Hosea 6:3 - BAIBLO ALOO NGMAMI KLƆUKLƆU Ɔ

³ Nyɛ ha waa bɔ mɔde nɛ waa le Yawɛ saminya. Kaa bɔ nɛ je naa daa ligbi, nɛ hiɔmi hu nɛɛɔ ngɔ pueɔ zugba daa gbo kɛ gbiɛ ɔ, ke wa hla Yawɛ se blɔ ɔ, lɛ hu e maa ba wa ngɔ.”

Hosea 6:3 ပူးပေါင်းရင်းမြစ်များ

Hosea 14:5

Ma ha Israel ma a ma plɔke plɔplɔɔplɔ kaa zugba gbigbli nɛ hiɔmi nɛ pue nɔ.

Yeremia 24:7

Ma ha nɛ a maa nu he ngɛ a tsui mi tɔɔ kaa imi ji Yawɛ. A maa pee ye ma, nɛ imi hu ma pee a Mawu; ejakaa a maa kpale kɛ ba ye ngɔ ekohu kɛ a tsui tsuo.

La 72:6

Ha nɛ matsɛ ɔ yi nɔ nɛ jɔ kaa hiɔmi nɛ nɛɛ pueɔ ngmɔ nɔ nɛ haa zugba a nyu ɔ.

Kpojemi 22:16

“Imi Yesu lɛ i tsɔ ye bɔfo ɔ, konɛ e ba fiɛ ní nɛ ɔmɛ ngɔ tsɔɔ nyɛ ngɛ asafo ɔmɛ a mi. Imi ji David nina a nɛ. Imi ji nɔkɔ nɛ ngɛ kpɛe ɔ nɛ.”

Mateo 13:11

Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

Zakaria 10:1

Nyɛɛ fa kue ha Yawɛ, konɛ e ha nɛ hiɔmi nɛ nɛ gbo kɛ gbiɛ. Ejakaa Yawɛ lɛ haa bɔku hiaa ngɛ ahumi mi; lɛ nɛ e haa hiɔmi nɛɛɔ, nɛ nɔ tsuaa nɔ ngmɔ baa ní.

2 Petro 1:19

Lɔ ɔ he ɔ, wa na kaa munyuhi nɛ gbali ɔmɛ tu ɔ ba mi niinɛ. Nyɛ hu ke nyɛ bɔ mɔde nɛ nyɛ bu tue ɔ, e maa hi ha nyɛ; ejakaa e ngɛ kaa la nɛ ngɛ tsoe ngɛ diblii mi kɛ yaa si je maa na, nɛ nɔkɔ la a ma kpɛ ngɛ nyɛ tsui mi.

Luka 1:78

Wa Mawu ɔ mi mi jɔ, nɛ e naa mɔbɔ. E ma kpɔ wɔ kaa bɔ nɛ mɔtu pu la fieɔ diblii kɛ yaa se ɔ.

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Mika 4:2

nɛ a ma de a sibi ke, “Nyɛ ha waa kuɔ Yawɛ ɔ kɛ ya Israel Mawu ɔ we ɔ. E maa tsɔɔ wɔ nɔ́ nɛ e suɔ kaa waa pee, nɛ wa maa nyɛɛ e blɔ ɔmɛ a nɔ. Ejakaa Yawɛ mlaa a maa je Zion; e kɛ e ma a maa tu munyu kɛ je Yerusalem.”

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Hosea 10:12

I de ke, ‘Nyɛɛ ye dami sane, konɛ ma suɔ nyɛ, nɛ ma gbaa nyɛ. Nyɛ tsake nyɛ tsui; ejakaa be ɔ su nɛ nyɛ ma hla imi Yawɛ, ye se blɔ. Kɛkɛ ɔ, ma ha dami sane yemi ma he si kaa bɔ nɛ hiɔmi nɛɛ ɔ.’

Yesaya 54:13

“Imi Yawɛ nitsɛ, ma tsɔɔ ye ma a ní, nɛ ma ha a ma na ní babauu.

Ni Tsumi 17:11

Beroya bi ɔmɛ a tue wɛ kaa Tesalonika bi ɔmɛ. Mɛɛ lɛɛ a he munyu ɔ ye kɛ a tsui tsuo, nɛ daa nɛ ɔ, a kpaa ngmami ɔmɛ a mi kaa níhi nɛ Paulo de a ngɛ mi ja lo.

