Hosea 5:15 - BAIBLO ALOO NGMAMI KLƆUKLƆU Ɔ

¹⁵ “Ma ngmɛɛ ye ma a he, konɛ a na nɔ́ wawɛɛ. Kɛkɛ ɔ, a ma pia a he ngɛ a yayami ɔmɛ a he, nɛ a ma hla ye se blɔ. Ke a yi fi ɔ, a ma ba kpa mi pɛɛ.”

Hosea 5:15 ပူးပေါင်းရင်းမြစ်များ

Yesaya 26:16

Yawɛ, o gbla o ma a tue; nɛ benɛ e fi mɛ ɔ, a fa kue kɛ tsɛ mo.

La 78:34

Be tsuaa be nɛ e maa gbe a ti ni komɛ ɔ, ni nɛmɛ nɛ piɛ ɔ ma hla e se blɔ. A ma pia a he, nɛ a maa fa kue ha lɛ.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

Yeremia 3:13

Moo lɛɛ moo kplɛɛ kɛkɛ kaa o ye fɔ, kaa o tsɔ Yawɛ, o Mawu ɔ hɛ mi atuã. Moo jaje kaa o ngɔ o suɔmi ya ha ma se mawuhi, nɛ o ja mɛ ngɛ tsohi tsuo nɛ bɔ kusuu a sisi. Moo jaje kaa o yi ye mlaa amɛ a nɔ. Imi, Yawɛ lɛ i de.

Yeremia 2:27

A ma pue nyɛ tsuo pɛpɛɛpɛ nyɛ hɛ mi si, nyɛ ni nɛmɛ nɛ nyɛ tsɛɔ tso ke nyɛ tsɛ, nɛ nyɛ deɔ ke nyɛ nyɛ ji tɛ sa a. Nɔ́ nɛ ɔ maa ba mi, ejakaa nyɛ tsɔ ye hɛ mi atuã, be mi nɛ e sa kaa nyɛ ba nyɛɛ ye se mohu. Se ke haomi ba nyɛ nɔ lɛɛ nyɛ deɔ ke ma ba he nyɛ yi wami.

Luka 13:25

Be ma nɛ wetsɛ ɔ maa te si, nɛ e ma nga sinya a. Kɛkɛ ɔ, benɛ nyɛ daa si ngɛ we ɔ se ɔ, nyɛ ma bɔni sinya a simi. Nyɛ ma de ke, ‘Nyɔmtsɛ, bli wɔ oo, bli wɔ!’ Se e ma he nɔ ke, ‘I li he nɛ nyɛ je!’

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Ezekiel 36:31

Kɛkɛ ɔ, nyɛ ma kai nyɛ je mi bami yaya amɛ, kɛ zo níhi nɛ nyɛ tsu ɔ, nɛ nyɛ nitsɛmɛ nyɛ he maa nyɛɛ nyɛ ngɛ nyɛ yayami ɔmɛ, kɛ nyɛ ní hiemi ní ɔmɛ a he.

Ezekiel 6:9

a maa nuu mɛ nyɔguɛ kɛ ho ma se ya. A ma kai mi ngɛ lejɛ ɔ; nɛ a maa le kaa imi nitsɛ lɛ i gbla a tue, nɛ i pue a hɛ mi si ɔ nɛ. Ejakaa a yi mi anɔkuale kɛ ji a tsui mi; se a kua mi, nɛ a ya ja amagahi mohu. Jehanɛ lɛɛ, mɛ nitsɛmɛ a he mi maa nyɛɛ mɛ ngɛ yayamihi, kɛ ni hiemi níhi tsuo nɛ a pee ɔ a he.

Yesaya 26:9

Nyɔ mi ɔ, i hla o se blɔ kɛ ye tsui tsuo; ke o kojo je ɔ kɛ e mi bi ɔmɛ ɔ, loko a maa le nɔ́ nɛ ji dami sane yemi.

Mika 1:3

Yawɛ kple si kɛ je e hi he klɔuklɔu ɔ kɛ ma. E ma ba nyɛɛ yo ɔmɛ a yi mi ngɛ je ɔ mi.

Hosea 5:6

A maa ngɔ tohi, kɛ nahi kɛ ba sã bɔ ha Yawɛ, se a be lɛ nae; ejakaa Yawɛ je a se.

Ezekiel 20:43

Kɛkɛ ɔ, ngɛ lejɛ ɔ, nyɛ ma kai nyɛ blɔ yaya amɛ, kɛ nyɛ ní peemi ní ɔmɛ tsuo nɛ nyɛ kɛ ble nyɛ he ɔ. Nyɛ nitsɛmɛ nyɛ he maa nyɛɛ nyɛ ngɛ nyɛ ní hiemi ní ɔmɛ tsuo nɛ nyɛ pee ɔ a he.

Ezekiel 11:23

Jehanɛ, hɛ mi nyami nɛ ngɛ kpɛe hleii ɔ je ma a kpɛti kɛ ya ma yo nɛ ngɛ beleku je ɔ nɔ.

Ezekiel 10:4

Yawɛ hɛ mi nyami ɔ wo e he nɔ kɛ je kerub ɔmɛ a nɔ kɛ ba da we ɔ agbo ɔ nya. Bɔku ɔ hyi we ɔ mi tɔ, nɛ kue ɔ mi tsuo ngɛ kpɛe hleii kɛ Yawɛ hɛ mi nyami ɔ.

