobu ko nɛ ma de mo.

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Matsɛmɛ I, 18:17

Benɛ Ahab na lɛ ɔ, e bi ke, “Mo, Israel nya doolɔ ɔ ji nɛ ɔ?”

Matsɛmɛ I, 19:17

Nɔ tsuaa nɔ nɛ maa tu fo kɛ je Hazael klaate nya a, Yehu maa gbe lɛ; nɛ nɔ nɛ maa tu fo kɛ maa je Yehu klaate nya a, Elisha maa gbe lɛ.

Matsɛmɛ II, 1:16

nɛ e ya de lɛ ke, “Yawɛ ke, ‘Akɛnɛ o tsɔ ya bi ní ngɛ Ekron mawu Baalzebub ɔ ngɔ, kaa nɔ́ nɛ Mawu be Israel nɛ a ma bi lɛ ga womi he je ɔ, o yi be wami nae; o ma gbo!’ ”

Kronika II, 21:12

Gbalɔ Eliya ngma Yehoram womi, nɛ nɔ́ nɛ e ngma ngɛ womi ɔ mi ji nɛ ɔ nɛ: “Yawɛ, o nɛ̃ David Mawu ɔ bu mo fɔ; ejakaa o ya nyɛɛ we o tsɛ Yehoshafat, aloo Yuda matsɛ, Asa blɔ kpakpa amɛ a nɔ.

Hiob 15:30

nɛ diblii maa wo lɛ. E maa pee kaa tso nɛ la sã e kɔnihi, nɛ kɔɔhiɔ muɔ e mɔmɔ ɔmɛ kɛ ho.

Hiob 34:10

Lɔ ɔ he ɔ, nyɛɛ bu mi tue, nyɛ juɛmitsɛmɛ! Anɛ Mawu maa pee yi wu tso ní lo? Anɛ Ope ɔ maa pee nɔ́ nɛ dɛ blɔ lo?

La 119:120

O he sawale nu mi, nɛ ye he ngɛ doe blibliibli; ejakaa o kojomi ɔmɛ ngɛ gbeye.

La 37:6

E maa ye dami sane ha mo; e maa wo mo nguɔ. Nɔ́ nɛ ɔ maa je kpo paa kaa pu la, nɛ nihi tsuo maa na.

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

Yesaya 58:1

Yawɛ ke, “Kpa ngmlaa boboobo bɔ nɛ o ma nyɛ; ha nɛ o nya nɛ wa wawɛɛ kaa titimati! Jaje ye ma Israel tɔmi ɔmɛ kɛ tsɔɔ mɛ!

Yeremia 1:10

Mwɔnɛ ligbi nɛ ɔ, i ha mo he wami ngɛ je mahi, kɛ matsɛ yemihi a nɔ; o maa hia, o maa kũɔ, o ma puɛ, o ma kpata hɛ mi, o maa ma, nɛ o ma du.”

Yeremia 1:18

Yeremia, bu tue! Nɔ tsuaa nɔ nɛ ngɛ zugba nɛ ɔ nɔ ɔ: Yuda matsɛmɛ ɔmɛ, ganɔ ɔmɛ, osɔfo ɔmɛ, kɛ ma mi bi ɔmɛ maa te kɛ wo mo. Se mwɔnɛ ligbi nɛ ɔ, i ngɛ mo he wami hae nɛ o ye a nɔ. I pee mo kaa ma nɛ a fia gbogbo ngɔ wo he, aloo dade titima, aloo gbogbo nɛ a kɛ akɔblee pee. A be mo nyɛe; ejakaa i kɛ mo ngɛ, nɛ ma je mo kɛ je a dɛ mi. Imi, Yawɛ lɛ i de.”

Yeremia 13:13

Jehanɛ, de mɛ ke imi Yawɛ, ma ha nihi tsuo nɛ ngɛ zugba nɛ ɔ nɔ, matsɛmɛ ɔmɛ nɛ ji David nina a, osɔfo ɔmɛ, gbali ɔmɛ, kɛ Yerusalem bi ɔmɛ tsuo dã nɛ a nu kɛ yaa si a maa de kpɔtɔɔ.

Yeremia 23:29

Ye sɛ gbi ɔ, anɛ e be kaa la lo? Anɛ e be kaa hamle nɛ ywiaa tɛ sa wɔtsɔwɔtsɔ lo?

Ezekiel 11:4

Lɔ ɔ he ɔ, nɔmlɔ adesa, gbaa ke musu tloo mɛ.”

Ezekiel 3:9

Ma ha nɛ o hɛ mi maa wa kaa tɛ nɛ he wa pe tslɛbo po. Koo ye mɛ gbeye, nɛ o tsui ko po ngɛ a hɛ mi; ejakaa mɛɛ lɛɛ atuã pɛ a tsɔɔ.”

