Hosea 5:13 - BAIBLO ALOO NGMAMI KLƆUKLƆU Ɔ

¹³ “Benɛ Israel na kaa e hiɔ ɔ nya ba wa, nɛ Yuda hu na kaa e plaa wawɛɛ nitsɛ ɔ, Israel ho Asiria matsɛ ɔ ngɔ ya ya bi yemi kɛ buami. Se e nyɛ we nɛ e tsa hiɔ ɔ ha Israel, nɛ pa amɛ hu e nyɛ we nɛ e pee nɔ́ ko ngɛ a he.

Hosea 5:13 ပူးပေါင်းရင်းမြစ်များ

Matsɛmɛ II, 15:19

Asiria matsɛ, Tiglat Pileser ba tua Israel; nɛ Menahem ha lɛ sika hiɔ kilo akpe nyingmi etɛ kɛ eywiɛ, bɔ nɛ pee nɛ Tiglat Pileser nɛ e piɛ e he, nɛ e matsɛ yemi ɔ nɛ da si.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Matsɛmɛ II, 16:7

Ahaz tsɔ ya de Asiria matsɛ, Tiglat Pileser ke, “O tsɔlɔ kɛ o binyumu ji mi. Siria matsɛ, kɛ Israel matsɛ ba tua mi, lɔ ɔ he ɔ, ba nɛ o ba je ngmlaa ha mi.”

Yesaya 3:7

E ma he nɔ ke, “Kpaoo! I be nyɛe ma pee ja ha nyɛ. Imi hu, i be niye ní, nɛ i be heha ní hulɔ. Nyɛ ko wo mi nyɛ nyatsɛ!”

Yeremia 30:12

Bɔ nɛ Yawɛ ngɛ e ma a dee ji nɛ ɔ nɛ: “Nyɛ plaa wawɛɛ nitsɛ; nyɛ pa a be tsa ba.

Ezekiel 23:5

Ohola je ye se ya puɛ gba. E kɛ ni nɛmɛ nɛ je Asiria mohu ya pee e suɔli.

Hosea 10:6

Niinɛ, amaga a nitsɛ lɛɛ a maa ngɔ kɛ ya Asiria kɛ ya ke matsɛ ngua a. Israel bi a hɛ mi ma pue si, nɛ zo maa gbe mɛ saminya ngɛ amaga nɛ a puɛ ɔ he.

Hosea 12:1

“Daa nyɔ kɛ pia a, yi wu tso níhi, kɛ níhi nɛ a he be se nami sɔuu Israel ma a ngɛ pee. A sisiɔ nɔ, nɛ a pueɔ muɔ si. A kɛ Asiria ngɛ huɛ bɔe, nɛ Egipt lɛɛ a kɛ lɛ yeɔ nu jua.”

Hosea 14:3

Asiria be nyɛe ma he wa yi wami. Wa be wa he ngɔe kɛ fɔ ta okpɔngɔhi a nɔ. Wa be wa amaga amɛ dee hu ke mɛ ji wa Mawu. Yawɛ, mo nɛ o naa awusahi mɔbɔ.”

Hosea 2:7

E ma ya hla e pla amɛ a se blɔ, se e nine be a nɔ sue. E ma hla mɛ hluu, se e be mɛ nae. Kɛkɛ ɔ, e ma de ke, “Ma kpale kɛ ya ye huno momo ɔ ngɔ. Benɛ i kɛ lɛ ngɛ ɔ, níhi a mi hi ha mi kulaa pe piɔ.”

Hosea 7:11

Israel ngɛ kaa beleku lahuɛ nɛ ngɛ tee kɛ ngɛ yae kɛ ngɛ bae; e be juɛmi. Ke o ke o hyɛɛ ɔ, Israel bi ji nɛ nɛ a yaa bi yemi kɛ buami ngɛ Egipt; pee se kɛkɛ a pue Asiria blɔ.

Hosea 8:9

Israel ma a tue wa kaa nga mi teji nɛ ngɛ si kpae. A ho ya bi Asiria bi yemi kɛ buami, nɛ a ya bɔ ma kpahi hu apaa ke a ba piɛ a he.

Mika 1:9

Samaria ma mi bi ɔmɛ a he pa a be tsa ba; Yuda hu miɔ nɛ e maa sɛ jamɛ a haomi ɔ nɔuu mi. Lɔ ɔ ji kaa hɛ mi kpatami su ye ma, Yerusalem agbo ɔ nya.”