Hosea 5:8 - BAIBLO ALOO NGMAMI KLƆUKLƆU Ɔ

⁸ Nyɛ kpa titimati ngɛ Betaven! Nyɛ ha nɛ a nu he ngɛ Rama! Nyɛ he ose ngɛ Betel! Nyɛ Benyamin bi, nyɛ gba ta!

Hosea 5:8 ပူးပေါင်းရင်းမြစ်များ

Hosea 9:9

Ma a puɛ kulaa kɛ yayami peemi kaa bɔ nɛ a pee ngɛ Gibea be ko ɔ. Yayami nɛ a pee ɔ, Mawu hɛ be nɔ jee; e maa gbla a tue kokooko.

Hosea 4:15

“Israel, nyɛ yi mi anɔkuale; nyɛɛ hyɛ nɛ hi nɛ Yuda ko ba pee kaa nyɛ. Nyɛ ko ya ja Mawu ngɛ Gilgal, loo Betaven; nɛ nyɛ kó ka kita ngɛ Yawɛ, Mawu hɛ kalɔ ɔ biɛ mi hulɔ.

Yoel 2:1

Nyɛ kpa titimati ngɛ Zion, ngɛ Mawu yo klɔuklɔu ɔ nɔ. Nyɛ Yuda zugba a nɔ bi tsuo, nyɛɛ ye gbeye, nɛ nyɛ he nɛ do blibliibli! Ejakaa Yawɛ ligbi ɔ su ta.

Yeremia 4:5

Nyɛ kpa titimati ngɛ zugba a nɔ tsuo! Nyɛ kpa bubuubui! Nyɛ de Yuda ma a, kɛ Yerusalem bi ɔmɛ ke a tu fo kɛ ya mahi nɛ a fia gbogbo kɛ wo a he ɔ a mi.

Samuel I, 15:34

Enɛ ɔ se ɔ, Samuel pue nɔ kɛ ho Rama ya, nɛ Matsɛ Saul hu kpale kɛ ho e we mi ya ngɛ Gibea.

Hosea 8:1

Yawɛ ke, “Nyɛ kpa titimati! Ejakaa he nyɛli ma nɛ a ba tua ye zugba a kaa bɔ nɛ kɔle he sɔɔ kɛ saa nɔ́ ɔ. Somi nɛ i kɛ ye ma a so ɔ, a yi nɔ, nɛ a tɔ̃ ye mlaa amɛ hulɔ.

Yesaya 10:29

A gu yo kpɛ blɔ ɔ kɛ ya hwɔ Geba nyɔ mi! Nihi nɛ a ngɛ Rama ma a mi ɔ ye gbeye, nɛ Matsɛ Saul ma, Gibea bi ɔmɛ ma fo.

Manyadali 5:14

A je Efraim kɛ ba kɔ̃ ɔ mi. A nyɛɛ mo Benyamin, kɛ o ma mi bi ɔmɛ a se. Tatsɛmɛ je Makir kɛ ba, nɛ tatsɛ tso hɛɛli hu je Zebulun kɛ ba.

Yoel 2:15

Nyɛ kpa titimati ngɛ Zion yo ɔ nɔ; nyɛɛ wo mlaa nɛ ma a tsuo nɛ ha hwɔ, nɛ a ba bua a he nya.

Hosea 10:5

Samaria bi maa ye gbeye, nɛ a maa ye kɔmɔ ngɛ sika tsu na ku ɔ nɛ ngɛ Betel nɛ a kpata e hɛ mi ɔ he. A kɛ lakpa osɔfo ɔmɛ tsuo ma nya awe kaa amaga a hɛ mi nyami ɔ laa mɛ.

Yeremia 6:1

Nyɛ Benyamin bi, nyɛɛ tu fo nɛ nyɛ he nyɛ yi wami! Nyɛɛ tu fo kɛ je Yerusalem esɔ! Nyɛ kpa titimati ngɛ Tekoa, nɛ nyɛ slɛ la ngɛ Bet Hekerem kɛ tsɔɔ okadi! Ejakaa haomi agbo je omleyi je kɛ ma nɛ ma ba kpata ma hɛ mi.

Matsɛmɛ I, 12:29

Yeroboam ngɔ sika tsu na bi kake ya ma Betel, nɛ e ngɔ kake hu ya ma Dan.

Samuel II, 21:6

Enɛ ɔ he je ɔ, á ngɔ nɔmlɔ nɛ ɔ binyumuhi kpaago ba ha wɔ nɛ waa sɛu mɛ ngɛ Yawɛ hɛ mi ngɛ Gibeon, ngɛ Yawɛ yo ɔ nɔ.” Matsɛ ɔ he nɔ ke, “Yoo, ma ngɔ mɛ ba ha nyɛ.”

Samuel I, 8:4

Enɛ ɔ he je ɔ, Israel ma nimeli ɔmɛ ba Rama, nɛ a kɛ Samuel ba pee kpe,

Samuel I, 7:17

Lɔ ɔ se ɔ, e kpaleɔ kɛ baa e ma mi Rama, nɛ e ba kojoɔ ngɛ lejɛ ɔ hulɔ. E ma bɔ sami la tɛ hu ha Yawɛ ngɛ Rama.

Yoshua 7:2

Yoshua tsɔ nihi kɛ je Yeriko ke a ya slaa Ai nɛ ngɛ Betaven kasa nya, ngɛ Betel beleku je ɔ. Benɛ a kpale kɛ ba a,

Amos 3:6

Anɛ ta titimati pɛɛ ngɛ ma mi nɛ ma mi bi ɔmɛ a tsui pui lo? Anɛ amanehlu baa ma ko nɔ nɛ pi Yawɛ nɛ pee lo? Dɛbi!