Hosea 5:5 - BAIBLO ALOO NGMAMI KLƆUKLƆU Ɔ

⁵ Israel bi a he nɔ womi ɔ yeɔ odase kɛ siɔ mɛ. A he yayami ɔ kɛ tue gblami maa ba a nɔ, nɛ Yuda hu be e he yee.

Hosea 5:5 ပူးပေါင်းရင်းမြစ်များ

Abɛ Womi 11:21

Anɔkuale sane ji kaa yayami peelɔ ɔ, ja a gbla e tue kokooko. Se nihi nɛ peeɔ nɔ́ nɛ da a, mɛɛ lɛɛ a maa ye a he.

Abɛ Womi 11:5

Nɔ nɛ pee we nɔ́ ko nɛ dɛ ɔ, anɔkuale nɛ e yeɔ he je ɔ, e je mi si himi daa lɛ. Se yiwutsotsɛ lɛɛ lɛ nitsɛ e ní yayamihi lɛ ma kpata e hɛ mi.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

Abɛ Womi 24:16

Nɔmlɔ kpakpa a, ke e nɔ si nɔtonɔto si kpaago po, e maa te si ekohu. Se nimli yayamihi lɛɛ ke haomi ba a nɔ kɛkɛ a hɛ mi kpata pɛsɛpɛsɛ.

Abɛ Womi 30:13

Ni komɛ woɔ a he nɔ, nɛ a susuɔ kaa a hi tsɔ.

Yesaya 3:8

Niinɛ, musu tloo Yerusalem! Yuda hɛ mi kpata! Ejakaa a deɔ nɔ́ tsuaa nɔ́, nɛ a peeɔ nɔ́ tsuaa nɔ́ kɛ siɔ Yawɛ; a jee blɔ pueɔ Mawu nitsɛ hɛ mi si.

Yesaya 3:9

A ní peepee yeɔ odase kɛ siɔ mɛ; ejakaa a jeɔ a hɛ mi paa kɛ peeɔ yayami kaa Sodom bi; a kɛ laa we. Musu tloo mɛ! Mɛ nitsɛmɛ nɛ a ye a he awi ɔ nɛ.

Yesaya 44:9

Amaga puɛli ɔmɛ tsuo ji nimli guhi, nɛ amaga amɛ nɛ a buu kaa nɔ́ ko ɔ, a he be se nami ko kulaa. Nihi nɛ jaa kikɛmɛ a ní nɛ ɔmɛ ɔ, a hɛngmɛ yu; a li nɔ́ ko fɛɛ; zo maa gbe mɛ.

Yesaya 59:12

“Yawɛ, wa tɔmi ɔmɛ hiɛ babauu ngɛ o hɛ mi. Wa he yayami ɔmɛ yeɔ odase kɛ siɔ wɔ. Wɔ nitsɛmɛ wa le wa nisɛ ní a ní ɔmɛ tsuo.

Yeremia 14:7

Ye ma a fa kue ha mi ke, ‘Yawɛ, wa he yayami ɔmɛ ngɛ odase yee kɛ ngɛ wɔ sie lɛɛ, se kɛ̃, moo piɛ wa he kaa bɔ nɛ o wo si ɔ. Wa tsɔ o hɛ mi atuã be babauu; wa pee yayami kɛ si mo.

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Hosea 14:1

Israel ma, nyɛɛ kpale kɛ ba Yawɛ, nyɛ Mawu ɔ ngɔ. Nyɛ yayami ɔmɛ ha nɛ nyɛ pee kaa ni komɛ nɛ tɛ nɔ́ nɛ a nɔɔ si.

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Hosea 4:5

Nyɛ ma tɛ si nyɔ kɛ pia; nyɛɛ kɛ gbali ɔmɛ tsuo ma tɛ si, nɛ ma kpata nyɛ nyɛ Israel ɔ hɛ mi.

Hosea 5:14

Imi Yawɛ, ma tsɔtslɔɔ Israel kɛ Yuda a mi ngɔ pue si kaa jata peeɔ nɔ́. Ma ngɔ mɛ kɛ ho; nɛ nɔ ko nɔ ko be nyɛe ma kpɔ mɛ ngɛ ye dɛ.

Hosea 7:10

Israel ma a yeɔ fɔ kaa a wo a he nɔ kɛ si Mawu, se enɛ ɔ tsuo mi ɔ, a hla we Yawɛ, a Mawu ɔ se blɔ nɛ a kpale kɛ ba e ngɔ.

Hosea 8:14

“Israel ma a hɛ je a bɔlɔ ɔ nɔ, nɛ a ya ma we nguanguahi. Yuda ma hu po mahi babauu nɛ a fia gbogbo ngɔ wo a he. Se ma ha la maa sã we nguangua amɛ, kɛ ma amɛ nɛ a fia gbogbo wo a he ɔ tsuo.”

Amos 5:2

Israel bi nɛ nyɛ ngɛ kaa zangmawi! Nyɛ nɔ ta, nɛ nyɛ be si tee hu. A gbe nyɛ ngɔ pue nyɛ nitsɛmɛ nyɛ zugba nɔ; Nɛ nɔ ko bɛ nɛ e ba wo nyɛ nɔ.

Mateo 23:31

Enɛ ɔ tsɔɔ kaa nyɛ nitsɛmɛ nyɛ ngɛ odase yee kaa nihi nɛ gbe gbali ɔmɛ a nina ji nyɛ.

Luka 19:22

Nyɔmtsɛ ɔ de lɛ ke, ‘Tsɔlɔ angmaletsɛ! Mo nitsɛ o nya mi munyu ma kɛ bu mo fɔ! Tse o le kaa ye yi mi wa! Nɔ́ nɛ pi ye nɔ́ kɛkɛ i ya ngɔ; nɔ́ nɛ i du we kɛkɛ i ya kpa.