Hosea 5:4 - BAIBLO ALOO NGMAMI KLƆUKLƆU Ɔ

⁴ Yayami nɛ ma a pee ɔ ha we nɛ a nyɛ nɛ a kpale kɛ ba a Mawu ɔ ngɔ. Amaga jami ngɔ a tsui kulaa, nɛ a li Yawɛ hu.

Hosea 5:4 ပူးပေါင်းရင်းမြစ်များ

La 78:8

konɛ a ko ba wa tue, nɛ a ko ba tsɔ atuã kaa bɔ nɛ a nɛmɛ ɔmɛ pee ɔ. Mɛɛ a ngɔɛ a hɛ kɛ fɔɛ Mawu nɔ kɛ pi si; anɔkuale hu a yi lɛ bɔ nɛ sa.

La 9:10

Yawɛ, nihi nɛ le mo ɔ, a ngɔɔ a hɛ kɛ fɔɔ o nɔ. Ejakaa ni nɛmɛ nɛ hla o se blɔ ɔ, mo Yawɛ, o kua we mɛ.

Yeremia 24:7

Ma ha nɛ a maa nu he ngɛ a tsui mi tɔɔ kaa imi ji Yawɛ. A maa pee ye ma, nɛ imi hu ma pee a Mawu; ejakaa a maa kpale kɛ ba ye ngɔ ekohu kɛ a tsui tsuo.

Yeremia 50:38

Pahi tsuo a mi nyu maa mii ta, nɛ nyu hwɔ maa ba zugba a nɔ! Amaga gbeyegbeyehi sɔuu ji zugba a nɔ, nɛ lɔ ɔmɛ ma mi bi ɔmɛ ngɔ a tsui kɛ ha.

Yeremia 9:24

Ke nɔ ko suɔ kaa e maa fĩa a, e fĩa kaa e le mi saminya; ejakaa ye suɔmi ɔ se pui gblegbleegble; i peeɔ nɔ́ nɛ da, nɛ i yeɔ dami sane. Ní nɛ ɔmɛ ji níhi nɛ saa ye hɛ mi. Imi, Yawɛ lɛ i de.”

Yeremia 9:6

A peeɔ yi wu tso níhi nɔtonɔto; jã kɛ̃ nɛ a sisiɔ nɔ. Yawɛ ke e ma mi bi ɔmɛ kua lɛ.

Hosea 13:13

Israel ma a li nɔ́; a tue wa; lɔ ɔ he ɔ, a maa na nɔ́. A ngɛ kaa bi nɛ kua kpo jemi ngɛ e nyɛ mi mi benɛ e nyɛ nu kɔɔmi.

Hosea 4:1

Nyɛ Israel bi, nyɛɛ bu nɔ́ nɛ Yawɛ ngɛ dee ɔ tue. Yawɛ ke Israel ma a tɔ̃ e nɔ. E ke, “Anɔkuale yemi ta zugba a nɔ; suɔmi be, nɛ imi Mawu nitsɛ hu a li mi.

Hosea 4:11

Yawɛ ke, “Wai he, kɛ wai momo ha nɛ ye ma a ngɛ biɛe! A je ye se kulaa!

Hosea 4:12

Tso kpoku mohu ngɔ a ya ngɛ ní bie ngɛ. Dɛma tso mohu a bi ɔ ke e tsɔɔ mɛ nile. Kaa bɔ nɛ yo yaholɔ peeɔ ɔ, a je ye se nɛ a kɛ a he ya ha mawu kpahi.

Hosea 4:14

Ke nyɛ biyi ɔmɛ ya pee a he yaholi, nɛ nyɛ binyumu ɔmɛ a yi ɔmɛ ya puɛ gba a, i be a tue gblae; ejakaa nyɛ nitsɛmɛ hu nyɛ ya nyɛɛɔ yaholi nɛ ɔmɛ a se, nɛ nyɛɛ kɛ mɛ tsuo nyɛ ya sãã bɔ kɛ haa a wɔ ɔmɛ. Ejakaa ‘Ma nɛ li nɔ́ ɔ, a hɛ mi kpataa.’

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

Hosea 7:11

Israel ngɛ kaa beleku lahuɛ nɛ ngɛ tee kɛ ngɛ yae kɛ ngɛ bae; e be juɛmi. Ke o ke o hyɛɛ ɔ, Israel bi ji nɛ nɛ a yaa bi yemi kɛ buami ngɛ Egipt; pee se kɛkɛ a pue Asiria blɔ.

Hosea 8:11

“Israel ma a puɛ bɔ sami la tɛ babauu nɛ a kɛ ma je a he yayami, se yayami mohu a ngɛ pee ngɛ lejɛ ɔmɛ tsuo.

Yohane 16:3

Nihi maa pee nyɛ ní nɛ ɔmɛ, ejakaa a li Tsɛ ɔ; nɛ a li imi hulɔ.

Yohane 8:55

Imi le lɛ, se nyɛɛ lɛɛ nyɛ li lɛ. Ke i de ke i li lɛ ɔ, lɛɛ lakpatsɛ ji mi kaa nyɛ nɔuu. Se i le lɛ, nɛ i buɔ lɛ tue.

Samuel I, 2:12

Eli binyumu ɔmɛ ɔ, yakayaka nimli ji mɛ; a bui Yawɛ,