Hosea 2:20

Ma ye ye siwo ɔ nɔ, nɛ ma ngɔ mo kɛ pee ye nɔ́, nɛ mo hu o ma tsɛ mi ke Yawɛ.

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

Yesaya 32:15

Se wɔ lɛɛ, Mawu ma ha wɔ e mumi ɔ kɛ je hiɔwe ekohu, nɛ wa ma na niye ní babauu kɛ je ngmɔ ɔmɛ a mi.

La 65:9

O slaa zugba a, o haa lɛ nyu, nɛ e baa ní babauu. Ke o ha pa a hyi kikɛ nɛ ɔ, ngmɔ ɔmɛ baa ní saminya. Bɔ nɛ o peeɔ lɛ ha ji nɛ ɔ nɛ.

Mose V, 32:2

Ma tsɔɔ nyɛ ní kaa bɔ nɛ hiɔmi nɛɛ blɛuu kɛ pueɔ zugba nɔ nɛ e peeɔ kaa bɔ́ ɔ. Ma tu nyɛ munyu kaa bɔ nɛ hiɔmi fĩaa kɛ pueɔ tso bihi a nɔ, aloo kaa bɔ nɛ hiɔmi nɛɛ blɛuu kɛ pueɔ nga nɔ ɔ.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Yesaya 5:6

Ma ha nɛ ngmɔ ɔ mi nɛ hɛ. I be wai tso ɔmɛ a he sãe, nɛ ngmɔ ɔ mi hu i be hue. Nɔ́ nɛ ma pee mohu ji, ma ngmɛ blɔ nɛ mio tso, kɛ mio maa puɛ ngɛ ngmɔ ɔ nɔ. Pi lɔ ɔ kɛkɛ, se mohu i be hae nɛ hiɔmi nɛ nɛ ngɔ pue ngmɔ ɔ nɔ hu.”

Abɛ Womi 4:18

Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

Hiob 29:23

Ke pee ɔ, a hyɛɛ mi blɔ nɛ ma ba tu mɛ munyu kaa bɔ nɛ nihi nɛ nyu he hia mɛ hyɛɛ gbo hiɔmi nɛmi blɔ ɔ.

Mika 5:7

Israel ma nɛ piɛ ɔ ma ha nɛ je mahi babauu ma na bua jɔmi ekohu kaa bɔ́ nɛ je Yawɛ ngɔ, aloo hiɔmi nɛ́ nɛ ngɔ pue nga nɔ. A maa ngɔ a hɛ ngɔ fɔ Mawu nɔ, se pi nɔmlɔ nɔ.

La 19:4

Se kɛ̃ ɔ, a nuɔ a he ngɛ je ɔ mi tsuo; a munyu ɔ pɛɛ kɛ yaa je mi nyagbe he tɔɔ. Mawu pee sihi he ha pu ngɛ hiɔwe.

Yohane 7:17

Nɔ tsuaa nɔ nɛ suɔ kaa e maa pee Mawu suɔmi nya ní ɔ, e maa na kaa nɔ́ nɛ i ngɛ tsɔɔe ɔ je Mawu ngɔ, se pi imi nitsɛ ye he wami nya.

Samuel II, 23:4

e ngɛ kaa pu nɛ ngɛ tsoe mɔtu be mi nɛ bɔku be hiɔwe; aloo hiɔmi nɛ haa nga tsɛ̃ɔ kɛ jeɔ zu mi.”

La 19:6

Pu jeɔ ngɛ hiɔwe nyagbe he kake; e bɔleɔ si kɛ yaa hiɔwe nyagbe he kake, nɛ e la a, nɔ́ ko nɔ́ ko nyɛ we nya dami.

La 63:8

I mɛtɛ o he kpɛii, ejakaa o kɛ kɔni si wami hɛɛ mi.

Yesaya 2:3

nɛ a ma de ke, “Nyɛ ha wa ya kuɔ Yawɛ yo ɔ kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”

Hosea 14:6

A ma na wami he, nɛ a maa bɔ. A he maa pee fɛu kaa oliv tsohi, nɛ a maa je via kaa seda tsohi ngɛ Lebanon.