Ezekiel 32:18

E ke, “Nɔmlɔ adesa, ye kɔmɔ ha Egipt ma kpekpemi ɔ tsuo. Ngɔɔ a kɛ je ma amɛ nɛ a hɛ mi ngɛ nyami ɔ kɛ ya zugba a sisi tɔɔ kɛ ya piɛ nihi nɛ ngɛ gbeje ɔ a he.

Ezekiel 43:3

Nina nɛ ɔ ngɛ kaa nina nɛ i na benɛ Mawu ba kpata Yerusalem hɛ mi, kɛ nina nɛ i na ngɛ Kebar pa a nya a. Kɛkɛ nɛ i ngɔ ye hɛ mi kɛ bu zugba.

Zefania 3:5

Se Yawɛ ngɛ ma a mi; lɛɛ dalɔ ji lɛ; e pee we nɔ́ nɛ dɛ. Daa ligbi ɔ, e yeɔ dami sane. Se kɛ ɔ, yayami peeli ɔmɛ yaa nɔ nɛ a peeɔ yayami, nɛ nɔ́ nɛ ɔ pee we mɛ zo.

Ni Tsumi 7:31

Benɛ Mose na nɔ́ nɛ ɔ, e hɛ mi pee lɛ yaa. E hɛ lɛ kɛ yaa su he, konɛ e hyɛ; kɛkɛ nɛ e nu Nyɔmtsɛ ɔ gbi nɛ de lɛ ke,

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Efesobi 6:17

Yi wami hemi nɛ pee dade pɛɛ nɛ nyɛ bu. Nyɛɛ pɛtɛ Mawu munyu ɔ nɛ ji mumi ɔ klaate ɔ he.

Hebribi 4:12

Ejakaa Mawu munyu hɛ ngɛ, e ngɛ he wami, nɛ e nya ba pe klaate nya enyɔtsɛ. E gbuu kɛ sɛɛ nɔ mi kɛ ya siɔ e gbaa klaa, kɛ mumi ɔ mi, kɛ jehanɛ hu kpɔji nya amɛ, kɛ wu mi zɔ ɔmɛ a mi. Mawu munyu ɔ jeɔ adesa tsui mi níhi, kɛ e yi mi tomi kpo.

Kpojemi 1:16

E hɛɛ dodoe kpaago ngɛ e hiɔ nine mi, nɛ klaate nya enyɔtsɛ nɛ nya ba ngɛ e nya mi, nɛ e hɛ mi ngɛ kpɛe kaa piani pu.

Kpojemi 2:16

Lɔ ɔ he ɔ, mo tsake o tsui! Ke pi ja a, ma ba o ngɔ be kpiti. Ma ngɔ klaate nɛ ngɛ ye nya mi ɔ, nɛ i kɛ jamɛ a ni ɔmɛ maa hwu ta.

Kpojemi 9:15

Bɔfo ekpane ɔ ya pɛne bɔfo eywiɛ ɔmɛ. Blɔɔ a ngɔ mɛ ngɔ to nɛ a pee mɛ klaalo, konɛ jeha nɛ ɔ tutuutu we nyɔhiɔ nɛ ɔ we ligbi nɛ ɔ tutuutu we ngmlɛfia nɛ ɔ mi ɔ a gbe adesahi tsuo a mi dlami etɛ mi kake.

Kpojemi 9:21

Jehanɛ hu, a tsakee we a tsui, konɛ a jɔɔ muɔ si puemi, loo nyuami, loo nyumu kɛ yo yakayaka fiɛmi, loo jumi.

Samuel I, 13:13

Samuel de Saul ke, “O je kuasia; o yi Yawɛ, o Mawu ɔ mlaa nɛ e wo mo ɔ nɔ; kaa o ye nɔ jinɛ o matsɛ yemi ngɛ Israel ɔ, Yawɛ ma ha nɛ e da si kɛ ya neneene.

Samuel I, 15:22

Samuel bi ke, “Anɛ Yawɛ nyaa sami bɔ, kɛ bɔ kpahi a he pe e munyu ɔ tue bumi lo? O nɛ, tue bumi hi pe bɔ sami, nɛ munyu ngɔmi hi pe jijɔhi a zɔ.

Samuel I, 15:32

Jehanɛ Samuel de ke, “Nyɛɛ ngɔ Amalek matsɛ, Agag ɔ kɛ ba hiɛ ɔ.” Agag ba kɛ bua jɔmi, nɛ e de ke, “Niinɛ, gbenɔ doomi ɔ be.”

Samuel I, 15:33

Se Samuel de lɛ ke, “Kaa bɔ nɛ o klaate ɔ ha binyɛmɛ kpatu plɛ pee nihi nɛ be bimɛ ɔ, ja nɔuu o nyɛ hu ma plɛ pee yosa ngɛ yihi a kpɛti.” Nɛ Samuel poo Agag mi kpɔ nya kpɔ nya ngɛ Yawɛ bɔ sami la tɛ ɔ hɛ mi ngɛ Gilgal.