Hosea 6:10 - BAIBLO ALOO NGMAMI KLƆUKLƆU Ɔ

¹⁰ I na nɔ́ ko ngɛ Israel nɛ ha nɛ ye he mi po; ye ma a ngɔ yahomi kɛ ble a he.

Hosea 6:10 ပူးပေါင်းရင်းမြစ်များ

Matsɛmɛ I, 12:8

Se Rehoboam ngɔɛ ga nɛ nikɔtɔma amɛ wo lɛ ɔ, nɛ e ho ya bi e juã nihewi nɛ e kɛ mɛ je nɔ ɔ mohu ga womi ke,

Matsɛmɛ I, 15:30

A pee nɔ́ nɛ ɔ, ejakaa Yeroboam wo Yawɛ, Israel Mawu ɔ mi mi la; Yeroboam pee yayami kɛ si Yawɛ, nɛ jehanɛ hu, e ha nɛ Israel hu pee yayami.

Matsɛmɛ II, 17:7

Nɔ́ nɛ kɛ nɔ́ nɛ ɔ ba ji, Israel ma a pee yayami kɛ si Yawɛ, a Mawu ɔ, nɔ nɛ kpɔ mɛ ngɛ Egipt matsɛ ɔ dɛ, nɛ e je mɛ kɛ je Egipt zugba a nɔ ɔ. A ya ja mawu kpahi.

Yeremia 18:13

Yawɛ ke, “Nyɛ bi je ma amɛ tsuo kaa nɔ́ ko kaa kikɛ nɛ ɔ ba hyɛ lo. Israel ma a pee nɔ́ ko nɛ he wa wawɛɛ nitsɛ!

Yeremia 23:14

Se i na kaa Yerusalem gbali ɔmɛ po pe mɛ kɛ yayami peemi; a puɛɔ gba, nɛ a yeɔ lakpa; a ya piɛɔ nihi a he nɛ a kɛ peeɔ yayami; nɛ enɛ ɔ he je ɔ, nɔ ko kpa we yayami peemi. Ngɛ imi ye hɛ mi ɔ, nimli yayamihi ji mɛ tsuo pɛpɛɛpɛ kaa Sodom kɛ Gomora bi.

Yeremia 3:6

Benɛ Yosia ngɛ matsɛ yee ɔ, Yawɛ de mi ke, “Tse o na nɔ́ nɛ Israel pee? Israel je ye se nɛ e ya ja mawu kpahi ngɛ yokuhi tsuo nɛ ya hiɔwe a nɔ, kɛ tsohi tsuo nɛ bɔ kusuu a sisi. E ngɛ kaa yo yaholɔ pɛ.

Ezekiel 23:5

Ohola je ye se ya puɛ gba. E kɛ ni nɛmɛ nɛ je Asiria mohu ya pee e suɔli.

Ezekiel 23:7

Ohola kɛ Asiria nyumuhi nɛ ngɛ biɛ bɔ ajuama, nɛ e ja a we amagahi kɛ ble e he.

Hosea 4:11

Yawɛ ke, “Wai he, kɛ wai momo ha nɛ ye ma a ngɛ biɛe! A je ye se kulaa!

Hosea 4:12

Tso kpoku mohu ngɔ a ya ngɛ ní bie ngɛ. Dɛma tso mohu a bi ɔ ke e tsɔɔ mɛ nile. Kaa bɔ nɛ yo yaholɔ peeɔ ɔ, a je ye se nɛ a kɛ a he ya ha mawu kpahi.

Hosea 4:17

Israel ma a ke e ma ja amaga! É ya nɔ nɛ e pee nɔ́ nɛ e tsui suɔ.

Hosea 5:3

Israel, i le bɔ nɛ o ngɛ ha; o be nyɛe maa laa ngɛ ye hɛ mi. O yi mi anɔkuale; lɔ ɔ he ɔ, o ble o he.”