Ezekiel 8:6

Mawu de mi ke, “Nɔmlɔ adesa, tse o na ní hiemi ní nguanguahi nɛ Israel bi ɔmɛ peeɔ ngɛ hiɛ ɔ; a peeɔ enɛ ɔmɛ konɛ ma je ye he klɔuklɔu ɔ kɛ ya se lokoo? Se o maa na ní hiemi ní nguangua kpahi pe enɛ ɔ.”

Yesaya 26:21

Ejakaa Yawɛ je e hi he ɔ kɛ ma je ɔ mi nɛ e ba gbla nimli adesahi a tue ngɛ a he yayami ɔmɛ a he. Nihi nɛ a gbe ngɛ laami mi ngɛ je ɔ mi ɔ, a ma je mɛ tsuo kpo nɛ a na mɛ; zugba a be jamɛ a ni ɔmɛ a nɔ laae hu.

La 132:14

E de ke, “Hiɛmɛ nɛ ɔ ma hi kɛ maa ya neneene; hiɛmɛ nɛ ɔ ma jɔɔ ye he ngɛ; ejakaa i suɔ hiɛmɛ nɛ ɔ.

La 83:16

Yawɛ, ha nɛ zo nɛ gbe mɛ kpɔtɔɔ kɛ yaa si a maa na o he wami kpetekpleenyɛ ɔ.

Hiob 33:27

E kɛ bua jɔmi ma de ngɛ ma hɛ mi ke, “I pee yayami. I pee we nɔ́ nɛ da blɔ, se kɛ̃ ɔ, Mawu na mi mɔbɔ.

Kronika II, 7:14

nɛ a pia a he, nɛ a fa kue ha mi, nɛ a kpa yayami ɔ nɛ a ngɛ pee ɔ, ma nu a kue fami ɔ ngɛ hiɔwe. Kɛkɛ ɔ, ma ngɔ a yayami ɔmɛ ngɔ pa mɛ, nɛ ma ha kplɔkɔtɔ maa ba a zugba a nɔ ekohu.

Abɛ Womi 8:17

Nihi nɛ suɔ mi ɔ, imi hu i suɔ mɛ; nɔ tsuaa nɔ nɛ hlaa ye se blɔ ɔ, e maa na mi.

Manyadali 4:3

Yabin ngɛ dade ta zugba lɛ lafa nɛɛ, nɛ e wa Israel bi ɔmɛ yi mi jeha nyingmi enyɔ sɔuu. Nɛ Israel bi ɔmɛ fa kue ha Yawɛ.

Mose I, 42:21

nɛ a de a sibi ke, “Niinɛ, nɔ́ nɛ wa pee wa nyɛmi ɔ be ko nɛ be ɔ, lɔ ɔ he nɔ́ wa ngɛ nae nɛ ɔ nɛ. Wa na bɔ nɛ e hao, nɛ e kpa wɔ pɛɛ ke waa na lɛ mɔbɔ; se wa pui mi. Enɛ ɔ he je nɛ kikɛmɛ a haomi nɛ ɔ ba wa nɔ ɔ nɛ.”

Mose IV, 21:7

Kɛkɛ nɛ ma a ba Mose ngɔ, nɛ a ba de ke, “Wa pee yayami kaa wa tu munyu kɛ si Yawɛ, kɛ mo hulɔ. Mo kpa Yawɛ pɛɛ nɛ e ba je sinɔ ɔmɛ kɛ je wa kpɛti.” Kɛkɛ nɛ Mose kpa pɛɛ ha ma a,

Yesaya 18:4

Ejakaa Yawɛ de mi ke, “Bɔ nɛ ngma kpami be mi je mi dɔɔ la nyɔ mi nɛ bɔ́ nɛɛ ɔ, loo bɔ nɛ ke pu tso ngmangmaangma nɛ je mi dɔɔ la, nɛ́ kɔɔhiɔ mi peeɔ kom ɔ, ja ma pee dii ngɛ hiɔwe kɛ hyɛ.

Yeremia 3:14

“Atuã tsɔli! Nyɛɛ kpale kɛ ba ye ngɔ koo; ye ma ji nyɛ. Ma ngɔ nyɛ kɛ ba Zion yo ɔ nɔ ekohu: ma tsuaa ma a, ma ngɔ nɔ kake, nɛ we puɔ nya tsuaa we puɔ nya a, ma ngɔ ni enyɔ.

La 107:6

Kɛkɛ nɛ a kpa ngmlaa kɛ tsɛ Yawɛ, nɛ e je mɛ kɛ je a haomi ɔ mi.

La 107:13

Kɛkɛ nɛ a kpa ngmlaa kɛ tsɛ Yawɛ, nɛ e je mɛ kɛ je a haomi ɔ mi.

La 107:19

Kɛkɛ nɛ a kpa ngmlaa kɛ tsɛ Yawɛ, nɛ e je mɛ kɛ je a haomi ɔ mi.

La 107:28

Kɛkɛ nɛ a kpa ngmlaa kɛ tsɛ Yawɛ, nɛ e je mɛ kɛ je a haomi ɔ mi.

Kɔmɔ Yemi 3:40

Nyɛ ha nɛ waa hyɛ wa je mi bami mi saminya, nɛ waa kpale kɛ ba Yawɛ ngɔ.